פסוקים על Prayer

קדמתי בנשף ואשועה לדבריך יחלתי׃

קולי שמעה כחסדך יהוה כמשפטך חיני׃

ראה עניי וחלצני כי תורתך לא שכחתי׃

תהי ידך לעזרני כי פקודיך בחרתי׃

תאבתי לישועתך יהוה ותורתך שעשעי׃

תחי נפשי ותהללך ומשפטך יעזרני׃

תעיתי כשה אבד בקש עבדך כי מצותיך לא שכחתי׃

¶ שיר המעלות אל יהוה בצרתה לי קראתי ויענני׃

יבשו ויסגו אחור כל שנאי ציון׃

¶ שיר המעלות ממעמקים קראתיך יהוה׃

אדני שמעה בקולי תהיינה אזניך קשבות לקול תחנוני׃

אם עונות תשמר יה אדני מי יעמד׃

ביום קראתי ותענני תרהבני בנפשי עז׃

ראש מסבי עמל שפתימו יכסומו׃

ימיטו עליהם גחלים באש יפלם במהמרות בל יקומו׃

¶ מזמור לדוד יהוה קראתיך חושה לי האזינה קולי בקראי לך׃

תכון תפלתי קטרת לפניך משאת כפי מנחת ערב׃

¶ משכיל לדוד בהיותו במערה תפלה קולי אל יהוה אזעק קולי אל יהוה אתחנן׃

אשפך לפניו שיחי צרתי לפניו אגיד׃

¶ מזמור לדוד יהוה שמע תפלתי האזינה אל תחנוני באמנתך ענני בצדקתך׃

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃

למען שמך יהוה תחיני בצדקתך תוציא מצרה נפשי׃

ובחסדך תצמית איבי והאבדת כל צררי נפשי כי אני עבדך׃

ברוק ברק ותפיצם שלח חציך ותהמם׃

קרוב יהוה לכל קראיו לכל אשר יקראהו באמת׃