Jehoshaphat

69 פסוקים · 9 בני משפחה

ידוע גם בשם: Josaphat

פסוקים המזכירים את Jehoshaphat

סינון לפי ספר
  1. 1 מְלָכִים ט״ו:כ״ד

    וישכב אסא עם אבתיו ויקבר עם אבתיו בעיר דוד אביו וימלך יהושפט בנו תחתיו׃

  2. 1 מְלָכִים כ״ב:ב׳

    ויהי בשנה השלישית וירד יהושפט מלך יהודה אל מלך ישראל׃

  3. 1 מְלָכִים כ״ב:ד׳

    ויאמר אל יהושפט התלך אתי למלחמה רמת גלעד ויאמר יהושפט אל מלך ישראל כמוני כמוך כעמי כעמך כסוסי כסוסיך׃

  4. 1 מְלָכִים כ״ב:ה׳

    ויאמר יהושפט אל מלך ישראל דרש נא כיום את דבר יהוה׃

  5. 1 מְלָכִים כ״ב:ז׳

    ויאמר יהושפט האין פה נביא ליהוה עוד ונדרשה מאותו׃

  6. 1 מְלָכִים כ״ב:ח׳

    ויאמר מלך ישראל אל יהושפט עוד איש אחד לדרש את יהוה מאתו ואני שנאתיו כי לא יתנבא עלי טוב כי אם רע מיכיהו בן ימלה ויאמר יהושפט אל יאמר המלך כן׃

  7. 1 מְלָכִים כ״ב:י׳

    ומלך ישראל ויהושפט מלך יהודה ישבים איש על כסאו מלבשים בגדים בגרן פתח שער שמרון וכל הנביאים מתנבאים לפניהם׃

  8. 1 מְלָכִים כ״ב:י״ח

    ויאמר מלך ישראל אל יהושפט הלוא אמרתי אליך לוא יתנבא עלי טוב כי אם רע׃

  9. 1 מְלָכִים כ״ב:כ״ט

    ויעל מלך ישראל ויהושפט מלך יהודה רמת גלעד׃

  10. 1 מְלָכִים כ״ב:ל׳

    ויאמר מלך ישראל אל יהושפט התחפש ובא במלחמה ואתה לבש בגדיך ויתחפש מלך ישראל ויבוא במלחמה׃

  11. 1 מְלָכִים כ״ב:ל״ב

    ויהי כראות שרי הרכב את יהושפט והמה אמרו אך מלך ישראל הוא ויסרו עליו להלחם ויזעק יהושפט׃

  12. 1 מְלָכִים כ״ב:מ״א

    ויהושפט בן אסא מלך על יהודה בשנת ארבע לאחאב מלך ישראל׃

  13. 1 מְלָכִים כ״ב:מ״ב

    יהושפט בן שלשים וחמש שנה במלכו ועשרים וחמש שנה מלך בירושלם ושם אמו עזובה בת שלחי׃

  14. 1 מְלָכִים כ״ב:מ״ד

    וישלם יהושפט עם מלך ישראל׃

  15. 1 מְלָכִים כ״ב:מ״ה

    ויתר דברי יהושפט וגבורתו אשר עשה ואשר נלחם הלא הם כתובים על ספר דברי הימים למלכי יהודה׃

  16. 1 מְלָכִים כ״ב:מ״ח

    יהושפט עשר אניות תרשיש ללכת אופירה לזהב ולא הלך כי נשברה אניות בעציון גבר׃

  17. 1 מְלָכִים כ״ב:מ״ט

    אז אמר אחזיהו בן אחאב אל יהושפט ילכו עבדי עם עבדיך באניות ולא אבה יהושפט׃

  18. 1 מְלָכִים כ״ב:נ׳

    וישכב יהושפט עם אבתיו ויקבר עם אבתיו בעיר דוד אביו וימלך יהורם בנו תחתיו׃

  19. 1 מְלָכִים כ״ב:נ״א

    אחזיהו בן אחאב מלך על ישראל בשמרון בשנת שבע עשרה ליהושפט מלך יהודה וימלך על ישראל שנתים׃

  20. 2 מְלָכִים א׳:י״ז

    וימת כדבר יהוה אשר דבר אליהו וימלך יהורם תחתיו בשנת שתים ליהורם בן יהושפט מלך יהודה כי לא היה לו בן׃

  21. 2 מְלָכִים ג׳:א׳

    ¶ ויהורם בן אחאב מלך על ישראל בשמרון בשנת שמנה עשרה ליהושפט מלך יהודה וימלך שתים עשרה שנה׃

  22. 2 מְלָכִים ג׳:ז׳

    וילך וישלח אל יהושפט מלך יהודה לאמר מלך מואב פשע בי התלך אתי אל מואב למלחמה ויאמר אעלה כמוני כמוך כעמי כעמך כסוסי כסוסיך׃

  23. 2 מְלָכִים ג׳:י״א

    ויאמר יהושפט האין פה נביא ליהוה ונדרשה את יהוה מאותו ויען אחד מעבדי מלך ישראל ויאמר פה אלישע בן שפט אשר יצק מים על ידי אליהו׃

  24. 2 מְלָכִים ג׳:י״ב

    ויאמר יהושפט יש אותו דבר יהוה וירדו אליו מלך ישראל ויהושפט ומלך אדום׃

  25. 2 מְלָכִים ג׳:י״ד

    ויאמר אלישע חי יהוה צבאות אשר עמדתי לפניו כי לולי פני יהושפט מלך יהודה אני נשא אם אביט אליך ואם אראך׃