פסוקים על Syria

235 פסוקים · 61 היבטים

פסוקי מפתח

סינון לפי ספר
  1. 2 שְׁמוּאֵל י׳:י״ח

    וינס ארם מפני ישראל ויהרג דוד מארם שבע מאות רכב וארבעים אלף פרשים ואת שובך שר צבאו הכה וימת שם׃

  2. 2 שְׁמוּאֵל י׳:י״ט

    ויראו כל המלכים עבדי הדדעזר כי נגפו לפני ישראל וישלמו את ישראל ויעבדום ויראו ארם להושיע עוד את בני עמון׃

  3. 1 מְלָכִים ט״ו:י״ח

    ויקח אסא את כל הכסף והזהב הנותרים באוצרות בית יהוה ואת אוצרות בית מלך ויתנם ביד עבדיו וישלחם המלך אסא אל בן הדד בן טברמן בן חזיון מלך ארם הישב בדמשק לאמר׃

  4. 1 מְלָכִים ט״ו:י״ט

    ברית ביני ובינך בין אבי ובין אביך הנה שלחתי לך שחד כסף וזהב לך הפרה את בריתך את בעשא מלך ישראל ויעלה מעלי׃

  5. 1 מְלָכִים ט״ו:כ׳

    וישמע בן הדד אל המלך אסא וישלח את שרי החילים אשר לו על ערי ישראל ויך את עיון ואת דן ואת אבל בית מעכה ואת כל כנרות על כל ארץ נפתלי׃

  6. 1 מְלָכִים י״ט:ט״ו

    ויאמר יהוה אליו לך שוב לדרכך מדברה דמשק ובאת ומשחת את חזאל למלך על ארם׃

  7. 1 מְלָכִים כ׳:א׳

    ¶ ובן הדד מלך ארם קבץ את כל חילו ושלשים ושנים מלך אתו וסוס ורכב ויעל ויצר על שמרון וילחם בה׃

  8. 1 מְלָכִים כ׳:ב׳

    וישלח מלאכים אל אחאב מלך ישראל העירה׃

  9. 1 מְלָכִים כ׳:ג׳

    ויאמר לו כה אמר בן הדד כספך וזהבך לי הוא ונשיך ובניך הטובים לי הם׃

  10. 1 מְלָכִים כ׳:ד׳

    ויען מלך ישראל ויאמר כדברך אדני המלך לך אני וכל אשר לי׃

  11. 1 מְלָכִים כ׳:ה׳

    וישבו המלאכים ויאמרו כה אמר בן הדד לאמר כי שלחתי אליך לאמר כספך וזהבך ונשיך ובניך לי תתן׃

  12. 1 מְלָכִים כ׳:ו׳

    כי אם כעת מחר אשלח את עבדי אליך וחפשו את ביתך ואת בתי עבדיך והיה כל מחמד עיניך ישימו בידם ולקחו׃

  13. 1 מְלָכִים כ׳:ז׳

    ויקרא מלך ישראל לכל זקני הארץ ויאמר דעו נא וראו כי רעה זה מבקש כי שלח אלי לנשי ולבני ולכספי ולזהבי ולא מנעתי ממנו׃

  14. 1 מְלָכִים כ׳:ח׳

    ויאמרו אליו כל הזקנים וכל העם אל תשמע ולוא תאבה׃

  15. 1 מְלָכִים כ׳:ט׳

    ויאמר למלאכי בן הדד אמרו לאדני המלך כל אשר שלחת אל עבדך בראשנה אעשה והדבר הזה לא אוכל לעשות וילכו המלאכים וישבהו דבר׃

  16. 1 מְלָכִים כ׳:י׳

    וישלח אליו בן הדד ויאמר כה יעשון לי אלהים וכה יוספו אם ישפק עפר שמרון לשעלים לכל העם אשר ברגלי׃

  17. 1 מְלָכִים כ׳:י״א

    ויען מלך ישראל ויאמר דברו אל יתהלל חגר כמפתח׃

  18. 1 מְלָכִים כ׳:י״ב

    ויהי כשמע את הדבר הזה והוא שתה הוא והמלכים בסכות ויאמר אל עבדיו שימו וישימו על העיר׃

  19. 1 מְלָכִים כ׳:י״ג

    והנה נביא אחד נגש אל אחאב מלך ישראל ויאמר כה אמר יהוה הראית את כל ההמון הגדול הזה הנני נתנו בידך היום וידעת כי אני יהוה׃

  20. 1 מְלָכִים כ׳:י״ד

    ויאמר אחאב במי ויאמר כה אמר יהוה בנערי שרי המדינות ויאמר מי יאסר המלחמה ויאמר אתה׃

  21. 1 מְלָכִים כ׳:ט״ו

    ויפקד את נערי שרי המדינות ויהיו מאתים שנים ושלשים ואחריהם פקד את כל העם כל בני ישראל שבעת אלפים׃

  22. 1 מְלָכִים כ׳:ט״ז

    ויצאו בצהרים ובן הדד שתה שכור בסכות הוא והמלכים שלשים ושנים מלך עזר אתו׃

  23. 1 מְלָכִים כ׳:י״ז

    ויצאו נערי שרי המדינות בראשנה וישלח בן הדד ויגידו לו לאמר אנשים יצאו משמרון׃

  24. 1 מְלָכִים כ׳:י״ח

    ויאמר אם לשלום יצאו תפשום חיים ואם למלחמה יצאו חיים תפשום׃

  25. 1 מְלָכִים כ׳:י״ט

    ואלה יצאו מן העיר נערי שרי המדינות והחיל אשר אחריהם׃