Ayoyin Littafi Mai Tsarki game da Vows

Bayan ta yaye shi, sai ta ɗauki yaron tare da bijimi bana uku, da mudun gari, da salkan ruwan inabi, ta kawo su a gidan Ubangiji a Shilo.

Za ka yi addu’a zuwa gare shi, zai kuwa ji ka, kuma za ka cika alkawuranka.

Daga gare ka yabona yake zuwa cikin babban taro; a gaban waɗanda suke tsoronka zan cika alkawarina.

“Ku miƙa hadayar godiya ga Allah, ku cika alkawuranku ga Mafi Ɗaukaka,

ku kira gare ni a ranar wahala; zan cece ku, za ku kuwa girmama ni.”

Ina ƙarƙashin alkawari gare ka, ya Allah; zan miƙa hadayuna na godiya gare ka.

Gama ka ji alkawarina, ya Allah; ka ba ni gādo na waɗanda suke tsoron sunanka.

Sa’an nan zan riƙa rera yabo ga sunanka in kuma cika alkawarina kowace rana.

Don mai bi da kaɗe-kaɗe. Zabura ta Dawuda. Wata waƙa. Yabo ya dace da kai, ya Allah, a Sihiyona; a gare ka za mu cika alkawuranmu

Zan zo haikalinka da hadayun ƙonawa zan kuwa cika alkawurana gare ka,

alkawuran da leɓunana suka yi alkawari bakina kuma ya faɗa sa’ad da nake cikin wahala.

Ku yi alkawari wa Ubangiji Allahnku ku kuma cika su; bari dukan ƙasashen maƙwabta su kawo kyautai ga Wannan da za a ji tsoro.

Zan cika alkawurana ga Ubangiji a gaban dukan mutanensa.

Abu mai daraja a gaban Ubangiji shi ne mutuwar tsarkakansa.

Ya Ubangiji, da gaske ni bawanka ne; ni bawanka ne, ɗan baiwarka; ka ’yantar da ni daga sarƙoƙi.

Zan yi hadayar godiya gare ka in kuma kira bisa sunan Ubangiji.

Zan cika alkawurana ga Ubangiji a gaban dukan mutanensa,

a filayen gidan Ubangiji, a tsakiyarki, ya Urushalima. Yabi Ubangiji.

Ya yi rantsuwa ga Ubangiji ya kuma yi alkawari ga Maɗaukaki na Yaƙub cewa,

“Ba zan shiga gidana ko in kwanta a gado ba,

ba zan ba wa idanuna barci ba, ba gyangyaɗi wa idanuna,

sai na sami wuri wa Ubangiji, mazauni domin Maɗaukaki na Yaƙub.”

Tarko ne ga mutum ya keɓe wani abu da ba tunani daga baya kuma ya yi la’akari da alkawarinsa.

Maganganun Sarki Lemuwel, magana ce horarriya mahaifiyarsa ta koya masa,

“Ka saurara, ya ɗana! Ka saurara, ɗan cikina! Ka saurara, ya ɗan amshin addu’ata!