circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים א׳:כ״ובערך תט״ו לפנה״ס

    ולי אני עבדך ולצדק הכהן ולבניהו בן יהוידע ולשלמה עבדך לא קרא׃

  2. 1 מְלָכִים א׳:כ״זבערך תט״ו לפנה״ס

    אם מאת אדני המלך נהיה הדבר הזה ולא הודעת את עבדיך מי ישב על כסא אדני המלך אחריו׃

  3. 1 מְלָכִים א׳:כ״חבערך תט״ו לפנה״ס

    ויען המלך דוד ויאמר קראו לי לבת שבע ותבא לפני המלך ותעמד לפני המלך׃

  4. 1 מְלָכִים א׳:כ״טבערך תט״ו לפנה״ס

    וישבע המלך ויאמר חי יהוה אשר פדה את נפשי מכל צרה׃

  5. 1 מְלָכִים א׳:ל׳בערך תט״ו לפנה״ס

    כי כאשר נשבעתי לך ביהוה אלהי ישראל לאמר כי שלמה בנך ימלך אחרי והוא ישב על כסאי תחתי כי כן אעשה היום הזה׃

  6. 1 מְלָכִים א׳:ל״אבערך תט״ו לפנה״ס

    ותקד בת שבע אפים ארץ ותשתחו למלך ותאמר יחי אדני המלך דוד לעלם׃

  7. 1 מְלָכִים א׳:ל״בבערך תט״ו לפנה״ס

    ויאמר המלך דוד קראו לי לצדוק הכהן ולנתן הנביא ולבניהו בן יהוידע ויבאו לפני המלך׃

  8. 1 מְלָכִים א׳:ל״גבערך תט״ו לפנה״ס

    ויאמר המלך להם קחו עמכם את עבדי אדניכם והרכבתם את שלמה בני על הפרדה אשר לי והורדתם אתו אל גחון׃

  9. 1 מְלָכִים א׳:ל״דבערך תט״ו לפנה״ס

    ומשח אתו שם צדוק הכהן ונתן הנביא למלך על ישראל ותקעתם בשופר ואמרתם יחי המלך שלמה׃

  10. 1 מְלָכִים א׳:ל״הבערך תט״ו לפנה״ס

    ועליתם אחריו ובא וישב על כסאי והוא ימלך תחתי ואתו צויתי להיות נגיד על ישראל ועל יהודה׃

  11. 1 מְלָכִים א׳:ל״ובערך תט״ו לפנה״ס

    ויען בניהו בן יהוידע את המלך ויאמר אמן כן יאמר יהוה אלהי אדני המלך׃

  12. 1 מְלָכִים א׳:ל״זבערך תט״ו לפנה״ס

    כאשר היה יהוה עם אדני המלך כן יהי עם שלמה ויגדל את כסאו מכסא אדני המלך דוד׃

  13. 1 מְלָכִים א׳:ל״חבערך תט״ו לפנה״ס

    וירד צדוק הכהן ונתן הנביא ובניהו בן יהוידע והכרתי והפלתי וירכבו את שלמה על פרדת המלך דוד וילכו אתו על גחון׃

  14. 1 מְלָכִים א׳:ל״טבערך תט״ו לפנה״ס

    ויקח צדוק הכהן את קרן השמן מן האהל וימשח את שלמה ויתקעו בשופר ויאמרו כל העם יחי המלך שלמה׃

  15. 1 מְלָכִים א׳:מ׳בערך תט״ו לפנה״ס

    ויעלו כל העם אחריו והעם מחללים בחללים ושמחים שמחה גדולה ותבקע הארץ בקולם׃

  16. 1 מְלָכִים א׳:מ״אבערך תט״ו לפנה״ס

    וישמע אדניהו וכל הקראים אשר אתו והם כלו לאכל וישמע יואב את קול השופר ויאמר מדוע קול הקריה הומה׃

  17. 1 מְלָכִים א׳:מ״בבערך תט״ו לפנה״ס

    עודנו מדבר והנה יונתן בן אביתר הכהן בא ויאמר אדניהו בא כי איש חיל אתה וטוב תבשר׃

  18. 1 מְלָכִים א׳:מ״גבערך תט״ו לפנה״ס

    ויען יונתן ויאמר לאדניהו אבל אדנינו המלך דוד המליך את שלמה׃

  19. 1 מְלָכִים א׳:מ״דבערך תט״ו לפנה״ס

    וישלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלך׃

  20. 1 מְלָכִים א׳:מ״הבערך תט״ו לפנה״ס

    וימשחו אתו צדוק הכהן ונתן הנביא למלך בגחון ויעלו משם שמחים ותהם הקריה הוא הקול אשר שמעתם׃

  21. 1 מְלָכִים א׳:מ״ובערך תט״ו לפנה״ס

    וגם ישב שלמה על כסא המלוכה׃

  22. 1 מְלָכִים א׳:מ״זבערך תט״ו לפנה״ס

    וגם באו עבדי המלך לברך את אדנינו המלך דוד לאמר ייטב אלהיך את שם שלמה משמך ויגדל את כסאו מכסאך וישתחו המלך על המשכב׃

  23. 1 מְלָכִים א׳:מ״חבערך תט״ו לפנה״ס

    וגם ככה אמר המלך ברוך יהוה אלהי ישראל אשר נתן היום ישב על כסאי ועיני ראות׃

  24. 1 מְלָכִים א׳:מ״טבערך תט״ו לפנה״ס

    ויחרדו ויקמו כל הקראים אשר לאדניהו וילכו איש לדרכו׃

  25. 1 מְלָכִים א׳:נ׳בערך תט״ו לפנה״ס

    ואדניהו ירא מפני שלמה ויקם וילך ויחזק בקרנות המזבח׃