פסוקים על Regeneration

256 פסוקים · 1 היבט

פסוקי מפתח

סינון לפי ספר
  1. יְחֶזְקֵאל י״א:כ׳

    למען בחקתי ילכו ואת משפטי ישמרו ועשו אתם והיו לי לעם ואני אהיה להם לאלהים׃

  2. יְחֶזְקֵאל ט״ז:ט׳

    וארחצך במים ואשטף דמיך מעליך ואסכך בשמן׃

  3. יְחֶזְקֵאל י״ח:ל״א

    השליכו מעליכם את כל פשעיכם אשר פשעתם בם ועשו לכם לב חדש ורוח חדשה ולמה תמתו בית ישראל׃

  4. יְחֶזְקֵאל ל״ו:כ״ו

    ונתתי לכם לב חדש ורוח חדשה אתן בקרבכם והסרתי את לב האבן מבשרכם ונתתי לכם לב בשר׃

  5. יְחֶזְקֵאל ל״ו:כ״ז

    ואת רוחי אתן בקרבכם ועשיתי את אשר בחקי תלכו ומשפטי תשמרו ועשיתם׃

  6. יְחֶזְקֵאל ל״ו:כ״ט

    והושעתי אתכם מכל טמאותיכם וקראתי אל הדגן והרביתי אתו ולא אתן עליכם רעב׃

  7. יְחֶזְקֵאל ל״ז:א׳

    ¶ היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמות׃

  8. יְחֶזְקֵאל ל״ז:ב׳

    והעבירני עליהם סביב סביב והנה רבות מאד על פני הבקעה והנה יבשות מאד׃

  9. יְחֶזְקֵאל ל״ז:ג׳

    ויאמר אלי בן אדם התחיינה העצמות האלה ואמר אדני יהוה אתה ידעת׃

  10. יְחֶזְקֵאל ל״ז:ד׳

    ויאמר אלי הנבא על העצמות האלה ואמרת אליהם העצמות היבשות שמעו דבר יהוה׃

  11. יְחֶזְקֵאל ל״ז:ה׳

    כה אמר אדני יהוה לעצמות האלה הנה אני מביא בכם רוח וחייתם׃

  12. יְחֶזְקֵאל ל״ז:ו׳

    ונתתי עליכם גדים והעלתי עליכם בשר וקרמתי עליכם עור ונתתי בכם רוח וחייתם וידעתם כי אני יהוה׃

  13. יְחֶזְקֵאל ל״ז:ז׳

    ונבאתי כאשר צויתי ויהי קול כהנבאי והנה רעש ותקרבו עצמות עצם אל עצמו׃

  14. יְחֶזְקֵאל ל״ז:ח׳

    וראיתי והנה עליהם גדים ובשר עלה ויקרם עליהם עור מלמעלה ורוח אין בהם׃

  15. יְחֶזְקֵאל ל״ז:ט׳

    ויאמר אלי הנבא אל הרוח הנבא בן אדם ואמרת אל הרוח כה אמר אדני יהוה מארבע רוחות באי הרוח ופחי בהרוגים האלה ויחיו׃

  16. יְחֶזְקֵאל ל״ז:י׳

    והנבאתי כאשר צוני ותבוא בהם הרוח ויחיו ויעמדו על רגליהם חיל גדול מאד מאד׃

  17. יְחֶזְקֵאל ל״ז:י״א

    ויאמר אלי בן אדם העצמות האלה כל בית ישראל המה הנה אמרים יבשו עצמותינו ואבדה תקותנו נגזרנו לנו׃

  18. יְחֶזְקֵאל ל״ז:י״ב

    לכן הנבא ואמרת אליהם כה אמר אדני יהוה הנה אני פתח את קברותיכם והעליתי אתכם מקברותיכם עמי והבאתי אתכם אל אדמת ישראל׃

  19. יְחֶזְקֵאל ל״ז:י״ג

    וידעתם כי אני יהוה בפתחי את קברותיכם ובהעלותי אתכם מקברותיכם עמי׃

  20. יְחֶזְקֵאל ל״ז:י״ד

    ונתתי רוחי בכם וחייתם והנחתי אתכם על אדמתכם וידעתם כי אני יהוה דברתי ועשיתי נאם יהוה׃

  21. יְחֶזְקֵאל מ״ד:ז׳

    בהביאכם בני נכר ערלי לב וערלי בשר להיות במקדשי לחללו את ביתי בהקריבכם את לחמי חלב ודם ויפרו את בריתי אל כל תועבותיכם׃

  22. יְחֶזְקֵאל מ״ד:ט׳

    כה אמר אדני יהוה כל בן נכר ערל לב וערל בשר לא יבוא אל מקדשי לכל בן נכר אשר בתוך בני ישראל׃

  23. זְכַרְיָה י״ב:י׳

    ושפכתי על בית דויד ועל יושב ירושלם רוח חן ותחנונים והביטו אלי את אשר דקרו וספדו עליו כמספד על היחיד והמר עליו כהמר על הבכור׃

  24. מתיו י״ב:ל״ג

    או עשו את העץ טוב ופריו טוב או עשו את העץ משחת ופריו משחת כי בפריו נכר העץ׃

  25. מתיו י״ב:ל״ד

    ילדי הצפעונים איכה תוכלו למלל טוב ואתם רעים כי משפעת הלב ימלל הפה׃