פסוקים על The Ammonites

121 פסוקים · 46 היבטים

פסוקי מפתח

סינון לפי ספר
  1. שֹׁפְטִים י״א:כ״א

    ויתן יהוה אלהי ישראל את סיחון ואת כל עמו ביד ישראל ויכום ויירש ישראל את כל ארץ האמרי יושב הארץ ההיא׃

  2. שֹׁפְטִים י״א:כ״ב

    ויירשו את כל גבול האמרי מארנון ועד היבק ומן המדבר ועד הירדן׃

  3. שֹׁפְטִים י״א:כ״ג

    ועתה יהוה אלהי ישראל הוריש את האמרי מפני עמו ישראל ואתה תירשנו׃

  4. שֹׁפְטִים י״א:כ״ד

    הלא את אשר יורישך כמוש אלהיך אותו תירש ואת כל אשר הוריש יהוה אלהינו מפנינו אותו נירש׃

  5. שֹׁפְטִים י״א:כ״ה

    ועתה הטוב טוב אתה מבלק בן צפור מלך מואב הרוב רב עם ישראל אם נלחם נלחם בם׃

  6. שֹׁפְטִים י״א:כ״ו

    בשבת ישראל בחשבון ובבנותיה ובערעור ובבנותיה ובכל הערים אשר על ידי ארנון שלש מאות שנה ומדוע לא הצלתם בעת ההיא׃

  7. שֹׁפְטִים י״א:כ״ז

    ואנכי לא חטאתי לך ואתה עשה אתי רעה להלחם בי ישפט יהוה השפט היום בין בני ישראל ובין בני עמון׃

  8. שֹׁפְטִים י״א:כ״ח

    ולא שמע מלך בני עמון אל דברי יפתח אשר שלח אליו׃

  9. שֹׁפְטִים י״א:כ״ט

    ותהי על יפתח רוח יהוה ויעבר את הגלעד ואת מנשה ויעבר את מצפה גלעד וממצפה גלעד עבר בני עמון׃

  10. שֹׁפְטִים י״א:ל׳

    וידר יפתח נדר ליהוה ויאמר אם נתון תתן את בני עמון בידי׃

  11. שֹׁפְטִים י״א:ל״א

    והיה היוצא אשר יצא מדלתי ביתי לקראתי בשובי בשלום מבני עמון והיה ליהוה והעליתהו עולה׃

  12. שֹׁפְטִים י״א:ל״ב

    ויעבר יפתח אל בני עמון להלחם בם ויתנם יהוה בידו׃

  13. שֹׁפְטִים י״א:ל״ג

    ויכם מערוער ועד בואך מנית עשרים עיר ועד אבל כרמים מכה גדולה מאד ויכנעו בני עמון מפני בני ישראל׃

  14. 1 שְׁמוּאֵל י״א:א׳

    ¶ ויעל נחש העמוני ויחן על יבש גלעד ויאמרו כל אנשי יביש אל נחש כרת לנו ברית ונעבדך׃

  15. 1 שְׁמוּאֵל י״א:ב׳

    ויאמר אליהם נחש העמוני בזאת אכרת לכם בנקור לכם כל עין ימין ושמתיה חרפה על כל ישראל׃

  16. 1 שְׁמוּאֵל י״א:ג׳

    ויאמרו אליו זקני יביש הרף לנו שבעת ימים ונשלחה מלאכים בכל גבול ישראל ואם אין מושיע אתנו ויצאנו אליך׃

  17. 2 שְׁמוּאֵל י׳:א׳

    ¶ ויהי אחרי כן וימת מלך בני עמון וימלך חנון בנו תחתיו׃

  18. 2 שְׁמוּאֵל י׳:ב׳

    ויאמר דוד אעשה חסד עם חנון בן נחש כאשר עשה אביו עמדי חסד וישלח דוד לנחמו ביד עבדיו אל אביו ויבאו עבדי דוד ארץ בני עמון׃

  19. 2 שְׁמוּאֵל י׳:ג׳

    ויאמרו שרי בני עמון אל חנון אדניהם המכבד דוד את אביך בעיניך כי שלח לך מנחמים הלוא בעבור חקור את העיר ולרגלה ולהפכה שלח דוד את עבדיו אליך׃

  20. 2 שְׁמוּאֵל י׳:ד׳

    ויקח חנון את עבדי דוד ויגלח את חצי זקנם ויכרת את מדויהם בחצי עד שתותיהם וישלחם׃

  21. 2 שְׁמוּאֵל י׳:ז׳

    וישמע דוד וישלח את יואב ואת כל הצבא הגברים׃

  22. 2 שְׁמוּאֵל י׳:ח׳

    ויצאו בני עמון ויערכו מלחמה פתח השער וארם צובא ורחוב ואיש טוב ומעכה לבדם בשדה׃

  23. 2 שְׁמוּאֵל י׳:ט׳

    וירא יואב כי היתה אליו פני המלחמה מפנים ומאחור ויבחר מכל בחורי בישראל ויערך לקראת ארם׃

  24. 2 שְׁמוּאֵל י׳:י׳

    ואת יתר העם נתן ביד אבשי אחיו ויערך לקראת בני עמון׃

  25. 2 שְׁמוּאֵל י׳:י״א

    ויאמר אם תחזק ארם ממני והיתה לי לישועה ואם בני עמון יחזקו ממך והלכתי להושיע לך׃