פסוקים על Prayer

720 פסוקים · 120 היבטים

פסוקי מפתח

סינון לפי ספר
  1. יְשַׁעְיָהוּ נ״ה:ו׳

    דרשו יהוה בהמצאו קראהו בהיותו קרוב׃

  2. יְשַׁעְיָהוּ נ״ח:ט׳

    אז תקרא ויהוה יענה תשוע ויאמר הנני אם תסיר מתוכך מוטה שלח אצבע ודבר און׃

  3. יְשַׁעְיָהוּ נ״ט:י״ב

    כי רבו פשעינו נגדך וחטאותינו ענתה בנו כי פשעינו אתנו ועונתינו ידענום׃

  4. יְשַׁעְיָהוּ נ״ט:י״ג

    פשע וכחש ביהוה ונסוג מאחר אלהינו דבר עשק וסרה הרו והגו מלב דברי שקר׃

  5. יְשַׁעְיָהוּ ס״ב:ז׳

    ואל תתנו דמי לו עד יכונן ועד ישים את ירושלם תהלה בארץ׃

  6. יְשַׁעְיָהוּ ס״ג:י״ז

    למה תתענו יהוה מדרכיך תקשיח לבנו מיראתך שוב למען עבדיך שבטי נחלתך׃

  7. יְשַׁעְיָהוּ ס״ג:י״ח

    למצער ירשו עם קדשך צרינו בוססו מקדשך׃

  8. יְשַׁעְיָהוּ ס״ג:י״ט

    היינו מעולם לא משלת בם לא נקרא שמך עליהם׃

  9. יְשַׁעְיָהוּ ס״ד:י״ב

    העל אלה תתאפק יהוה תחשה ותעננו עד מאד׃

  10. יְשַׁעְיָהוּ ס״ה:כ״ד

    והיה טרם יקראו ואני אענה עוד הם מדברים ואני אשמע׃

  11. יִרְמְיָהוּ ג׳:י״ג

    אך דעי עונך כי ביהוה אלהיך פשעת ותפזרי את דרכיך לזרים תחת כל עץ רענן ובקולי לא שמעתם נאם יהוה׃

  12. יִרְמְיָהוּ ג׳:כ״ה

    נשכבה בבשתנו ותכסנו כלמתנו כי ליהוה אלהינו חטאנו אנחנו ואבותינו מנעורינו ועד היום הזה ולא שמענו בקול יהוה אלהינו׃

  13. יִרְמְיָהוּ י״א:כ׳

    ויהוה צבאות שפט צדק בחן כליות ולב אראה נקמתך מהם כי אליך גליתי את ריבי׃

  14. יִרְמְיָהוּ י״ב:ג׳

    ואתה יהוה ידעתני תראני ובחנת לבי אתך התקם כצאן לטבחה והקדשם ליום הרגה׃

  15. יִרְמְיָהוּ י״ד:ז׳

    אם עונינו ענו בנו יהוה עשה למען שמך כי רבו משובתינו לך חטאנו׃

  16. יִרְמְיָהוּ י״ד:כ׳

    ידענו יהוה רשענו עון אבותינו כי חטאנו לך׃

  17. יִרְמְיָהוּ י״ד:כ״א

    אל תנאץ למען שמך אל תנבל כסא כבודך זכר אל תפר בריתך אתנו׃

  18. יִרְמְיָהוּ ט״ו:ט״ו

    אתה ידעת יהוה זכרני ופקדני והנקם לי מרדפי אל לארך אפך תקחני דע שאתי עליך חרפה׃

  19. יִרְמְיָהוּ י״ז:י״ח

    יבשו רדפי ואל אבשה אני יחתו המה ואל אחתה אני הביא עליהם יום רעה ומשנה שברון שברם׃

  20. יִרְמְיָהוּ י״ח:כ׳

    הישלם תחת טובה רעה כי כרו שוחה לנפשי זכר עמדי לפניך לדבר עליהם טובה להשיב את חמתך מהם׃

  21. יִרְמְיָהוּ י״ח:כ״א

    לכן תן את בניהם לרעב והגרם על ידי חרב ותהינה נשיהם שכלות ואלמנות ואנשיהם יהיו הרגי מות בחוריהם מכי חרב במלחמה׃

  22. יִרְמְיָהוּ י״ח:כ״ב

    תשמע זעקה מבתיהם כי תביא עליהם גדוד פתאם כי כרו שיחה ללכדני ופחים טמנו לרגלי׃

  23. יִרְמְיָהוּ י״ח:כ״ג

    ואתה יהוה ידעת את כל עצתם עלי למות אל תכפר על עונם וחטאתם מלפניך אל תמחי והיו מכשלים לפניך בעת אפך עשה בהם׃

  24. יִרְמְיָהוּ כ׳:י״ב

    ויהוה צבאות בחן צדיק ראה כליות ולב אראה נקמתך מהם כי אליך גליתי את ריבי׃

  25. יִרְמְיָהוּ כ״ו:י״ט

    ההמת המתהו חזקיהו מלך יהודה וכל יהודה הלא ירא את יהוה ויחל את פני יהוה וינחם יהוה אל הרעה אשר דבר עליהם ואנחנו עשים רעה גדולה על נפשותינו׃