פסוקים על Micaiah

45 פסוקים · 1 היבט

פסוקי מפתח

1 מְלָכִים כ״ב:ח׳
ויאמר מלך ישראל אל יהושפט עוד איש אחד לדרש את יהוה מאתו ואני שנאתיו כי לא יתנבא עלי טוב כי אם רע מיכיהו בן ימלה ויאמר יהושפט אל יאמר המלך כן׃
1 מְלָכִים כ״ב:ט׳
ויקרא מלך ישראל אל סריס אחד ויאמר מהרה מיכיהו בן ימלה׃
1 מְלָכִים כ״ב:י׳
ומלך ישראל ויהושפט מלך יהודה ישבים איש על כסאו מלבשים בגדים בגרן פתח שער שמרון וכל הנביאים מתנבאים לפניהם׃
1 מְלָכִים כ״ב:י״א
ויעש לו צדקיה בן כנענה קרני ברזל ויאמר כה אמר יהוה באלה תנגח את ארם עד כלתם׃
1 מְלָכִים כ״ב:י״ב
וכל הנבאים נבאים כן לאמר עלה רמת גלעד והצלח ונתן יהוה ביד המלך׃
1 מְלָכִים כ״ב:י״ג
והמלאך אשר הלך לקרא מיכיהו דבר אליו לאמר הנה נא דברי הנביאים פה אחד טוב אל המלך יהי נא דבריך כדבר אחד מהם ודברת טוב׃
1 מְלָכִים כ״ב:י״ד
ויאמר מיכיהו חי יהוה כי את אשר יאמר יהוה אלי אתו אדבר׃
1 מְלָכִים כ״ב:ט״ו
ויבוא אל המלך ויאמר המלך אליו מיכיהו הנלך אל רמת גלעד למלחמה אם נחדל ויאמר אליו עלה והצלח ונתן יהוה ביד המלך׃
1 מְלָכִים כ״ב:ט״ז
ויאמר אליו המלך עד כמה פעמים אני משבעך אשר לא תדבר אלי רק אמת בשם יהוה׃
1 מְלָכִים כ״ב:י״ז
ויאמר ראיתי את כל ישראל נפצים אל ההרים כצאן אשר אין להם רעה ויאמר יהוה לא אדנים לאלה ישובו איש לביתו בשלום׃
1 מְלָכִים כ״ב:י״ח
ויאמר מלך ישראל אל יהושפט הלוא אמרתי אליך לוא יתנבא עלי טוב כי אם רע׃
1 מְלָכִים כ״ב:י״ט
ויאמר לכן שמע דבר יהוה ראיתי את יהוה ישב על כסאו וכל צבא השמים עמד עליו מימינו ומשמאלו׃
1 מְלָכִים כ״ב:כ׳
ויאמר יהוה מי יפתה את אחאב ויעל ויפל ברמת גלעד ויאמר זה בכה וזה אמר בכה׃
1 מְלָכִים כ״ב:כ״א
ויצא הרוח ויעמד לפני יהוה ויאמר אני אפתנו ויאמר יהוה אליו במה׃
1 מְלָכִים כ״ב:כ״ב
ויאמר אצא והייתי רוח שקר בפי כל נביאיו ויאמר תפתה וגם תוכל צא ועשה כן׃
1 מְלָכִים כ״ב:כ״ג
ועתה הנה נתן יהוה רוח שקר בפי כל נביאיך אלה ויהוה דבר עליך רעה׃
1 מְלָכִים כ״ב:כ״ד
ויגש צדקיהו בן כנענה ויכה את מיכיהו על הלחי ויאמר אי זה עבר רוח יהוה מאתי לדבר אותך׃
1 מְלָכִים כ״ב:כ״ה
ויאמר מיכיהו הנך ראה ביום ההוא אשר תבא חדר בחדר להחבה׃
1 מְלָכִים כ״ב:כ״ו
ויאמר מלך ישראל קח את מיכיהו והשיבהו אל אמן שר העיר ואל יואש בן המלך׃
1 מְלָכִים כ״ב:כ״ז
ואמרת כה אמר המלך שימו את זה בית הכלא והאכילהו לחם לחץ ומים לחץ עד באי בשלום׃
1 מְלָכִים כ״ב:כ״ח
ויאמר מיכיהו אם שוב תשוב בשלום לא דבר יהוה בי ויאמר שמעו עמים כלם׃
2 דִּבְרֵי הַיָּמִים י״ח:ד׳
ויאמר יהושפט אל מלך ישראל דרש נא כיום את דבר יהוה׃
2 דִּבְרֵי הַיָּמִים י״ח:ה׳
ויקבץ מלך ישראל את הנבאים ארבע מאות איש ויאמר אלהם הנלך אל רמת גלעד למלחמה אם אחדל ויאמרו עלה ויתן האלהים ביד המלך׃
2 דִּבְרֵי הַיָּמִים י״ח:ו׳
ויאמר יהושפט האין פה נביא ליהוה עוד ונדרשה מאתו׃
2 דִּבְרֵי הַיָּמִים י״ח:ז׳
ויאמר מלך ישראל אל יהושפט עוד איש אחד לדרוש את יהוה מאתו ואני שנאתיהו כי איננו מתנבא עלי לטובה כי כל ימיו לרעה הוא מיכיהו בן ימלא ויאמר יהושפט אל יאמר המלך כן׃

מציג 1–25 מתוך 45 פסוקים

1 2 הבא