Mistari ya Biblia kuhusu Prayer

Ninaamka asubuhi na mapema na kukuomba msaada; nimeweka tumaini langu katika neno lako.

Usikie sauti yangu sawasawa na upendo wako, Ee Bwana, uyahifadhi maisha yangu, sawasawa na sheria zako.

Yaangalie mateso yangu, uniokoe, kwa kuwa sijasahau sheria yako.

Mkono wako uwe tayari kunisaidia, kwa kuwa nimechagua mausia yako.

Ee Bwana, ninatamani wokovu wako, na sheria yako ni furaha yangu.

Nijalie kuishi ili nipate kukusifu, na sheria zako zinitegemeze.

Nimetangatanga kama kondoo aliyepotea. Mtafute mtumishi wako, kwa kuwa sijasahau amri zako.

Wimbo wa kwenda juu. Katika dhiki yangu namwita Bwana, naye hunijibu.

Wale wote waichukiao Sayuni na warudishwe nyuma kwa aibu.

Wimbo wa kwenda juu. Kutoka vilindini ninakulilia, Ee Bwana.

Ee Bwana, sikia sauti yangu. Masikio yako na yawe masikivu kwa kilio changu unihurumie.

Kama wewe, Ee Bwana, ungeweka kumbukumbu ya dhambi, Ee Bwana, ni nani angeliweza kusimama?

Nilipoita, ulinijibu; ulinifanya jasiri na mwenye moyo hodari.

Vichwa vya wanaonizunguka vifunikwe na shida zinazosababishwa na midomo yao.

Makaa ya mawe ya moto na yawaangukie! Na watupwe motoni, katika mashimo ya matope, wasiinuke tena kamwe.

Zaburi ya Daudi. Ee Bwana, ninakuita wewe, uje kwangu hima. Sikia sauti yangu ninapokuita.

Maombi yangu na yafike mbele zako kama uvumba; kuinua mikono yangu juu na kuwe kama dhabihu ya jioni.

Utenzi wa Daudi. Alipokuwa pangoni. Maombi. Namlilia Bwana kwa sauti, nainua sauti yangu kwa Bwana anihurumie.

Namimina malalamiko yangu mbele zake, mbele zake naeleza shida zangu.

Zaburi ya Daudi. Ee Bwana, sikia sala yangu, sikiliza kilio changu unihurumie; katika uaminifu na haki yako njoo unisaidie.

Asubuhi uniletee neno la upendo wako usiokoma, kwa kuwa nimeweka tumaini langu kwako. Nionyeshe njia nitakayoiendea, kwa kuwa kwako nainua nafsi yangu.

Ee Bwana, kwa ajili ya jina lako, hifadhi maisha yangu, kwa haki yako nitoe katika taabu.

Kwa upendo wako usiokoma, nyamazisha adui zangu; waangamize watesi wangu wote, kwa kuwa mimi ni mtumishi wako.

Peleka umeme uwatawanye adui, lenga mishale yako uwashinde.

Bwana yu karibu na wote wamwitao, karibu na wote wamwitao kwa uaminifu.