פסוקים על Syria: Craftily drawn into a league with

13 פסוקים · 61 היבטים

פסוקים על Craftily drawn into a league with

  1. 1 מְלָכִים כ׳:ל״א

    ויאמרו אליו עבדיו הנה נא שמענו כי מלכי בית ישראל כי מלכי חסד הם נשימה נא שקים במתנינו וחבלים בראשנו ונצא אל מלך ישראל אולי יחיה את נפשך׃

  2. 1 מְלָכִים כ׳:ל״ב

    ויחגרו שקים במתניהם וחבלים בראשיהם ויבאו אל מלך ישראל ויאמרו עבדך בן הדד אמר תחי נא נפשי ויאמר העודנו חי אחי הוא׃

  3. 1 מְלָכִים כ׳:ל״ג

    והאנשים ינחשו וימהרו ויחלטו הממנו ויאמרו אחיך בן הדד ויאמר באו קחהו ויצא אליו בן הדד ויעלהו על המרכבה׃

  4. 1 מְלָכִים כ׳:ל״ד

    ויאמר אליו הערים אשר לקח אבי מאת אביך אשיב וחוצות תשים לך בדמשק כאשר שם אבי בשמרון ואני בברית אשלחך ויכרת לו ברית וישלחהו׃

  5. 1 מְלָכִים כ׳:ל״ה

    ואיש אחד מבני הנביאים אמר אל רעהו בדבר יהוה הכיני נא וימאן האיש להכתו׃

  6. 1 מְלָכִים כ׳:ל״ו

    ויאמר לו יען אשר לא שמעת בקול יהוה הנך הולך מאתי והכך האריה וילך מאצלו וימצאהו האריה ויכהו׃

  7. 1 מְלָכִים כ׳:ל״ז

    וימצא איש אחר ויאמר הכיני נא ויכהו האיש הכה ופצע׃

  8. 1 מְלָכִים כ׳:ל״ח

    וילך הנביא ויעמד למלך על הדרך ויתחפש באפר על עיניו׃

  9. 1 מְלָכִים כ׳:ל״ט

    ויהי המלך עבר והוא צעק אל המלך ויאמר עבדך יצא בקרב המלחמה והנה איש סר ויבא אלי איש ויאמר שמר את האיש הזה אם הפקד יפקד והיתה נפשך תחת נפשו או ככר כסף תשקול׃

  10. 1 מְלָכִים כ׳:מ׳

    ויהי עבדך עשה הנה והנה והוא איננו ויאמר אליו מלך ישראל כן משפטך אתה חרצת׃

  11. 1 מְלָכִים כ׳:מ״א

    וימהר ויסר את האפר מעל עיניו ויכר אתו מלך ישראל כי מהנבאים הוא׃

  12. 1 מְלָכִים כ׳:מ״ב

    ויאמר אליו כה אמר יהוה יען שלחת את איש חרמי מיד והיתה נפשך תחת נפשו ועמך תחת עמו׃

  13. 1 מְלָכִים כ׳:מ״ג

    וילך מלך ישראל על ביתו סר וזעף ויבא שמרונה׃