פסוקים על The Scriptures

אמרות יהוה אמרות טהרות כסף צרוף בעליל לארץ מזקק שבעתים׃

לפעלות אדם בדבר שפתיך אני שמרתי ארחות פריץ׃

תורת יהוה תמימה משיבת נפש עדות יהוה נאמנה מחכימת פתי׃

פקודי יהוה ישרים משמחי לב מצות יהוה ברה מאירת עינים׃

הנחמדים מזהב ומפז רב ומתוקים מדבש ונפת צופים׃

גם עבדך נזהר בהם בשמרם עקב רב׃

אז אמרתי הנה באתי במגלת ספר כתוב עלי׃

במה יזכה נער את ארחו לשמר כדברך׃

בלבי צפנתי אמרתך למען לא אחטא לך׃

ברוך אתה יהוה למדני חקיך׃

בשפתי ספרתי כל משפטי פיך׃

בחקתיך אשתעשע לא אשכח דברך׃

דבקה לעפר נפשי חיני כדברך׃

דלפה נפשי מתוגה קימני כדברך׃

הורני יהוה דרך חקיך ואצרנה עקב׃

ויבאני חסדך יהוה תשועתך כאמרתך׃

ואענה חרפי דבר כי בטחתי בדברך׃

זכר דבר לעבדך על אשר יחלתני׃

זאת נחמתי בעניי כי אמרתך חיתני׃

טוב טעם ודעת למדני כי במצותיך האמנתי׃

טרם אענה אני שגג ועתה אמרתך שמרתי׃

יראיך יראוני וישמחו כי לדברך יחלתי׃

יהי נא חסדך לנחמני כאמרתך לעבדך׃

כלתה לתשועתך נפשי לדברך יחלתי׃

כלו עיני לאמרתך לאמר מתי תנחמני׃