פסוקים על Regeneration

ולא נתן יהוה לכם לב לדעת ועינים לראות ואזנים לשמע עד היום הזה׃

ומל יהוה אלהיך את לבבך ואת לבב זרעך לאהבה את יהוה אלהיך בכל לבבך ובכל נפשך למען חייך׃

להטות לבבנו אליו ללכת בכל דרכיו ולשמר מצותיו וחקיו ומשפטיו אשר צוה את אבתינו׃

כי עמך מקור חיים באורך נראה אור׃

הרבה כבסני מעוני ומחטאתי טהרני׃

תחטאני באזוב ואטהר תכבסני ומשלג אלבין׃

לב טהור ברא לי אלהים ורוח נכון חדש בקרבי׃

דברי עונת גברו מני פשעינו אתה תכפרם׃

עלית למרום שבית שבי לקחת מתנות באדם ואף סוררים לשכן יה אלהים׃

אזכיר רהב ובבל לידעי הנה פלשת וצור עם כוש זה ילד שם׃

יהוה יספר בכתוב עמים זה ילד שם סלה׃

עמך נדבת ביום חילך בהדרי קדש מרחם משחר לך טל ילדתיך׃

מכל משמר נצר לבך כי ממנו תוצאות חיים׃

בארח צדקה חיים ודרך נתיבה אל מות׃

יראת יהוה מקור חיים לסור ממקשי מות׃

¶ לאדם מערכי לב ומיהוה מענה לשון׃

רחצו הזכו הסירו רע מעלליכם מנגד עיני חדלו הרע׃

למדו היטב דרשו משפט אשרו חמוץ שפטו יתום ריבו אלמנה׃

ואשיבה ידי עליך ואצרף כבר סיגיך ואסירה כל בדיליך׃

אם רחץ אדני את צאת בנות ציון ואת דמי ירושלם ידיח מקרבה ברוח משפט וברוח בער׃

ושאבתם מים בששון ממעיני הישועה׃

יהוה תשפת שלום לנו כי גם כל מעשינו פעלת לנו׃

כי בראתו ילדיו מעשה ידי בקרבו יקדישו שמי והקדישו את קדוש יעקב ואת אלהי ישראל יעריצו׃

ולא תשעינה עיני ראים ואזני שמעים תקשבנה׃

ולבב נמהרים יבין לדעת ולשון עלגים תמהר לדבר צחות׃