circa 1446 BC

Moses & The Exodus

God raises up Moses to confront Pharaoh; the ten plagues culminate in Israel's dramatic deliverance from four centuries of bondage.

415 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. שְׁמֹות י״ב:י״זבערך תצ״א לפנה״ס

    ושמרתם את המצות כי בעצם היום הזה הוצאתי את צבאותיכם מארץ מצרים ושמרתם את היום הזה לדרתיכם חקת עולם׃

  2. שְׁמֹות י״ב:י״חבערך תצ״א לפנה״ס

    בראשן בארבעה עשר יום לחדש בערב תאכלו מצת עד יום האחד ועשרים לחדש בערב׃

  3. שְׁמֹות י״ב:י״טבערך תצ״א לפנה״ס

    שבעת ימים שאר לא ימצא בבתיכם כי כל אכל מחמצת ונכרתה הנפש ההוא מעדת ישראל בגר ובאזרח הארץ׃

  4. שְׁמֹות י״ב:כ׳בערך תצ״א לפנה״ס

    כל מחמצת לא תאכלו בכל מושבתיכם תאכלו מצות׃

  5. שְׁמֹות י״ב:כ״אבערך תצ״א לפנה״ס

    ויקרא משה לכל זקני ישראל ויאמר אלהם משכו וקחו לכם צאן למשפחתיכם ושחטו הפסח׃

  6. שְׁמֹות י״ב:כ״בבערך תצ״א לפנה״ס

    ולקחתם אגדת אזוב וטבלתם בדם אשר בסף והגעתם אל המשקוף ואל שתי המזוזת מן הדם אשר בסף ואתם לא תצאו איש מפתח ביתו עד בקר׃

  7. שְׁמֹות י״ב:כ״גבערך תצ״א לפנה״ס

    ועבר יהוה לנגף את מצרים וראה את הדם על המשקוף ועל שתי המזוזת ופסח יהוה על הפתח ולא יתן המשחית לבא אל בתיכם לנגף׃

  8. שְׁמֹות י״ב:כ״דבערך תצ״א לפנה״ס

    ושמרתם את הדבר הזה לחק לך ולבניך עד עולם׃

  9. שְׁמֹות י״ב:כ״הבערך תצ״א לפנה״ס

    והיה כי תבאו אל הארץ אשר יתן יהוה לכם כאשר דבר ושמרתם את העבדה הזאת׃

  10. שְׁמֹות י״ב:כ״ובערך תצ״א לפנה״ס

    והיה כי יאמרו אליכם בניכם מה העבדה הזאת לכם׃

  11. שְׁמֹות י״ב:כ״זבערך תצ״א לפנה״ס

    ואמרתם זבח פסח הוא ליהוה אשר פסח על בתי בני ישראל במצרים בנגפו את מצרים ואת בתינו הציל ויקד העם וישתחוו׃

  12. שְׁמֹות י״ב:כ״חבערך תצ״א לפנה״ס

    וילכו ויעשו בני ישראל כאשר צוה יהוה את משה ואהרן כן עשו׃

  13. שְׁמֹות י״ב:כ״טבערך תצ״א לפנה״ס

    ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה׃

  14. שְׁמֹות י״ב:ל׳בערך תצ״א לפנה״ס

    ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת׃

  15. שְׁמֹות י״ב:ל״אבערך תצ״א לפנה״ס

    ויקרא למשה ולאהרן לילה ויאמר קומו צאו מתוך עמי גם אתם גם בני ישראל ולכו עבדו את יהוה כדברכם׃

  16. שְׁמֹות י״ב:ל״בבערך תצ״א לפנה״ס

    גם צאנכם גם בקרכם קחו כאשר דברתם ולכו וברכתם גם אתי׃

  17. שְׁמֹות י״ב:ל״גבערך תצ״א לפנה״ס

    ותחזק מצרים על העם למהר לשלחם מן הארץ כי אמרו כלנו מתים׃

  18. שְׁמֹות י״ב:ל״דבערך תצ״א לפנה״ס

    וישא העם את בצקו טרם יחמץ משארתם צררת בשמלתם על שכמם׃

  19. שְׁמֹות י״ב:ל״הבערך תצ״א לפנה״ס

    ובני ישראל עשו כדבר משה וישאלו ממצרים כלי כסף וכלי זהב ושמלת׃

  20. שְׁמֹות י״ב:ל״ובערך תצ״א לפנה״ס

    ויהוה נתן את חן העם בעיני מצרים וישאלום וינצלו את מצרים׃

  21. שְׁמֹות י״ב:ל״זבערך תצ״א לפנה״ס

    ויסעו בני ישראל מרעמסס סכתה כשש מאות אלף רגלי הגברים לבד מטף׃

  22. שְׁמֹות י״ב:ל״חבערך תצ״א לפנה״ס

    וגם ערב רב עלה אתם וצאן ובקר מקנה כבד מאד׃

  23. שְׁמֹות י״ב:ל״טבערך תצ״א לפנה״ס

    ויאפו את הבצק אשר הוציאו ממצרים עגת מצות כי לא חמץ כי גרשו ממצרים ולא יכלו להתמהמה וגם צדה לא עשו להם׃

  24. שְׁמֹות י״ב:מ׳בערך תצ״א לפנה״ס

    ומושב בני ישראל אשר ישבו במצרים שלשים שנה וארבע מאות שנה׃

  25. שְׁמֹות י״ב:מ״אבערך תצ״א לפנה״ס

    ויהי מקץ שלשים שנה וארבע מאות שנה ויהי בעצם היום הזה יצאו כל צבאות יהוה מארץ מצרים׃