פסוקים על The Scriptures

לעולם לא אשכח פקודיך כי בם חייתני׃

מה אהבתי תורתך כל היום היא שיחתי׃

מכל מלמדי השכלתי כי עדותיך שיחה לי׃

מה נמלצו לחכי אמרתך מדבש לפי׃

נר לרגלי דברך ואור לנתיבתי׃

נחלתי עדותיך לעולם כי ששון לבי המה׃

סעפים שנאתי ותורתך אהבתי׃

פתח דבריך יאיר מבין פתיים׃

פעמי הכן באמרתך ואל תשלט בי כל און׃

צרופה אמרתך מאד ועבדך אהבה׃

קדמתי בנשף ואשועה לדבריך יחלתי׃

קדמו עיני אשמרות לשיח באמרתך׃

ראיתי בגדים ואתקוטטה אשר אמרתך לא שמרו׃

ראה כי פקודיך אהבתי יהוה כחסדך חיני׃

ראש דברך אמת ולעולם כל משפט צדקך׃

שרים רדפוני חנם ומדבריך פחד לבי׃

שש אנכי על אמרתך כמוצא שלל רב׃

שמרה נפשי עדתיך ואהבם מאד׃

תקרב רנתי לפניך יהוה כדברך הבינני׃

תען לשוני אמרתך כי כל מצותיך צדק׃

כי נר מצוה ותורה אור ודרך חיים תוכחות מוסר׃

כל אמרת אלוה צרופה מגן הוא לחסים בו׃

לתורה ולתעודה אם לא יאמרו כדבר הזה אשר אין לו שחר׃

כי עם מרי הוא בנים כחשים בנים לא אבו שמוע תורת יהוה׃

דרשו מעל ספר יהוה וקראו אחת מהנה לא נעדרה אשה רעותה לא פקדו כי פי הוא צוה ורוחו הוא קבצן׃