Ayoyin Littafi Mai Tsarki game da The Scriptures

Ba zan taɓa manta da farillanka ba, gama ta wurinsu ne ka kiyaye raina.

Kash, ga yadda nake ƙaunar dokarka! Ina tunani a kanta dukan yini.

Ina da ganewa sosai fiye da dukan malamaina, gama ina tunani a kan farillanka.

Ɗanɗanon maganarka akwai zaki, sun ma fi zuma zaki a bakina!

Maganarka fitila ce ga ƙafafuna haske kuma a kan hanyata.

Farillanka su ne gādona har abada; su ne farin cikin zuciyata.

Na ƙi mutane masu baki biyu, amma ina ƙauna dokarka.

Fassarar maganganunka sukan ba da haske; sukan ba da ganewa ga marar ilimi.

Ka bi da sawuna bisa ga maganarka; kada ka bar zunubi yă mallake ni.

An gwada alkawuranka sarai, bawanka kuwa yana ƙaunarsu.

Na tashi kafin fitowar rana na kuma yi kukan neman taimako; na sa zuciyata a maganarka.

Ban rufe idanuna ba dukan dare, don in yi tunani a kan alkawuranka.

Na dubi marasa aminci da ƙyama, gama ba sa yin biyayya da maganarka.

Dubi yadda nake ƙaunar farillanka; ka kiyaye raina, ya Ubangiji, bisa ga ƙaunarka.

Dukan maganganunka gaskiya ne; dukan dokokinka masu adalci madawwami ne.

Masu mulki suna tsananta mini ba dalili, amma zuciyata na rawan jiki game da maganarka.

Ina farin ciki da alkawarinka kamar yadda wani kan sami ganima mai girma.

Ina biyayya da farillanka, gama ina ƙaunarsu ƙwarai.

Bari kukata ta zo gare ka, ya Ubangiji; ka ba ni ganewa bisa ga maganarka.

Bari harshena yă rera game da maganarka, gama dukan umarnanka masu adalci ne.

Gama waɗannan umarnai fitila ne, wannan koyarwa haske ne, kuma gyare-gyaren horo hanyar rayuwa ce,

“Kowace maganar Allah ba ta da kuskure; shi ne garkuwa ga waɗanda suke neman mafaka daga gare shi.

Nemi umarnin Allah da kuma shaidar jan kunne. Duk wanda bai yi magana bisa ga wannan kalma ba, ba su da amfani.

Waɗannan mutane masu tawaye, ’ya’ya masu ruɗu, ’ya’yan da ba sa niyya su saurara ga umarnan Ubangiji.

Duba a cikin littafin Ubangiji ka kuma karanta. Babu wani a cikin waɗannan da ya ɓace, babu ko ɗaya da ba ta da abokiya. Gama bakinsa ne ya ba da umarni, Ruhunsa kuma zai tara su wuri ɗaya.