פסוקים על Prayer

סורו ממני כל פעלי און כי שמע יהוה קול בכיי׃

שמע יהוה תחנתי יהוה תפלתי יקח׃

יבשו ויבהלו מאד כל איבי ישבו יבשו רגע׃

ויבטחו בך יודעי שמך כי לא עזבת דרשיך יהוה׃

כי דרש דמים אותם זכר לא שכח צעקת עניים׃

קומה יהוה אל יעז אנוש ישפטו גוים על פניך׃

שיתה יהוה מורה להם ידעו גוים אנוש המה סלה׃

בגאות רשע ידלק עני יתפשו במזמות זו חשבו׃

שבר זרוע רשע ורע תדרוש רשעו בל תמצא׃

תאות ענוים שמעת יהוה תכין לבם תקשיב אזנך׃

¶ תפלה לדוד שמעה יהוה צדק הקשיבה רנתי האזינה תפלתי בלא שפתי מרמה׃

אני קראתיך כי תענני אל הט אזנך לי שמע אמרתי׃

מהלל אקרא יהוה ומן איבי אושע׃

בצר לי אקרא יהוה ואל אלהי אשוע ישמע מהיכלו קולי ושועתי לפניו תבוא באזניו׃

תאות לבו נתתה לו וארשת שפתיו בל מנעת סלה׃

חיים שאל ממך נתתה לו ארך ימים עולם ועד׃

¶ למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

אלהי אקרא יומם ולא תענה ולילה ולא דומיה לי׃

בך בטחו אבתינו בטחו ותפלטמו׃

אליך זעקו ונמלטו בך בטחו ולא בושו׃

ואתה יהוה אל תרחק אילותי לעזרתי חושה׃

כי לא בזה ולא שקץ ענות עני ולא הסתיר פניו ממנו ובשועו אליו שמע׃

¶ לדוד אליך יהוה נפשי אשא׃

גם כל קויך לא יבשו יבשו הבוגדים ריקם׃

זכר רחמיך יהוה וחסדיך כי מעולם המה׃