פסוקים על Prayer

הקשיבה לי וענני אריד בשיחי ואהימה׃

בלע אדני פלג לשונם כי ראיתי חמס וריב בעיר׃

ישימות עלימו ירדו שאול חיים כי רעות במגורם בקרבם׃

אני אל אלהים אקרא ויהוה יושיעני׃

ערב ובקר וצהרים אשיחה ואהמה וישמע קולי׃

על און פלט למו באף עמים הורד אלהים׃

אז ישובו אויבי אחור ביום אקרא זה ידעתי כי אלהים לי׃

אקרא לאלהים עליון לאל גמר עלי׃

ימאסו כמו מים יתהלכו למו ידרך חצו כמו יתמללו׃

ואתה יהוה אלהים צבאות אלהי ישראל הקיצה לפקד כל הגוים אל תחן כל בגדי און סלה׃

אל תהרגם פן ישכחו עמי הניעמו בחילך והורידמו מגננו אדני׃

המה ינועון לאכל אם לא ישבעו וילינו׃

¶ למנצח על נגינת לדוד שמעה אלהים רנתי הקשיבה תפלתי׃

מקצה הארץ אליך אקרא בעטף לבי בצור ירום ממני תנחני׃

בטחו בו בכל עת עם שפכו לפניו לבבכם אלהים מחסה לנו סלה׃

שמע תפלה עדיך כל בשר יבאו׃

נוראות בצדק תעננו אלהי ישענו מבטח כל קצוי ארץ וים רחקים׃

אליו פי קראתי ורומם תחת לשוני׃

אכן שמע אלהים הקשיב בקול תפלתי׃

ברוך אלהים אשר לא הסיר תפלתי וחסדו מאתי׃

¶ למנצח לדוד מזמור שיר יקום אלהים יפוצו אויביו וינוסו משנאיו מפניו׃

כהנדף עשן תנדף כהמס דונג מפני אש יאבדו רשעים מפני אלהים׃

אלהים אתה ידעת לאולתי ואשמותי ממך לא נכחדו׃

אל יבשו בי קויך אדני יהוה צבאות אל יכלמו בי מבקשיך אלהי ישראל׃

ואני תפלתי לך יהוה עת רצון אלהים ברב חסדך ענני באמת ישעך׃