Ayoyin Littafi Mai Tsarki game da The Scriptures

Kalmomin Ubangiji kuwa ba su da kuskure, kamar azurfan da aka tace cikin matoyan yumɓu, aka tsabtacce sau bakwai.

Game da ayyukan mutane kuwa, ta wurin maganar leɓunanka na kiyaye kaina daga hanyoyin tashin hankali.

Dokar Ubangiji cikakkiya ce, takan wartsakar da rai. Farillan Ubangiji abin dogara ne, suna mai da hikima da sauƙi.

Ƙa’idodin Ubangiji daidai ne, suna ba da farin ciki ga zuciya. Umarnan Ubangiji haske ne suna ba da haske ga idanu.

Sun fi zinariya daraja, fiye da zalla zinariya nesa; sun fi zuma zaƙi fiye da zuma daga kaki.

Ta wurinsu ana gargaɗe bawanka; a kiyaye su akwai lada mai girma.

Sa’an nan na ce, “Ga ni, na zo, kamar yadda yake a rubuce game da ni cikin littafi.

Yaya matashi zai kiyaye hanyarsa da tsabta? Sai ta yin rayuwa bisa ga maganarka.

Na ɓoye maganarka a cikin zuciyata don kada in yi maka zunubi.

Yabo ya tabbata gare ka, ya Ubangiji; ka koya mini ƙa’idodinka.

Da leɓunana na ba da labarin dukan dokokin da suka fito bakinka.

Na yi murna a cikin ƙa’idodinka; ba zan ƙyale maganarka ba.

An kwantar da ni ƙasa cikin ƙura; ka kiyaye raina bisa ga maganarka.

Raina ya gaji da baƙin ciki; ka ƙarfafa ni bisa ga maganarka.

Ka koya mini Ya Ubangiji, don in bi ƙa’idodinka; sa’an nan zan kiyaye su har ƙarshe.

Bari ƙaunarka marar ƙarewa ta zo gare ni, ya Ubangiji, cetonka bisa ga alkawarinka;

sa’an nan zan amsa wa masu cin mutuncina, gama na dogara ga maganarka.

Tuna da maganarka ga bawanka, gama ka ba ni bege.

Ta’aziyyata cikin wahalata ita ce alkawarinka yana kiyaye raina.

Ka koya mini sani da kuma hukunci mai kyau, gama na gaskata a umarnanka.

Kafin in sha wahala na kauce, amma yanzu ina biyayya da maganarka.

Bari waɗanda suke tsoronka su yi farin ciki sa’ad da suke gan ni, gama na sa zuciyata a maganarka.

Bari ƙaunarka marar ƙarewa tă yi mini ta’aziyya, bisa ga alkawarinka ga bawanka.

Raina ya tafke da marmari don cetonka, amma na sa zuciyata a maganarka.

Idanuna sun gaji, suna jiran alkawarinka; Na ce, “Yaushe za ka ta’azantar da ni?”