פסוקים על The Tribe Of Zebulun

ותהר עוד לאה ותלד בן ששי ליעקב׃

ותאמר לאה זבדני אלהים אתי זבד טוב הפעם יזבלני אישי כי ילדתי לו ששה בנים ותקרא את שמו זבלון׃

זבולן לחוף ימים ישכן והוא לחוף אניות וירכתו על צידן׃

לזבולן אליאב בן חלן׃

לבני זבולן תולדתם למשפחתם לבית אבתם במספר שמת מבן עשרים שנה ומעלה כל יצא צבא׃

פקדיהם למטה זבולן שבעה וחמשים אלף וארבע מאות׃

והחנים קדמה מזרחה דגל מחנה יהודה לצבאתם ונשיא לבני יהודה נחשון בן עמינדב׃

מטה זבולן ונשיא לבני זבולן אליאב בן חלן׃

ביום השלישי נשיא לבני זבולן אליאב בן חלן׃

קרבנו קערת כסף אחת שלשים ומאה משקלה מזרק אחד כסף שבעים שקל בשקל הקדש שניהם מלאים סלת בלולה בשמן למנחה׃

כף אחת עשרה זהב מלאה קטרת׃

פר אחד בן בקר איל אחד כבש אחד בן שנתו לעלה׃

שעיר עזים אחד לחטאת׃

ולזבח השלמים בקר שנים אילם חמשה עתדים חמשה כבשים בני שנה חמשה זה קרבן אליאב בן חלן׃

ויסע דגל מחנה בני יהודה בראשנה לצבאתם ועל צבאו נחשון בן עמינדב׃

ועל צבא מטה בני זבולן אליאב בן חלון׃

למטה זבולן גדיאל בן סודי׃

בני זבולן למשפחתם לסרד משפחת הסרדי לאלון משפחת האלני ליחלאל משפחת היחלאלי׃

אלה משפחת הזבולני לפקדיהם ששים אלף וחמש מאות׃

ולמטה בני זבולן נשיא אליצפן בן פרנך׃

ואלה יעמדו על הקללה בהר עיבל ראובן גד ואשר וזבולן דן ונפתלי׃

ולזבולן אמר שמח זבולן בצאתך ויששכר באהליך׃

עמים הר יקראו שם יזבחו זבחי צדק כי שפע ימים יינקו ושפוני טמוני חול׃

ויעל הגורל השלישי לבני זבולן למשפחתם ויהי גבול נחלתם עד שריד׃

ועלה גבולם לימה ומרעלה ופגע בדבשת ופגע אל הנחל אשר על פני יקנעם׃