circa 970–930 BC

Solomon & The Temple

Solomon builds the great Temple in Jerusalem and rules with unprecedented wisdom and wealth before foreign gods divide his heart.

635 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 1 מְלָכִים א׳:נ״אבערך תט״ו לפנה״ס

    ויגד לשלמה לאמר הנה אדניהו ירא את המלך שלמה והנה אחז בקרנות המזבח לאמר ישבע לי כיום המלך שלמה אם ימית את עבדו בחרב׃

  2. 1 מְלָכִים א׳:נ״בבערך תט״ו לפנה״ס

    ויאמר שלמה אם יהיה לבן חיל לא יפל משערתו ארצה ואם רעה תמצא בו ומת׃

  3. 1 מְלָכִים א׳:נ״גבערך תט״ו לפנה״ס

    וישלח המלך שלמה וירדהו מעל המזבח ויבא וישתחו למלך שלמה ויאמר לו שלמה לך לביתך׃

  4. 1 מְלָכִים ב׳:א׳

    ¶ ויקרבו ימי דוד למות ויצו את שלמה בנו לאמר׃

  5. 1 מְלָכִים ב׳:ב׳

    אנכי הלך בדרך כל הארץ וחזקת והיית לאיש׃

  6. 1 מְלָכִים ב׳:ג׳

    ושמרת את משמרת יהוה אלהיך ללכת בדרכיו לשמר חקתיו מצותיו ומשפטיו ועדותיו ככתוב בתורת משה למען תשכיל את כל אשר תעשה ואת כל אשר תפנה שם׃

  7. 1 מְלָכִים ב׳:ד׳

    למען יקים יהוה את דברו אשר דבר עלי לאמר אם ישמרו בניך את דרכם ללכת לפני באמת בכל לבבם ובכל נפשם לאמר לא יכרת לך איש מעל כסא ישראל׃

  8. 1 מְלָכִים ב׳:ה׳

    וגם אתה ידעת את אשר עשה לי יואב בן צרויה אשר עשה לשני שרי צבאות ישראל לאבנר בן נר ולעמשא בן יתר ויהרגם וישם דמי מלחמה בשלם ויתן דמי מלחמה בחגרתו אשר במתניו ובנעלו אשר ברגליו׃

  9. 1 מְלָכִים ב׳:ו׳

    ועשית כחכמתך ולא תורד שיבתו בשלם שאל׃

  10. 1 מְלָכִים ב׳:ז׳

    ולבני ברזלי הגלעדי תעשה חסד והיו באכלי שלחנך כי כן קרבו אלי בברחי מפני אבשלום אחיך׃

  11. 1 מְלָכִים ב׳:ח׳

    והנה עמך שמעי בן גרא בן הימיני מבחרים והוא קללני קללה נמרצת ביום לכתי מחנים והוא ירד לקראתי הירדן ואשבע לו ביהוה לאמר אם אמיתך בחרב׃

  12. 1 מְלָכִים ב׳:ט׳

    ועתה אל תנקהו כי איש חכם אתה וידעת את אשר תעשה לו והורדת את שיבתו בדם שאול׃

  13. 1 מְלָכִים ב׳:י׳

    וישכב דוד עם אבתיו ויקבר בעיר דוד׃

  14. 1 מְלָכִים ב׳:י״א

    והימים אשר מלך דוד על ישראל ארבעים שנה בחברון מלך שבע שנים ובירושלם מלך שלשים ושלש שנים׃

  15. 1 מְלָכִים ב׳:י״בבערך תי״ד לפנה״ס

    ושלמה ישב על כסא דוד אביו ותכן מלכתו מאד׃

  16. 1 מְלָכִים ב׳:י״גבערך תי״ד לפנה״ס

    ויבא אדניהו בן חגית אל בת שבע אם שלמה ותאמר השלום באך ויאמר שלום׃

  17. 1 מְלָכִים ב׳:י״דבערך תי״ד לפנה״ס

    ויאמר דבר לי אליך ותאמר דבר׃

  18. 1 מְלָכִים ב׳:ט״ובערך תי״ד לפנה״ס

    ויאמר את ידעת כי לי היתה המלוכה ועלי שמו כל ישראל פניהם למלך ותסב המלוכה ותהי לאחי כי מיהוה היתה לו׃

  19. 1 מְלָכִים ב׳:ט״זבערך תי״ד לפנה״ס

    ועתה שאלה אחת אנכי שאל מאתך אל תשבי את פני ותאמר אליו דבר׃

  20. 1 מְלָכִים ב׳:י״זבערך תי״ד לפנה״ס

    ויאמר אמרי נא לשלמה המלך כי לא ישיב את פניך ויתן לי את אבישג השונמית לאשה׃

  21. 1 מְלָכִים ב׳:י״חבערך תי״ד לפנה״ס

    ותאמר בת שבע טוב אנכי אדבר עליך אל המלך׃

  22. 1 מְלָכִים ב׳:י״טבערך תי״ד לפנה״ס

    ותבא בת שבע אל המלך שלמה לדבר לו על אדניהו ויקם המלך לקראתה וישתחו לה וישב על כסאו וישם כסא לאם המלך ותשב לימינו׃

  23. 1 מְלָכִים ב׳:כ׳בערך תי״ד לפנה״ס

    ותאמר שאלה אחת קטנה אנכי שאלת מאתך אל תשב את פני ויאמר לה המלך שאלי אמי כי לא אשיב את פניך׃

  24. 1 מְלָכִים ב׳:כ״אבערך תי״ד לפנה״ס

    ותאמר יתן את אבישג השנמית לאדניהו אחיך לאשה׃

  25. 1 מְלָכִים ב׳:כ״בבערך תי״ד לפנה״ס

    ויען המלך שלמה ויאמר לאמו ולמה את שאלת את אבישג השנמית לאדניהו ושאלי לו את המלוכה כי הוא אחי הגדול ממני ולו ולאביתר הכהן וליואב בן צרויה׃