circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל י״ח:כ׳בערך 1023 לפנה״ס

    ויאמר לו יואב לא איש בשרה אתה היום הזה ובשרת ביום אחר והיום הזה לא תבשר כי על בן המלך מת׃

  2. 2 שְׁמוּאֵל י״ח:כ״אבערך 1023 לפנה״ס

    ויאמר יואב לכושי לך הגד למלך אשר ראיתה וישתחו כושי ליואב וירץ׃

  3. 2 שְׁמוּאֵל י״ח:כ״בבערך 1023 לפנה״ס

    ויסף עוד אחימעץ בן צדוק ויאמר אל יואב ויהי מה ארצה נא גם אני אחרי הכושי ויאמר יואב למה זה אתה רץ בני ולכה אין בשורה מצאת׃

  4. 2 שְׁמוּאֵל י״ח:כ״גבערך 1023 לפנה״ס

    ויהי מה ארוץ ויאמר לו רוץ וירץ אחימעץ דרך הככר ויעבר את הכושי׃

  5. 2 שְׁמוּאֵל י״ח:כ״דבערך 1023 לפנה״ס

    ודוד יושב בין שני השערים וילך הצפה אל גג השער אל החומה וישא את עיניו וירא והנה איש רץ לבדו׃

  6. 2 שְׁמוּאֵל י״ח:כ״הבערך 1023 לפנה״ס

    ויקרא הצפה ויגד למלך ויאמר המלך אם לבדו בשורה בפיו וילך הלוך וקרב׃

  7. 2 שְׁמוּאֵל י״ח:כ״ובערך 1023 לפנה״ס

    וירא הצפה איש אחר רץ ויקרא הצפה אל השער ויאמר הנה איש רץ לבדו ויאמר המלך גם זה מבשר׃

  8. 2 שְׁמוּאֵל י״ח:כ״זבערך 1023 לפנה״ס

    ויאמר הצפה אני ראה את מרוצת הראשון כמרצת אחימעץ בן צדוק ויאמר המלך איש טוב זה ואל בשורה טובה יבוא׃

  9. 2 שְׁמוּאֵל י״ח:כ״חבערך 1023 לפנה״ס

    ויקרא אחימעץ ויאמר אל המלך שלום וישתחו למלך לאפיו ארצה ויאמר ברוך יהוה אלהיך אשר סגר את האנשים אשר נשאו את ידם באדני המלך׃

  10. 2 שְׁמוּאֵל י״ח:כ״טבערך 1023 לפנה״ס

    ויאמר המלך שלום לנער לאבשלום ויאמר אחימעץ ראיתי ההמון הגדול לשלח את עבד המלך יואב ואת עבדך ולא ידעתי מה׃

  11. 2 שְׁמוּאֵל י״ח:ל׳בערך 1023 לפנה״ס

    ויאמר המלך סב התיצב כה ויסב ויעמד׃

  12. 2 שְׁמוּאֵל י״ח:ל״אבערך 1023 לפנה״ס

    והנה הכושי בא ויאמר הכושי יתבשר אדני המלך כי שפטך יהוה היום מיד כל הקמים עליך׃

  13. 2 שְׁמוּאֵל י״ח:ל״בבערך 1023 לפנה״ס

    ויאמר המלך אל הכושי השלום לנער לאבשלום ויאמר הכושי יהיו כנער איבי אדני המלך וכל אשר קמו עליך לרעה׃

  14. 2 שְׁמוּאֵל י״ח:ל״גבערך 1023 לפנה״ס

    וירגז המלך ויעל על עלית השער ויבך וכה אמר בלכתו בני אבשלום בני בני אבשלום מי יתן מותי אני תחתיך אבשלום בני בני׃

  15. 2 שְׁמוּאֵל י״ט:א׳בערך 1023 לפנה״ס

    ¶ ויגד ליואב הנה המלך בכה ויתאבל על אבשלם׃

  16. 2 שְׁמוּאֵל י״ט:ב׳בערך 1023 לפנה״ס

    ותהי התשעה ביום ההוא לאבל לכל העם כי שמע העם ביום ההוא לאמר נעצב המלך על בנו׃

  17. 2 שְׁמוּאֵל י״ט:ג׳בערך 1023 לפנה״ס

    ויתגנב העם ביום ההוא לבוא העיר כאשר יתגנב העם הנכלמים בנוסם במלחמה׃

  18. 2 שְׁמוּאֵל י״ט:ד׳בערך 1023 לפנה״ס

    והמלך לאט את פניו ויזעק המלך קול גדול בני אבשלום אבשלום בני בני׃

  19. 2 שְׁמוּאֵל י״ט:ה׳בערך 1023 לפנה״ס

    ויבא יואב אל המלך הבית ויאמר הבשת היום את פני כל עבדיך הממלטים את נפשך היום ואת נפש בניך ובנתיך ונפש נשיך ונפש פלגשיך׃

  20. 2 שְׁמוּאֵל י״ט:ו׳בערך 1023 לפנה״ס

    לאהבה את שנאיך ולשנא את אהביך כי הגדת היום כי אין לך שרים ועבדים כי ידעתי היום כי לא אבשלום חי וכלנו היום מתים כי אז ישר בעיניך׃

  21. 2 שְׁמוּאֵל י״ט:ז׳בערך 1023 לפנה״ס

    ועתה קום צא ודבר על לב עבדיך כי ביהוה נשבעתי כי אינך יוצא אם ילין איש אתך הלילה ורעה לך זאת מכל הרעה אשר באה עליך מנעריך עד עתה׃

  22. 2 שְׁמוּאֵל י״ט:ח׳בערך 1023 לפנה״ס

    ויקם המלך וישב בשער ולכל העם הגידו לאמר הנה המלך יושב בשער ויבא כל העם לפני המלך וישראל נס איש לאהליו׃

  23. 2 שְׁמוּאֵל י״ט:ט׳בערך 1023 לפנה״ס

    ויהי כל העם נדון בכל שבטי ישראל לאמר המלך הצילנו מכף איבינו והוא מלטנו מכף פלשתים ועתה ברח מן הארץ מעל אבשלום׃

  24. 2 שְׁמוּאֵל י״ט:י׳בערך 1023 לפנה״ס

    ואבשלום אשר משחנו עלינו מת במלחמה ועתה למה אתם מחרשים להשיב את המלך׃

  25. 2 שְׁמוּאֵל י״ט:י״אבערך 1023 לפנה״ס

    והמלך דוד שלח אל צדוק ואל אביתר הכהנים לאמר דברו אל זקני יהודה לאמר למה תהיו אחרנים להשיב את המלך אל ביתו ודבר כל ישראל בא אל המלך אל ביתו׃