circa 1446 BC

Moses & The Exodus

God raises up Moses to confront Pharaoh; the ten plagues culminate in Israel's dramatic deliverance from four centuries of bondage.

415 פסוקים · 1 ספר נכלל

פסוקים מתקופה זו

סדר הכתובים לפי תאריך
  1. שְׁמֹות י״ד:י״טבערך תצ״א לפנה״ס

    ויסע מלאך האלהים ההלך לפני מחנה ישראל וילך מאחריהם ויסע עמוד הענן מפניהם ויעמד מאחריהם׃

  2. שְׁמֹות י״ד:כ׳בערך תצ״א לפנה״ס

    ויבא בין מחנה מצרים ובין מחנה ישראל ויהי הענן והחשך ויאר את הלילה ולא קרב זה אל זה כל הלילה׃

  3. שְׁמֹות י״ד:כ״אבערך תצ״א לפנה״ס

    ויט משה את ידו על הים ויולך יהוה את הים ברוח קדים עזה כל הלילה וישם את הים לחרבה ויבקעו המים׃

  4. שְׁמֹות י״ד:כ״בבערך תצ״א לפנה״ס

    ויבאו בני ישראל בתוך הים ביבשה והמים להם חמה מימינם ומשמאלם׃

  5. שְׁמֹות י״ד:כ״גבערך תצ״א לפנה״ס

    וירדפו מצרים ויבאו אחריהם כל סוס פרעה רכבו ופרשיו אל תוך הים׃

  6. שְׁמֹות י״ד:כ״דבערך תצ״א לפנה״ס

    ויהי באשמרת הבקר וישקף יהוה אל מחנה מצרים בעמוד אש וענן ויהם את מחנה מצרים׃

  7. שְׁמֹות י״ד:כ״הבערך תצ״א לפנה״ס

    ויסר את אפן מרכבתיו וינהגהו בכבדת ויאמר מצרים אנוסה מפני ישראל כי יהוה נלחם להם במצרים׃

  8. שְׁמֹות י״ד:כ״ובערך תצ״א לפנה״ס

    ויאמר יהוה אל משה נטה את ידך על הים וישבו המים על מצרים על רכבו ועל פרשיו׃

  9. שְׁמֹות י״ד:כ״זבערך תצ״א לפנה״ס

    ויט משה את ידו על הים וישב הים לפנות בקר לאיתנו ומצרים נסים לקראתו וינער יהוה את מצרים בתוך הים׃

  10. שְׁמֹות י״ד:כ״חבערך תצ״א לפנה״ס

    וישבו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחד׃

  11. שְׁמֹות י״ד:כ״טבערך תצ״א לפנה״ס

    ובני ישראל הלכו ביבשה בתוך הים והמים להם חמה מימינם ומשמאלם׃

  12. שְׁמֹות י״ד:ל׳בערך תצ״א לפנה״ס

    ויושע יהוה ביום ההוא את ישראל מיד מצרים וירא ישראל את מצרים מת על שפת הים׃

  13. שְׁמֹות י״ד:ל״אבערך תצ״א לפנה״ס

    וירא ישראל את היד הגדלה אשר עשה יהוה במצרים וייראו העם את יהוה ויאמינו ביהוה ובמשה עבדו׃

  14. שְׁמֹות ט״ו:א׳בערך תצ״א לפנה״ס

    ¶ אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים׃

  15. שְׁמֹות ט״ו:ב׳בערך תצ״א לפנה״ס

    עזי וזמרת יה ויהי לי לישועה זה אלי ואנוהו אלהי אבי וארממנהו׃

  16. שְׁמֹות ט״ו:ג׳בערך תצ״א לפנה״ס

    יהוה איש מלחמה יהוה שמו׃

  17. שְׁמֹות ט״ו:ד׳בערך תצ״א לפנה״ס

    מרכבת פרעה וחילו ירה בים ומבחר שלשיו טבעו בים סוף׃

  18. שְׁמֹות ט״ו:ה׳בערך תצ״א לפנה״ס

    תהמת יכסימו ירדו במצולת כמו אבן׃

  19. שְׁמֹות ט״ו:ו׳בערך תצ״א לפנה״ס

    ימינך יהוה נאדרי בכח ימינך יהוה תרעץ אויב׃

  20. שְׁמֹות ט״ו:ז׳בערך תצ״א לפנה״ס

    וברב גאונך תהרס קמיך תשלח חרנך יאכלמו כקש׃

  21. שְׁמֹות ט״ו:ח׳בערך תצ״א לפנה״ס

    וברוח אפיך נערמו מים נצבו כמו נד נזלים קפאו תהמת בלב ים׃

  22. שְׁמֹות ט״ו:ט׳בערך תצ״א לפנה״ס

    אמר אויב ארדף אשיג אחלק שלל תמלאמו נפשי אריק חרבי תורישמו ידי׃

  23. שְׁמֹות ט״ו:י׳בערך תצ״א לפנה״ס

    נשפת ברוחך כסמו ים צללו כעופרת במים אדירים׃

  24. שְׁמֹות ט״ו:י״אבערך תצ״א לפנה״ס

    מי כמכה באלם יהוה מי כמכה נאדר בקדש נורא תהלת עשה פלא׃

  25. שְׁמֹות ט״ו:י״בבערך תצ״א לפנה״ס

    נטית ימינך תבלעמו ארץ׃