circa AD 48–96

Letters to the Churches

Paul and other apostles write to strengthen, correct, and encourage the scattered churches across the Roman world.

2,767 ayoyi · 21 littattafai da aka rufe

Ayoyi daga wannan lokacin

Tsarin Nassi Bisa kwanan wata
Tace bisa littafi
  1. 1 Korintiyawa 16:5kusan 59 M.

    Bayan na zazzaga Makidoniya, zan zo wurinku, domin zan ratsa ta Makidoniya.

  2. 1 Korintiyawa 16:6kusan 59 M.

    Wataƙila zan ɗan jima a wajenku, ko ma in ci damina a can, domin ku yi mini rakiya a tafiyata, duk inda za ni.

  3. 1 Korintiyawa 16:7kusan 59 M.

    Ba na so in gan ku yanzu in wuce kawai, ina fata zan yi ’yan kwanaki tare da ku, in Ubangiji ya yarda.

  4. 1 Korintiyawa 16:8kusan 59 M.

    Sai dai zan kasance a Afisa har lokacin Fentekos,

  5. 1 Korintiyawa 16:9kusan 59 M.

    domin an buɗe mini wata hanya mai fāɗi don aiki mai amfani, ko da yake akwai mutane da yawa masu gāba da ni.

  6. 1 Korintiyawa 16:10kusan 59 M.

    In Timoti ya zo, ku tabbata ya sami sakewa a cikinku, domin aikin Ubangiji yake yi kamar yadda nake yi.

  7. 1 Korintiyawa 16:11kusan 59 M.

    Kada fa wani yă ƙi karɓansa. Ku sallame shi lafiya, domin yă koma wurina. Ina duban hanyarsa tare da ’yan’uwa.

  8. 1 Korintiyawa 16:12kusan 59 M.

    Batun ɗan’uwanmu Afollos kuwa, na roƙe shi sosai yă zo wurinku tare da ’yan’uwa. Bai so zuwa yanzu ba, amma zai zo in ya sami zarafi.

  9. 1 Korintiyawa 16:13kusan 59 M.

    Ku zauna a faɗake; ku dāge cikin bangaskiya; ku zauna da ƙarfafawa; ku yi ƙarfi.

  10. 1 Korintiyawa 16:14kusan 59 M.

    Ku yi kome da ƙauna.

  11. 1 Korintiyawa 16:15kusan 59 M.

    Kun san cewa iyalin gidan Istifanas ne suka fara tuba a Akayya. Sun kuma ba da kansu ga yi wa tsarkaka hidima. Ina roƙonku ’yan’uwa,

  12. 1 Korintiyawa 16:16kusan 59 M.

    ku ba da kanku ga irin waɗannan, ga kuma kowa da ya haɗa hannu a aikin, yana kuma faman a cikinsa.

  13. 1 Korintiyawa 16:17kusan 59 M.

    Na yi farin ciki da isowar Istifanas, Fortunatus da Akaikus, domin sun biya bukatar da ba ku iya biya ba.

  14. 1 Korintiyawa 16:18kusan 59 M.

    Gama sun wartsake ruhuna da kuma naku. Ya kamata ku girmama irin waɗannan mutane.

  15. 1 Korintiyawa 16:19kusan 59 M.

    Ikkilisiyoyin da suke a lardin Asiya suna gaisuwa. Akwila da Firiskila suna gaishe ku sosai cikin Ubangiji, haka ma ikkilisiyar da takan taru a gidansu.

  16. 1 Korintiyawa 16:20kusan 59 M.

    Dukan ’yan’uwa a nan suna gaisuwa. Ku gai da juna da sumba mai tsarki.

  17. 1 Korintiyawa 16:21kusan 59 M.

    Ni, Bulus nake rubuta wannan gaisuwa da hannuna.

  18. 1 Korintiyawa 16:22kusan 59 M.

    Duk wanda ba ya ƙaunar Ubangiji, la’ana ta zauna a kansa. Zo, ya Ubangiji!

  19. 1 Korintiyawa 16:23kusan 59 M.

    Alherin Ubangiji Yesu yă kasance tare da ku.

  20. 1 Korintiyawa 16:24kusan 59 M.

    Ina gaishe ku duka, gaisuwar ƙaunata cikin Kiristi Yesu. Amin.

  21. 2 Korintiyawa 1:1kusan 60 M.

    Bulus, manzon Kiristi Yesu ta wurin nufin Allah, da kuma daga Timoti ɗan’uwanmu, Zuwa ga ikkilisiyar Allah da take a Korint, tare da dukan tsarkaka a ko’ina a Akayya.

  22. 2 Korintiyawa 1:2kusan 60 M.

    Alheri da salama daga Allah Ubanmu da kuma Ubangiji Yesu Kiristi, su kasance tare da ku.

  23. 2 Korintiyawa 1:3kusan 60 M.

    Yabo ya tabbata ga Allah, da Uban Ubangijinmu Yesu Kiristi, Uba mai tausayi, da kuma Allah na dukan ta’aziyya,

  24. 2 Korintiyawa 1:4kusan 60 M.

    wanda yakan yi mana ta’aziyya a cikin dukan wahalolinmu, domin mu kuma mu iya ta’azantar da waɗanda suke cikin kowace irin wahala, da ta’aziyyar da mu kanmu muka samu daga Allah.

  25. 2 Korintiyawa 1:5kusan 60 M.

    Gama kamar yadda wahalar Kiristi ta cika har tana zuba a cikin rayuwarmu, haka nan kuma ta wurin Kiristi ta’aziyyarmu ta cika har tana zuba.