circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל י״ז:כ״דבערך 1023 לפנה״ס

    ודוד בא מחנימה ואבשלם עבר את הירדן הוא וכל איש ישראל עמו׃

  2. 2 שְׁמוּאֵל י״ז:כ״הבערך 1023 לפנה״ס

    ואת עמשא שם אבשלם תחת יואב על הצבא ועמשא בן איש ושמו יתרא הישראלי אשר בא אל אביגל בת נחש אחות צרויה אם יואב׃

  3. 2 שְׁמוּאֵל י״ז:כ״ובערך 1023 לפנה״ס

    ויחן ישראל ואבשלם ארץ הגלעד׃

  4. 2 שְׁמוּאֵל י״ז:כ״זבערך 1023 לפנה״ס

    ויהי כבוא דוד מחנימה ושבי בן נחש מרבת בני עמון ומכיר בן עמיאל מלא דבר וברזלי הגלעדי מרגלים׃

  5. 2 שְׁמוּאֵל י״ז:כ״חבערך 1023 לפנה״ס

    משכב וספות וכלי יוצר וחטים ושערים וקמח וקלי ופול ועדשים וקלי׃

  6. 2 שְׁמוּאֵל י״ז:כ״טבערך 1023 לפנה״ס

    ודבש וחמאה וצאן ושפות בקר הגישו לדוד ולעם אשר אתו לאכול כי אמרו העם רעב ועיף וצמא במדבר׃

  7. 2 שְׁמוּאֵל י״ח:א׳בערך 1023 לפנה״ס

    ¶ ויפקד דוד את העם אשר אתו וישם עליהם שרי אלפים ושרי מאות׃

  8. 2 שְׁמוּאֵל י״ח:ב׳בערך 1023 לפנה״ס

    וישלח דוד את העם השלשית ביד יואב והשלשית ביד אבישי בן צרויה אחי יואב והשלשת ביד אתי הגתי ויאמר המלך אל העם יצא אצא גם אני עמכם׃

  9. 2 שְׁמוּאֵל י״ח:ג׳בערך 1023 לפנה״ס

    ויאמר העם לא תצא כי אם נס ננוס לא ישימו אלינו לב ואם ימתו חצינו לא ישימו אלינו לב כי עתה כמנו עשרה אלפים ועתה טוב כי תהיה לנו מעיר לעזיר׃

  10. 2 שְׁמוּאֵל י״ח:ד׳בערך 1023 לפנה״ס

    ויאמר אליהם המלך אשר ייטב בעיניכם אעשה ויעמד המלך אל יד השער וכל העם יצאו למאות ולאלפים׃

  11. 2 שְׁמוּאֵל י״ח:ה׳בערך 1023 לפנה״ס

    ויצו המלך את יואב ואת אבישי ואת אתי לאמר לאט לי לנער לאבשלום וכל העם שמעו בצות המלך את כל השרים על דבר אבשלום׃

  12. 2 שְׁמוּאֵל י״ח:ו׳בערך 1023 לפנה״ס

    ויצא העם השדה לקראת ישראל ותהי המלחמה ביער אפרים׃

  13. 2 שְׁמוּאֵל י״ח:ז׳בערך 1023 לפנה״ס

    וינגפו שם עם ישראל לפני עבדי דוד ותהי שם המגפה גדולה ביום ההוא עשרים אלף׃

  14. 2 שְׁמוּאֵל י״ח:ח׳בערך 1023 לפנה״ס

    ותהי שם המלחמה נפצות על פני כל הארץ וירב היער לאכל בעם מאשר אכלה החרב ביום ההוא׃

  15. 2 שְׁמוּאֵל י״ח:ט׳בערך 1023 לפנה״ס

    ויקרא אבשלום לפני עבדי דוד ואבשלום רכב על הפרד ויבא הפרד תחת שובך האלה הגדולה ויחזק ראשו באלה ויתן בין השמים ובין הארץ והפרד אשר תחתיו עבר׃

  16. 2 שְׁמוּאֵל י״ח:י׳בערך 1023 לפנה״ס

    וירא איש אחד ויגד ליואב ויאמר הנה ראיתי את אבשלם תלוי באלה׃

  17. 2 שְׁמוּאֵל י״ח:י״אבערך 1023 לפנה״ס

    ויאמר יואב לאיש המגיד לו והנה ראית ומדוע לא הכיתו שם ארצה ועלי לתת לך עשרה כסף וחגרה אחת׃

  18. 2 שְׁמוּאֵל י״ח:י״בבערך 1023 לפנה״ס

    ויאמר האיש אל יואב ולא אנכי שקל על כפי אלף כסף לא אשלח ידי אל בן המלך כי באזנינו צוה המלך אתך ואת אבישי ואת אתי לאמר שמרו מי בנער באבשלום׃

  19. 2 שְׁמוּאֵל י״ח:י״גבערך 1023 לפנה״ס

    או עשיתי בנפשו שקר וכל דבר לא יכחד מן המלך ואתה תתיצב מנגד׃

  20. 2 שְׁמוּאֵל י״ח:י״דבערך 1023 לפנה״ס

    ויאמר יואב לא כן אחילה לפניך ויקח שלשה שבטים בכפו ויתקעם בלב אבשלום עודנו חי בלב האלה׃

  21. 2 שְׁמוּאֵל י״ח:ט״ובערך 1023 לפנה״ס

    ויסבו עשרה נערים נשאי כלי יואב ויכו את אבשלום וימיתהו׃

  22. 2 שְׁמוּאֵל י״ח:ט״זבערך 1023 לפנה״ס

    ויתקע יואב בשפר וישב העם מרדף אחרי ישראל כי חשך יואב את העם׃

  23. 2 שְׁמוּאֵל י״ח:י״זבערך 1023 לפנה״ס

    ויקחו את אבשלום וישליכו אתו ביער אל הפחת הגדול ויצבו עליו גל אבנים גדול מאד וכל ישראל נסו איש לאהלו׃

  24. 2 שְׁמוּאֵל י״ח:י״חבערך 1023 לפנה״ס

    ואבשלם לקח ויצב לו בחיו את מצבת אשר בעמק המלך כי אמר אין לי בן בעבור הזכיר שמי ויקרא למצבת על שמו ויקרא לה יד אבשלם עד היום הזה׃

  25. 2 שְׁמוּאֵל י״ח:י״טבערך 1023 לפנה״ס

    ואחימעץ בן צדוק אמר ארוצה נא ואבשרה את המלך כי שפטו יהוה מיד איביו׃