פסוקים על Prayer

וידעו כי ידך זאת אתה יהוה עשיתה׃

יקללו המה ואתה תברך קמו ויבשו ועבדך ישמח׃

ילבשו שוטני כלמה ויעטו כמעיל בשתם׃

גבור בארץ יהיה זרעו דור ישרים יברך׃

¶ לא לנו יהוה לא לנו כי לשמך תן כבוד על חסדך על אמתך׃

למה יאמרו הגוים איה נא אלהיהם׃

¶ אהבתי כי ישמע יהוה את קולי תחנוני׃

כי הטה אזנו לי ובימי אקרא׃

ובשם יהוה אקרא אנה יהוה מלטה נפשי׃

מן המצר קראתי יה ענני במרחב יה׃

אודך כי עניתני ותהי לי לישועה׃

דרכי ספרתי ותענני למדני חקיך׃

הקם לעבדך אמרתך אשר ליראתך׃

ואענה חרפי דבר כי בטחתי בדברך׃

ואל תצל מפי דבר אמת עד מאד כי למשפטך יחלתי׃

זכר דבר לעבדך על אשר יחלתני׃

חליתי פניך בכל לב חנני כאמרתך׃

ידיך עשוני ויכוננוני הבינני ואלמדה מצותיך׃

יבשו זדים כי שקר עותוני אני אשיח בפקודיך׃

כמה ימי עבדך מתי תעשה ברדפי משפט׃

לך אני הושיעני כי פקודיך דרשתי׃

סמכני כאמרתך ואחיה ואל תבישני משברי׃

עשה עם עבדך כחסדך וחקיך למדני׃

קראתי בכל לב ענני יהוה חקיך אצרה׃

קראתיך הושיעני ואשמרה עדתיך׃