פסוקים על Riches

225 פסוקים · 107 היבטים

פסוקי מפתח

סינון לפי ספר
  1. תְהִלִּים ל״ז:ט״ז

    טוב מעט לצדיק מהמון רשעים רבים׃

  2. תְהִלִּים ל״ט:ו׳

    אך בצלם יתהלך איש אך הבל יהמיון יצבר ולא ידע מי אספם׃

  3. תְהִלִּים מ״ט:ו׳

    הבטחים על חילם וברב עשרם יתהללו׃

  4. תְהִלִּים מ״ט:ז׳

    אח לא פדה יפדה איש לא יתן לאלהים כפרו׃

  5. תְהִלִּים מ״ט:ח׳

    ויקר פדיון נפשם וחדל לעולם׃

  6. תְהִלִּים מ״ט:ט׳

    ויחי עוד לנצח לא יראה השחת׃

  7. תְהִלִּים מ״ט:י׳

    כי יראה חכמים ימותו יחד כסיל ובער יאבדו ועזבו לאחרים חילם׃

  8. תְהִלִּים נ״ב:ז׳

    הנה הגבר לא ישים אלהים מעוזו ויבטח ברב עשרו יעז בהותו׃

  9. תְהִלִּים ס״ב:י׳

    אל תבטחו בעשק ובגזל אל תהבלו חיל כי ינוב אל תשיתו לב׃

  10. תְהִלִּים ע״ג:י״ב

    הנה אלה רשעים ושלוי עולם השגו חיל׃

  11. מִשְׁלֵי י׳:ב׳

    לא יועילו אוצרות רשע וצדקה תציל ממות׃

  12. מִשְׁלֵי י׳:כ״ב

    ברכת יהוה היא תעשיר ולא יוסף עצב עמה׃

  13. מִשְׁלֵי י״א:ד׳

    לא יועיל הון ביום עברה וצדקה תציל ממות׃

  14. מִשְׁלֵי י״א:כ״ח

    בוטח בעשרו הוא יפל וכעלה צדיקים יפרחו׃

  15. מִשְׁלֵי י״ג:ז׳

    יש מתעשר ואין כל מתרושש והון רב׃

  16. מִשְׁלֵי י״ג:ח׳

    כפר נפש איש עשרו ורש לא שמע גערה׃

  17. מִשְׁלֵי י״ג:י״א

    הון מהבל ימעט וקבץ על יד ירבה׃

  18. מִשְׁלֵי י״ג:כ״ב

    טוב ינחיל בני בנים וצפון לצדיק חיל חוטא׃

  19. מִשְׁלֵי י״ד:כ״ד

    עטרת חכמים עשרם אולת כסילים אולת׃

  20. מִשְׁלֵי ט״ו:ו׳

    בית צדיק חסן רב ובתבואת רשע נעכרת׃

  21. מִשְׁלֵי ט״ו:ט״ז

    טוב מעט ביראת יהוה מאוצר רב ומהומה בו׃

  22. מִשְׁלֵי ט״ו:י״ז

    טוב ארחת ירק ואהבה שם משור אבוס ושנאה בו׃

  23. מִשְׁלֵי ט״ו:כ״ז

    עכר ביתו בוצע בצע ושונא מתנת יחיה׃

  24. מִשְׁלֵי ט״ז:ח׳

    טוב מעט בצדקה מרב תבואות בלא משפט׃

  25. מִשְׁלֵי י״ח:כ״ג

    תחנונים ידבר רש ועשיר יענה עזות׃