The Reign of David

Davidi pati një dëshirë të madhe dhe tha: "Ah, sikur dikush të më jepte të pija ujë nga pusi i Betlemit që është pranë portës!".

Kështu këta të tre çanë nëpër kampin e Filistejve dhe mbushën ujë nga pusi i Betlemit që ndodhej te porta; pastaj e morën dhe ia çuan Davidit. Por Davidi nuk desh ta pinte, por e derdhi si libacion përpara Zotit,

duke thënë: "Të më ruajë Perëndia nga kryerja e një gjëje të tillë! A mund ta pij unë gjakun e këtyre njerëzve, që kanë rrezikuar jetën e tyre? Sepse e kanë sjellë duke rrezikuar jetën e tyre". Dhe nuk deshi ta pinte. Kështu vepruan këta tre trima.

Abishai, vëllai i Joabit, ishte i pari i tre të tjerëve. Ai drejtoi ushtën e tij kundër treqind njerëzve dhe i vrau; kështu u bë i famshëm midis të treve.

U bë më i njohur midis të treve dhe për këtë arësye u bë i pari i tyre, por nuk arriti të barazohet me tre të parët.

Benajahu, bir i Jehojadit, birit të një trimi nga Kabtseeli, bëri trimëri të madhe. Ai vrau dy heronjtë e Moabit, që ishin si luanë. Zbriti edhe në mes të një sterne, ku vrau një luan një ditë që binte borë.

Vrau edhe një Egjiptas vigan, i lartë pesë kubitë, që kishte në dorë një shtizë të ngjashme me shulin e një endësi; por Benajahu i doli kundra me një bastun, i rrëmbeu me forcë nga duart Egjiptasit shtizën dhe e vrau me shtizën e tij.

Këto gjëra bëri Benajahu, bir i Jehojadit, dhe u bë i famshëm midis tre trimave.

Ishte më i shquari i të tridhjetëve, por nuk arriti të barazoht me tre të parët. Davidi e vuri në krye të rojeve të tij personale.

Njerëz të tjerë të fortë dhe trima ishin: Asaheli, vëllai i Joabit, Elhanani, bir i Dodos, nga Betlemi,

Shamothi nga Harori, Heletsi nga Peloni,

Ira, bir i Ikeshit nga Tekoa, Abiezeri nga Anathothi,

Sibekai nga Husha, Ilai, nga Ahoa,

Maharai nga Netofa, Heledi, bir i Baanahut nga Netofa;

Ithai, bir i Ribait, i Gibeahut të bijve të Beniaminit, Benajahu nga Pirathoni,

Hurai nga Nahale-Gaashi, Abieli nga Arbathi,

Azmavethi nga Baharumi, Eliahba nga Shaalboni.

Bijtë e Hashemit nga Gizoni, Jonathani, bir i Shageut nga Harari,

Haiami, bir i Sakarit, nga Harari; Elifali, bir i Urit,

Heferi nga Mekrea, Ahijahu nga Paloni,

Hetsro nga Karmeli, Naarai, bir i Ezbait,

Joeli, vëllai i Nathanit, Mibhari, bir i Hagrit,

Amoniti Tselek, Naharai nga Berothi (shqytar i Joabit, birit të Tserujahut),

Ira nga Jetheri, Garebi nge Jetheri,

Uria, Hiteu, Zabadi, bir i Ahlait,