פסוקים על Prayer

שמע יהוה קולי אקרא וחנני וענני׃

לך אמר לבי בקשו פני את פניך יהוה אבקש׃

אל תסתר פניך ממני אל תט באף עבדך עזרתי היית אל תטשני ואל תעזבני אלהי ישעי׃

¶ לדוד אליך יהוה אקרא צורי אל תחרש ממני פן תחשה ממני ונמשלתי עם יורדי בור׃

שמע קול תחנוני בשועי אליך בנשאי ידי אל דביר קדשך׃

תן להם כפעלם וכרע מעלליהם כמעשה ידיהם תן להם השב גמולם להם׃

ברוך יהוה כי שמע קול תחנוני׃

יהוה אלהי שועתי אליך ותרפאני׃

יהוה העלית מן שאול נפשי חייתני מיורדי בור׃

כי סלעי ומצודתי אתה ולמען שמך תנחני ותנהלני׃

כי כלו ביגון חיי ושנותי באנחה כשל בעוני כחי ועצמי עששו׃

יהוה אל אבושה כי קראתיך יבשו רשעים ידמו לשאול׃

תאלמנה שפתי שקר הדברות על צדיק עתק בגאוה ובוז׃

ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃

כי החרשתי בלו עצמי בשאגתי כל היום׃

חטאתי אודיעך ועוני לא כסיתי אמרתי אודה עלי פשעי ליהוה ואתה נשאת עון חטאתי סלה׃

על זאת יתפלל כל חסיד אליך לעת מצא רק לשטף מים רבים אליו לא יגיעו׃

דרשתי את יהוה וענני ומכל מגורותי הצילני׃

הביטו אליו ונהרו ופניהם אל יחפרו׃

זה עני קרא ויהוה שמע ומכל צרותיו הושיעו׃

עיני יהוה אל צדיקים ואזניו אל שועתם׃

צעקו ויהוה שמע ומכל צרותם הצילם׃

יבשו ויכלמו מבקשי נפשי יסגו אחור ויחפרו חשבי רעתי׃

תבואהו שואה לא ידע ורשתו אשר טמן תלכדו בשואה יפל בה׃

ראיתה יהוה אל תחרש אדני אל תרחק ממני׃