פסוקים על Egyptians

ומצרים ילד את לודים ואת ענמים ואת להבים ואת נפתחים׃

ואת פתרסים ואת כסלחים אשר יצאו משם פלשתים ואת כפתרים׃

ויהי רעב בארץ וירד אברם מצרימה לגור שם כי כבד הרעב בארץ׃

ויהי כאשר הקריב לבוא מצרימה ויאמר אל שרי אשתו הנה נא ידעתי כי אשה יפת מראה את׃

והיה כי יראו אתך המצרים ואמרו אשתו זאת והרגו אתי ואתך יחיו׃

אמרי נא אחתי את למען ייטב לי בעבורך וחיתה נפשי בגללך׃

ויהי כבוא אברם מצרימה ויראו המצרים את האשה כי יפה הוא מאד׃

ויראו אתה שרי פרעה ויהללו אתה אל פרעה ותקח האשה בית פרעה׃

ולאברם היטיב בעבורה ויהי לו צאן ובקר וחמרים ועבדים ושפחת ואתנת וגמלים׃

וינגע יהוה את פרעה נגעים גדלים ואת ביתו על דבר שרי אשת אברם׃

ויקרא פרעה לאברם ויאמר מה זאת עשית לי למה לא הגדת לי כי אשתך הוא׃

למה אמרת אחתי הוא ואקח אתה לי לאשה ועתה הנה אשתך קח ולך׃

ויצו עליו פרעה אנשים וישלחו אתו ואת אשתו ואת כל אשר לו׃

ויצו יוסף את עבדיו את הרפאים לחנט את אביו ויחנטו הרפאים את ישראל׃

וימלאו לו ארבעים יום כי כן ימלאו ימי החנטים ויבכו אתו מצרים שבעים יום׃

ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה׃

ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת׃

ויקרא למשה ולאהרן לילה ויאמר קומו צאו מתוך עמי גם אתם גם בני ישראל ולכו עבדו את יהוה כדברכם׃

גם צאנכם גם בקרכם קחו כאשר דברתם ולכו וברכתם גם אתי׃

ותחזק מצרים על העם למהר לשלחם מן הארץ כי אמרו כלנו מתים׃

וישא העם את בצקו טרם יחמץ משארתם צררת בשמלתם על שכמם׃

ובני ישראל עשו כדבר משה וישאלו ממצרים כלי כסף וכלי זהב ושמלת׃

ויהוה נתן את חן העם בעיני מצרים וישאלום וינצלו את מצרים׃

ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשינו כי שלחנו את ישראל מעבדנו׃

ויאסר את רכבו ואת עמו לקח עמו׃