Ayoyin Littafi Mai Tsarki game da Riches

Ƙanƙanen abin da mai adalci yake da shi ya fi arzikin mugaye yawa;

“Mutum dai shirim ne kawai yayinda yake kai da komowa. Yana ta yawo, amma a banza ne kawai; yakan tara dukiya, ba tare da sanin wa zai more ta ba.

waɗanda suka dogara ga arzikinsu suna kuma fariya a kan yawan arzikinsu?

Ba wani da zai iya ceton ran wani ko yă ba wa Allah kuɗin fansa saboda shi,

kuɗin fansa domin rai yana da tsada, babu abin da za a biya da ya taɓa isa,

da zai sa yă ci gaba da rayuwa har abada yă hana shi shigan kabari yă ruɓa.

Gama kowa na iya ganin masu hikima na mutuwa; wawaye da marasa azanci su ma kan hallaka su bar wa waɗansu arzikinsu.

“Yanzu, ga mutumin da bai mai da Allah mafakarsa ba amma ya dogara a yawan arzikinsa ya kuma yi ƙarfi ta wurin hallaka waɗansu!”

Kada ku dogara a kan ƙwace ko yin fariya a kayan sata; ko arzikinku ya ƙaru, kada ku sa zuciyarku a kansu.

Ga yadda mugaye suke, kullum ba su da damuwa, arzikinsu yana ta ƙaruwa.

Dukiyar da aka samu a hanyar da ba tă dace ba, ba ta da albarka, amma adalci kan ceci mutum daga mutuwa.

Albarkar Ubangiji kan kawo wadata, ba ya kuma ƙara wahala a kai.

Dukiya ba ta da amfani a ranar fushi, amma adalci kan yi ceto daga mutuwa.

Duk wanda ya dogara ga arzikinsa zai fāɗi, amma adali zai yi nasara kamar koren ganye.

Wani mutum yakan ɗauki kansa mai arziki ne, alhali ba shi da kome, wani ya ɗauki kansa shi matalauci ne, alhali shi mawadaci ne ƙwarai.

Arzikin mutum zai iya kuɓutar da ransa, amma matalauci ba ya jin barazana.

Kuɗin da aka same su a rashin gaskiya yakan ɓace da sauri, amma duk wanda ya tara kuɗi kaɗan-kaɗan za su yi ta ƙaruwa.

Mutumin kirki kan bar gādo wa ’ya’ya ’ya’yansa, amma arzikin mai zunubi ajiye ne da aka yi wa mai adalci.

Dukiyar masu hikima ita ce rawaninsu, amma wautar wawaye kan haifar da wauta ne kawai.

Gidan adali yana da dukiya mai yawa, amma albashin mugaye kan kawo musu wahala.

Gara a kasance da kaɗan da tsoron Ubangiji da a kasance da arziki mai yawa game da wahala.

Gara a ci abincin kayan ganye inda akwai ƙauna da a ci kiwotaccen saniya inda ƙiyayya take.

Mutum mai haɗama kan kawo wahala ga iyalinsa, amma wanda yake ƙin cin hanci zai rayu.

Gara ka sami kaɗan ta hanyar adalci da sami riba mai yawa ta hanyar rashin gaskiya.

Matalauci kan yi roƙo da taushi, amma mawadaci kan amsa da kakkausar murya.