circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל י״ט:ל״זבערך 1023 לפנה״ס

    ישב נא עבדך ואמת בעירי עם קבר אבי ואמי והנה עבדך כמהם יעבר עם אדני המלך ועשה לו את אשר טוב בעיניך׃

  2. 2 שְׁמוּאֵל י״ט:ל״חבערך 1023 לפנה״ס

    ויאמר המלך אתי יעבר כמהם ואני אעשה לו את הטוב בעיניך וכל אשר תבחר עלי אעשה לך׃

  3. 2 שְׁמוּאֵל י״ט:ל״טבערך 1023 לפנה״ס

    ויעבר כל העם את הירדן והמלך עבר וישק המלך לברזלי ויברכהו וישב למקמו׃

  4. 2 שְׁמוּאֵל י״ט:מ׳בערך 1023 לפנה״ס

    ויעבר המלך הגלגלה וכמהן עבר עמו וכל עם יהודה ויעבירו את המלך וגם חצי עם ישראל׃

  5. 2 שְׁמוּאֵל י״ט:מ״אבערך 1023 לפנה״ס

    והנה כל איש ישראל באים אל המלך ויאמרו אל המלך מדוע גנבוך אחינו איש יהודה ויעברו את המלך ואת ביתו את הירדן וכל אנשי דוד עמו׃

  6. 2 שְׁמוּאֵל י״ט:מ״בבערך 1023 לפנה״ס

    ויען כל איש יהודה על איש ישראל כי קרוב המלך אלי ולמה זה חרה לך על הדבר הזה האכול אכלנו מן המלך אם נשאת נשא לנו׃

  7. 2 שְׁמוּאֵל י״ט:מ״גבערך 1023 לפנה״ס

    ויען איש ישראל את איש יהודה ויאמר עשר ידות לי במלך וגם בדוד אני ממך ומדוע הקלתני ולא היה דברי ראשון לי להשיב את מלכי ויקש דבר איש יהודה מדבר איש ישראל׃

  8. 2 שְׁמוּאֵל כ׳:א׳בערך 1022 לפנה״ס

    ¶ ושם נקרא איש בליעל ושמו שבע בן בכרי איש ימיני ויתקע בשפר ויאמר אין לנו חלק בדוד ולא נחלה לנו בבן ישי איש לאהליו ישראל׃

  9. 2 שְׁמוּאֵל כ׳:ב׳בערך 1022 לפנה״ס

    ויעל כל איש ישראל מאחרי דוד אחרי שבע בן בכרי ואיש יהודה דבקו במלכם מן הירדן ועד ירושלם׃

  10. 2 שְׁמוּאֵל כ׳:ג׳בערך 1022 לפנה״ס

    ויבא דוד אל ביתו ירושלם ויקח המלך את עשר נשים פלגשים אשר הניח לשמר הבית ויתנם בית משמרת ויכלכלם ואליהם לא בא ותהיינה צררות עד יום מתן אלמנות חיות׃

  11. 2 שְׁמוּאֵל כ׳:ד׳בערך 1022 לפנה״ס

    ויאמר המלך אל עמשא הזעק לי את איש יהודה שלשת ימים ואתה פה עמד׃

  12. 2 שְׁמוּאֵל כ׳:ה׳בערך 1022 לפנה״ס

    וילך עמשא להזעיק את יהודה וייחר מן המועד אשר יעדו׃

  13. 2 שְׁמוּאֵל כ׳:ו׳בערך 1022 לפנה״ס

    ויאמר דוד אל אבישי עתה ירע לנו שבע בן בכרי מן אבשלום אתה קח את עבדי אדניך ורדף אחריו פן מצא לו ערים בצרות והציל עיננו׃

  14. 2 שְׁמוּאֵל כ׳:ז׳בערך 1022 לפנה״ס

    ויצאו אחריו אנשי יואב והכרתי והפלתי וכל הגברים ויצאו מירושלם לרדף אחרי שבע בן בכרי׃

  15. 2 שְׁמוּאֵל כ׳:ח׳בערך 1022 לפנה״ס

    הם עם האבן הגדולה אשר בגבעון ועמשא בא לפניהם ויואב חגור מדו לבשו ועלו חגור חרב מצמדת על מתניו בתערה והוא יצא ותפל׃

  16. 2 שְׁמוּאֵל כ׳:ט׳בערך 1022 לפנה״ס

    ויאמר יואב לעמשא השלום אתה אחי ותחז יד ימין יואב בזקן עמשא לנשק לו׃

  17. 2 שְׁמוּאֵל כ׳:י׳בערך 1022 לפנה״ס

    ועמשא לא נשמר בחרב אשר ביד יואב ויכהו בה אל החמש וישפך מעיו ארצה ולא שנה לו וימת ויואב ואבישי אחיו רדף אחרי שבע בן בכרי׃

  18. 2 שְׁמוּאֵל כ׳:י״אבערך 1022 לפנה״ס

    ואיש עמד עליו מנערי יואב ויאמר מי אשר חפץ ביואב ומי אשר לדוד אחרי יואב׃

  19. 2 שְׁמוּאֵל כ׳:י״בבערך 1022 לפנה״ס

    ועמשא מתגלל בדם בתוך המסלה וירא האיש כי עמד כל העם ויסב את עמשא מן המסלה השדה וישלך עליו בגד כאשר ראה כל הבא עליו ועמד׃

  20. 2 שְׁמוּאֵל כ׳:י״גבערך 1022 לפנה״ס

    כאשר הגה מן המסלה עבר כל איש אחרי יואב לרדף אחרי שבע בן בכרי׃

  21. 2 שְׁמוּאֵל כ׳:י״דבערך 1022 לפנה״ס

    ויעבר בכל שבטי ישראל אבלה ובית מעכה וכל הברים ויקלהו ויבאו אף אחריו׃

  22. 2 שְׁמוּאֵל כ׳:ט״ובערך 1022 לפנה״ס

    ויבאו ויצרו עליו באבלה בית המעכה וישפכו סללה אל העיר ותעמד בחל וכל העם אשר את יואב משחיתם להפיל החומה׃

  23. 2 שְׁמוּאֵל כ׳:ט״זבערך 1022 לפנה״ס

    ותקרא אשה חכמה מן העיר שמעו שמעו אמרו נא אל יואב קרב עד הנה ואדברה אליך׃

  24. 2 שְׁמוּאֵל כ׳:י״זבערך 1022 לפנה״ס

    ויקרב אליה ותאמר האשה האתה יואב ויאמר אני ותאמר לו שמע דברי אמתך ויאמר שמע אנכי׃

  25. 2 שְׁמוּאֵל כ׳:י״חבערך 1022 לפנה״ס

    ותאמר לאמר דבר ידברו בראשנה לאמר שאל ישאלו באבל וכן התמו׃