פסוקים על The Ammonites: Punishment for oppressive cruelty

8 פסוקים · 46 היבטים

פסוקים על Punishment for oppressive cruelty

  1. יִרְמְיָהוּ מ״ט:א׳

    ¶ לבני עמון כה אמר יהוה הבנים אין לישראל אם יורש אין לו מדוע ירש מלכם את גד ועמו בעריו ישב׃

  2. יִרְמְיָהוּ מ״ט:ב׳

    לכן הנה ימים באים נאם יהוה והשמעתי אל רבת בני עמון תרועת מלחמה והיתה לתל שממה ובנתיה באש תצתנה וירש ישראל את ירשיו אמר יהוה׃

  3. יִרְמְיָהוּ מ״ט:ג׳

    הילילי חשבון כי שדדה עי צעקנה בנות רבה חגרנה שקים ספדנה והתשוטטנה בגדרות כי מלכם בגולה ילך כהניו ושריו יחדיו׃

  4. יִרְמְיָהוּ מ״ט:ד׳

    מה תתהללי בעמקים זב עמקך הבת השובבה הבטחה באצרתיה מי יבוא אלי׃

  5. יִרְמְיָהוּ מ״ט:ה׳

    הנני מביא עליך פחד נאם אדני יהוה צבאות מכל סביביך ונדחתם איש לפניו ואין מקבץ לנדד׃

  6. עָמוֹס א׳:י״ג

    כה אמר יהוה על שלשה פשעי בני עמון ועל ארבעה לא אשיבנו על בקעם הרות הגלעד למען הרחיב את גבולם׃

  7. עָמוֹס א׳:י״ד

    והצתי אש בחומת רבה ואכלה ארמנותיה בתרועה ביום מלחמה בסער ביום סופה׃

  8. עָמוֹס א׳:ט״ו

    והלך מלכם בגולה הוא ושריו יחדו אמר יהוה׃