Ayoyin Littafi Mai Tsarki game da Prayer

Sa’an nan za ku kira gare ni ku zo ku kuma yi addu’a gare ni, zan kuwa ji ku.

Za ku neme ni ku kuwa same ni sa’ad da kuka neme ni da dukan zuciyarku.

Za su zo da kuka; za su yi addu’a yayinda nake komo da su. Zan bishe su kusa da rafuffukan ruwa a miƙaƙƙiyar hanya inda ba za su yi tuntuɓe ba, domin ni ne mahaifin Isra’ila, Efraim kuma ɗan farina ne.

‘Kira gare ni zan kuwa amsa maka in kuma faɗa maka manyan abubuwan da ba a iya kaiwa, da ba ka sani ba.’

Wataƙila za su kawo kukansu a gaban Ubangiji, kowanne kuma ya juya daga muguwar hanyarsa, gama fushi da hasalar da Ubangiji ya furta a kan mutanen nan yana da girma.”

Bayan kwana goma sai maganar Ubangiji ta zo wa Irmiya.

“Ubangiji mai adalci ne, duk da haka na yi tawaye da umarninsa. Ku saurara, jama’a duka; ku dubi wahalar da nake sha. Samarina da ’yan matana duka sun tafi bauta.

“Bari ka ga muguntarsu duka; ka yi musu yadda ka yi mini domin dukan zunubansu. Nishina da yawa kuma zuciyata ta gaji.”

Ki tashi, ki yi kuka cikin dare, dare na yi sai ki fara kuka; kina buɗewa Ubangiji zuciyarki. Ki ɗaga hannuwanki gare shi domin rayukan ’ya’yanki, waɗanda suka suma don yunwa a kan kowane titi.

Ubangiji mai alheri ne ga waɗanda suke da bege a cikinsa, ga kuma wanda yake neman shi;

Bari mu ɗaga zuciyarmu da hannuwanmu ga Allah na cikin sama, mu ce,

“Mun yi zunubi mun yi tawaye ba ka kuwa gafarta ba.

Ka ji roƙona, “Kada ka toshe kunnuwanka ka ƙi jin roƙona na neman taimako.”

Ka zo kusa lokacin da na kira ka, kuma ka ce mini, “Kada ka ji tsoro.”

Ya Ubangiji, ka goyi bayana; ka fanshi raina.

Ya Ubangiji, ka ga inda aka yi mini ba daidai ba. Ka shari’anta, ka ba ni gaskiya!

Ka ga zurfin ramakonsu, da duk mugun shirin da suke yi mini.

Ya Ubangiji, ka ji zaginsu, da duka mugun shirin da suke yi mini

Abin da maƙiyana suke yin raɗa a kai game da ni duk yini.

Dube su! A zaune ko a tsaye, suna yi mini ba’a cikin waƙoƙinsu.

Ka ba su abin da ya dace su samu, ya Ubangiji, domin abin da hannuwansu suka yi.

Ka sa yana ta rufe zuciyarsu, kuma bari la’anarka ta bi su.

Ka fafare su cikin fushi ka hallaka su daga cikin duniya ta Ubangiji.

Rawani ya fāɗi daga kanmu. Kaiton mu gama mun yi zunubi!

“Ga abin da Ubangiji Mai Iko Duka yana cewa har yanzu zan ji roƙon gidan Isra’ila in kuma yi musu wannan. Zan sa mutanensu su yi yawa kamar tumaki,