circa 1446 BC

Moses & The Exodus

God raises up Moses to confront Pharaoh; the ten plagues culminate in Israel's dramatic deliverance from four centuries of bondage.

415 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. שְׁמֹות י׳:ו׳בערך תצ״א לפנה״ס

    ומלאו בתיך ובתי כל עבדיך ובתי כל מצרים אשר לא ראו אבתיך ואבות אבתיך מיום היותם על האדמה עד היום הזה ויפן ויצא מעם פרעה׃

  2. שְׁמֹות י׳:ז׳בערך תצ״א לפנה״ס

    ויאמרו עבדי פרעה אליו עד מתי יהיה זה לנו למוקש שלח את האנשים ויעבדו את יהוה אלהיהם הטרם תדע כי אבדה מצרים׃

  3. שְׁמֹות י׳:ח׳בערך תצ״א לפנה״ס

    ויושב את משה ואת אהרן אל פרעה ויאמר אלהם לכו עבדו את יהוה אלהיכם מי ומי ההלכים׃

  4. שְׁמֹות י׳:ט׳בערך תצ״א לפנה״ס

    ויאמר משה בנערינו ובזקנינו נלך בבנינו ובבנותנו בצאננו ובבקרנו נלך כי חג יהוה לנו׃

  5. שְׁמֹות י׳:י׳בערך תצ״א לפנה״ס

    ויאמר אלהם יהי כן יהוה עמכם כאשר אשלח אתכם ואת טפכם ראו כי רעה נגד פניכם׃

  6. שְׁמֹות י׳:י״אבערך תצ״א לפנה״ס

    לא כן לכו נא הגברים ועבדו את יהוה כי אתה אתם מבקשים ויגרש אתם מאת פני פרעה׃

  7. שְׁמֹות י׳:י״בבערך תצ״א לפנה״ס

    ויאמר יהוה אל משה נטה ידך על ארץ מצרים בארבה ויעל על ארץ מצרים ויאכל את כל עשב הארץ את כל אשר השאיר הברד׃

  8. שְׁמֹות י׳:י״גבערך תצ״א לפנה״ס

    ויט משה את מטהו על ארץ מצרים ויהוה נהג רוח קדים בארץ כל היום ההוא וכל הלילה הבקר היה ורוח הקדים נשא את הארבה׃

  9. שְׁמֹות י׳:י״דבערך תצ״א לפנה״ס

    ויעל הארבה על כל ארץ מצרים וינח בכל גבול מצרים כבד מאד לפניו לא היה כן ארבה כמהו ואחריו לא יהיה כן׃

  10. שְׁמֹות י׳:ט״ובערך תצ״א לפנה״ס

    ויכס את עין כל הארץ ותחשך הארץ ויאכל את כל עשב הארץ ואת כל פרי העץ אשר הותיר הברד ולא נותר כל ירק בעץ ובעשב השדה בכל ארץ מצרים׃

  11. שְׁמֹות י׳:ט״זבערך תצ״א לפנה״ס

    וימהר פרעה לקרא למשה ולאהרן ויאמר חטאתי ליהוה אלהיכם ולכם׃

  12. שְׁמֹות י׳:י״זבערך תצ״א לפנה״ס

    ועתה שא נא חטאתי אך הפעם והעתירו ליהוה אלהיכם ויסר מעלי רק את המות הזה׃

  13. שְׁמֹות י׳:י״חבערך תצ״א לפנה״ס

    ויצא מעם פרעה ויעתר אל יהוה׃

  14. שְׁמֹות י׳:י״טבערך תצ״א לפנה״ס

    ויהפך יהוה רוח ים חזק מאד וישא את הארבה ויתקעהו ימה סוף לא נשאר ארבה אחד בכל גבול מצרים׃

  15. שְׁמֹות י׳:כ׳בערך תצ״א לפנה״ס

    ויחזק יהוה את לב פרעה ולא שלח את בני ישראל׃

  16. שְׁמֹות י׳:כ״אבערך תצ״א לפנה״ס

    ויאמר יהוה אל משה נטה ידך על השמים ויהי חשך על ארץ מצרים וימש חשך׃

  17. שְׁמֹות י׳:כ״בבערך תצ״א לפנה״ס

    ויט משה את ידו על השמים ויהי חשך אפלה בכל ארץ מצרים שלשת ימים׃

  18. שְׁמֹות י׳:כ״גבערך תצ״א לפנה״ס

    לא ראו איש את אחיו ולא קמו איש מתחתיו שלשת ימים ולכל בני ישראל היה אור במושבתם׃

  19. שְׁמֹות י׳:כ״דבערך תצ״א לפנה״ס

    ויקרא פרעה אל משה ויאמר לכו עבדו את יהוה רק צאנכם ובקרכם יצג גם טפכם ילך עמכם׃

  20. שְׁמֹות י׳:כ״הבערך תצ״א לפנה״ס

    ויאמר משה גם אתה תתן בידנו זבחים ועלות ועשינו ליהוה אלהינו׃

  21. שְׁמֹות י׳:כ״ובערך תצ״א לפנה״ס

    וגם מקננו ילך עמנו לא תשאר פרסה כי ממנו נקח לעבד את יהוה אלהינו ואנחנו לא נדע מה נעבד את יהוה עד באנו שמה׃

  22. שְׁמֹות י׳:כ״זבערך תצ״א לפנה״ס

    ויחזק יהוה את לב פרעה ולא אבה לשלחם׃

  23. שְׁמֹות י׳:כ״חבערך תצ״א לפנה״ס

    ויאמר לו פרעה לך מעלי השמר לך אל תסף ראות פני כי ביום ראתך פני תמות׃

  24. שְׁמֹות י׳:כ״טבערך תצ״א לפנה״ס

    ויאמר משה כן דברת לא אסף עוד ראות פניך׃

  25. שְׁמֹות י״א:א׳בערך תצ״א לפנה״ס

    ¶ ויאמר יהוה אל משה עוד נגע אחד אביא על פרעה ועל מצרים אחרי כן ישלח אתכם מזה כשלחו כלה גרש יגרש אתכם מזה׃