פסוקים על Prayer

זכר אדני חרפת עבדיך שאתי בחיקי כל רבים עמים׃

אשר חרפו אויביך יהוה אשר חרפו עקבות משיחך׃

יקראני ואענהו עמו אנכי בצרה אחלצהו ואכבדהו׃

הנשא שפט הארץ השב גמול על גאים׃

באו נשתחוה ונכרעה נברכה לפני יהוה עשנו׃

משה ואהרן בכהניו ושמואל בקראי שמו קראים אל יהוה והוא יענם׃

בעמוד ענן ידבר אליהם שמרו עדתיו וחק נתן למו׃

יהוה אלהינו אתה עניתם אל נשא היית להם ונקם על עלילותם׃

¶ תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃

אל תסתר פניך ממני ביום צר לי הטה אלי אזנך ביום אקרא מהר ענני׃

פנה אל תפלת הערער ולא בזה את תפלתם׃

תכתב זאת לדור אחרון ועם נברא יהלל יה׃

כי השקיף ממרום קדשו יהוה משמים אל ארץ הביט׃

לשמע אנקת אסיר לפתח בני תמותה׃

התהללו בשם קדשו ישמח לב מבקשי יהוה׃

דרשו יהוה ועזו בקשו פניו תמיד׃

חטאנו עם אבותינו העוינו הרשענו׃

אבותינו במצרים לא השכילו נפלאותיך לא זכרו את רב חסדיך וימרו על ים בים סוף׃

וירא בצר להם בשמעו את רנתם׃

הושיענו יהוה אלהינו וקבצנו מן הגוים להדות לשם קדשך להשתבח בתהלתך׃

ויצעקו אל יהוה בצר להם ממצוקותיהם יצילם׃

וידריכם בדרך ישרה ללכת אל עיר מושב׃

ויזעקו אל יהוה בצר להם ממצקותיהם יושיעם׃

יוציאם מחשך וצלמות ומוסרותיהם ינתק׃

יודו ליהוה חסדו ונפלאותיו לבני אדם׃