Mistari ya Biblia kuhusu Prayer

Ndipo hatutakuacha tena, utuhuishe, nasi tutaliitia jina lako.

Katika shida yako uliniita nami nikakuokoa, nilikujibu katika mawingu yenye ngurumo; nilikujaribu katika maji ya Meriba.

Mimi ni Bwana Mungu wako, niliyekutoa nchi ya Misri. Panua sana kinywa chako nami nitakijaza.

Wimbo. Zaburi ya Asafu. Ee Mungu, usinyamaze kimya, usinyamaze, Ee Mungu, usitulie.

Tazama watesi wako wanafanya fujo, jinsi adui zako wanavyoinua vichwa vyao.

Ee Mungu wangu, wapeperushe kama mavumbi ya kisulisuli, kama makapi yapeperushwayo na upepo.

Kama vile moto uteketezavyo msitu au mwali wa moto unavyounguza milima,

wafuatilie kwa tufani yako na kuwafadhaisha kwa dhoruba yako.

Funika nyuso zao kwa aibu ili watu walitafute jina lako, Ee Bwana.

Wao na waaibishwe na kufadhaishwa milele, na waangamie kwa aibu.

Hebu wajue kwamba wewe, ambaye jina lako ni Bwana, kwamba wewe peke yako ndiwe Uliye Juu Sana ya dunia yote.

Maombi ya Daudi. Ee Bwana, sikia na unijibu, kwa maana mimi ni maskini na mhitaji.

Linda maisha yangu, kwa maana nimejiweka kwako, wewe ni Mungu wangu, mwokoe mtumishi wako anayekutumaini.

Ee Bwana, nihurumie mimi, kwa maana ninakuita mchana kutwa.

Mpe mtumishi wako furaha, kwa kuwa kwako wewe, Ee Bwana, ninainua nafsi yangu.

Ee Bwana, wewe ni mwema na mwenye kusamehe, umejaa upendo kwa wote wakuitao.

Ee Bwana, sikia maombi yangu, sikiliza kilio changu unihurumie.

Katika siku ya shida yangu nitakuita, kwa maana wewe utanijibu.

Nipe ishara ya wema wako, ili adui zangu waione nao waaibishwe, kwa kuwa wewe, Ee Bwana, umenisaidia na kunifariji.

Wimbo. Zaburi ya wana wa Kora. Kwa mwimbishaji. Mtindo wa mahalathi leanothi. Utenzi wa Hemani Mwezrahi. Ee Bwana, Mungu uniokoaye, nimelia mbele zako usiku na mchana.

Maombi yangu yafike mbele zako, utegee kilio changu sikio lako.

nuru ya macho yangu imefifia kwa ajili ya huzuni. Ee Bwana, ninakuita kila siku, ninakunyooshea wewe mikono yangu.

Lakini ninakulilia wewe, Ee Bwana, unisaidie; asubuhi maombi yangu huja mbele zako.

Ee Bwana, kwa nini unanikataa na kunificha uso wako?

Ee Bwana, uko wapi upendo wako mkuu wa mwanzoni, ambao katika uaminifu wako ulimwapia Daudi?