circa 1446 BC

Moses & The Exodus

God raises up Moses to confront Pharaoh; the ten plagues culminate in Israel's dramatic deliverance from four centuries of bondage.

415 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. שְׁמֹות י״ב:מ״בבערך תצ״א לפנה״ס

    ליל שמרים הוא ליהוה להוציאם מארץ מצרים הוא הלילה הזה ליהוה שמרים לכל בני ישראל לדרתם׃

  2. שְׁמֹות י״ב:מ״גבערך תצ״א לפנה״ס

    ויאמר יהוה אל משה ואהרן זאת חקת הפסח כל בן נכר לא יאכל בו׃

  3. שְׁמֹות י״ב:מ״דבערך תצ״א לפנה״ס

    וכל עבד איש מקנת כסף ומלתה אתו אז יאכל בו׃

  4. שְׁמֹות י״ב:מ״הבערך תצ״א לפנה״ס

    תושב ושכיר לא יאכל בו׃

  5. שְׁמֹות י״ב:מ״ובערך תצ״א לפנה״ס

    בבית אחד יאכל לא תוציא מן הבית מן הבשר חוצה ועצם לא תשברו בו׃

  6. שְׁמֹות י״ב:מ״זבערך תצ״א לפנה״ס

    כל עדת ישראל יעשו אתו׃

  7. שְׁמֹות י״ב:מ״חבערך תצ״א לפנה״ס

    וכי יגור אתך גר ועשה פסח ליהוה המול לו כל זכר ואז יקרב לעשתו והיה כאזרח הארץ וכל ערל לא יאכל בו׃

  8. שְׁמֹות י״ב:מ״טבערך תצ״א לפנה״ס

    תורה אחת יהיה לאזרח ולגר הגר בתוככם׃

  9. שְׁמֹות י״ב:נ׳בערך תצ״א לפנה״ס

    ויעשו כל בני ישראל כאשר צוה יהוה את משה ואת אהרן כן עשו׃

  10. שְׁמֹות י״ב:נ״אבערך תצ״א לפנה״ס

    ויהי בעצם היום הזה הוציא יהוה את בני ישראל מארץ מצרים על צבאתם׃

  11. שְׁמֹות י״ג:א׳בערך תצ״א לפנה״ס

    ¶ וידבר יהוה אל משה לאמר׃

  12. שְׁמֹות י״ג:ב׳בערך תצ״א לפנה״ס

    קדש לי כל בכור פטר כל רחם בבני ישראל באדם ובבהמה לי הוא׃

  13. שְׁמֹות י״ג:ג׳בערך תצ״א לפנה״ס

    ויאמר משה אל העם זכור את היום הזה אשר יצאתם ממצרים מבית עבדים כי בחזק יד הוציא יהוה אתכם מזה ולא יאכל חמץ׃

  14. שְׁמֹות י״ג:ד׳בערך תצ״א לפנה״ס

    היום אתם יצאים בחדש האביב׃

  15. שְׁמֹות י״ג:ה׳בערך תצ״א לפנה״ס

    והיה כי יביאך יהוה אל ארץ הכנעני והחתי והאמרי והחוי והיבוסי אשר נשבע לאבתיך לתת לך ארץ זבת חלב ודבש ועבדת את העבדה הזאת בחדש הזה׃

  16. שְׁמֹות י״ג:ו׳בערך תצ״א לפנה״ס

    שבעת ימים תאכל מצת וביום השביעי חג ליהוה׃

  17. שְׁמֹות י״ג:ז׳בערך תצ״א לפנה״ס

    מצות יאכל את שבעת הימים ולא יראה לך חמץ ולא יראה לך שאר בכל גבלך׃

  18. שְׁמֹות י״ג:ח׳בערך תצ״א לפנה״ס

    והגדת לבנך ביום ההוא לאמר בעבור זה עשה יהוה לי בצאתי ממצרים׃

  19. שְׁמֹות י״ג:ט׳בערך תצ״א לפנה״ס

    והיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצרים׃

  20. שְׁמֹות י״ג:י׳בערך תצ״א לפנה״ס

    ושמרת את החקה הזאת למועדה מימים ימימה׃

  21. שְׁמֹות י״ג:י״אבערך תצ״א לפנה״ס

    והיה כי יבאך יהוה אל ארץ הכנעני כאשר נשבע לך ולאבתיך ונתנה לך׃

  22. שְׁמֹות י״ג:י״בבערך תצ״א לפנה״ס

    והעברת כל פטר רחם ליהוה וכל פטר שגר בהמה אשר יהיה לך הזכרים ליהוה׃

  23. שְׁמֹות י״ג:י״גבערך תצ״א לפנה״ס

    וכל פטר חמר תפדה בשה ואם לא תפדה וערפתו וכל בכור אדם בבניך תפדה׃

  24. שְׁמֹות י״ג:י״דבערך תצ״א לפנה״ס

    והיה כי ישאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים׃

  25. שְׁמֹות י״ג:ט״ובערך תצ״א לפנה״ס

    ויהי כי הקשה פרעה לשלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה׃