פסוקים על Syria

235 פסוקים · 61 היבטים

פסוקי מפתח

סינון לפי ספר
  1. בְּרֵאשִׁית י׳:כ״ב

    בני שם עילם ואשור וארפכשד ולוד וארם׃

  2. בְּרֵאשִׁית י׳:כ״ג

    ובני ארם עוץ וחול וגתר ומש׃

  3. בְּרֵאשִׁית כ״ד:י׳

    ויקח העבד עשרה גמלים מגמלי אדניו וילך וכל טוב אדניו בידו ויקם וילך אל ארם נהרים אל עיר נחור׃

  4. בְּרֵאשִׁית כ״ה:כ׳

    ויהי יצחק בן ארבעים שנה בקחתו את רבקה בת בתואל הארמי מפדן ארם אחות לבן הארמי לו לאשה׃

  5. בְּרֵאשִׁית כ״ח:ה׳

    וישלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשו׃

  6. בְּמִדְבַּר כ״ג:ז׳

    וישא משלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישראל׃

  7. דְּבָרִים כ״ו:ה׳

    וענית ואמרת לפני יהוה אלהיך ארמי אבד אבי וירד מצרימה ויגר שם במתי מעט ויהי שם לגוי גדול עצום ורב׃

  8. שֹׁפְטִים י׳:ו׳

    ויספו בני ישראל לעשות הרע בעיני יהוה ויעבדו את הבעלים ואת העשתרות ואת אלהי ארם ואת אלהי צידון ואת אלהי מואב ואת אלהי בני עמון ואת אלהי פלשתים ויעזבו את יהוה ולא עבדוהו׃

  9. 2 שְׁמוּאֵל ח׳:ה׳

    ותבא ארם דמשק לעזר להדדעזר מלך צובה ויך דוד בארם עשרים ושנים אלף איש׃

  10. 2 שְׁמוּאֵל ח׳:ו׳

    וישם דוד נצבים בארם דמשק ותהי ארם לדוד לעבדים נושאי מנחה וישע יהוה את דוד בכל אשר הלך׃

  11. 2 שְׁמוּאֵל ח׳:י״א

    גם אתם הקדיש המלך דוד ליהוה עם הכסף והזהב אשר הקדיש מכל הגוים אשר כבש׃

  12. 2 שְׁמוּאֵל ח׳:י״ב

    מארם וממואב ומבני עמון ומפלשתים ומעמלק ומשלל הדדעזר בן רחב מלך צובה׃

  13. 2 שְׁמוּאֵל ח׳:י״ג

    ויעש דוד שם בשבו מהכותו את ארם בגיא מלח שמונה עשר אלף׃

  14. 2 שְׁמוּאֵל י׳:ו׳

    ויראו בני עמון כי נבאשו בדוד וישלחו בני עמון וישכרו את ארם בית רחוב ואת ארם צובא עשרים אלף רגלי ואת מלך מעכה אלף איש ואיש טוב שנים עשר אלף איש׃

  15. 2 שְׁמוּאֵל י׳:ז׳

    וישמע דוד וישלח את יואב ואת כל הצבא הגברים׃

  16. 2 שְׁמוּאֵל י׳:ח׳

    ויצאו בני עמון ויערכו מלחמה פתח השער וארם צובא ורחוב ואיש טוב ומעכה לבדם בשדה׃

  17. 2 שְׁמוּאֵל י׳:ט׳

    וירא יואב כי היתה אליו פני המלחמה מפנים ומאחור ויבחר מכל בחורי בישראל ויערך לקראת ארם׃

  18. 2 שְׁמוּאֵל י׳:י׳

    ואת יתר העם נתן ביד אבשי אחיו ויערך לקראת בני עמון׃

  19. 2 שְׁמוּאֵל י׳:י״א

    ויאמר אם תחזק ארם ממני והיתה לי לישועה ואם בני עמון יחזקו ממך והלכתי להושיע לך׃

  20. 2 שְׁמוּאֵל י׳:י״ב

    חזק ונתחזק בעד עמנו ובעד ערי אלהינו ויהוה יעשה הטוב בעיניו׃

  21. 2 שְׁמוּאֵל י׳:י״ג

    ויגש יואב והעם אשר עמו למלחמה בארם וינסו מפניו׃

  22. 2 שְׁמוּאֵל י׳:י״ד

    ובני עמון ראו כי נס ארם וינסו מפני אבישי ויבאו העיר וישב יואב מעל בני עמון ויבא ירושלם׃

  23. 2 שְׁמוּאֵל י׳:ט״ו

    וירא ארם כי נגף לפני ישראל ויאספו יחד׃

  24. 2 שְׁמוּאֵל י׳:ט״ז

    וישלח הדדעזר ויצא את ארם אשר מעבר הנהר ויבאו חילם ושובך שר צבא הדדעזר לפניהם׃

  25. 2 שְׁמוּאֵל י׳:י״ז

    ויגד לדוד ויאסף את כל ישראל ויעבר את הירדן ויבא חלאמה ויערכו ארם לקראת דוד וילחמו עמו׃