circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל ט״ו:ל״דבערך 1021 לפנה״ס

    ואם העיר תשוב ואמרת לאבשלום עבדך אני המלך אהיה עבד אביך ואני מאז ועתה ואני עבדך והפרתה לי את עצת אחיתפל׃

  2. 2 שְׁמוּאֵל ט״ו:ל״הבערך 1021 לפנה״ס

    והלוא עמך שם צדוק ואביתר הכהנים והיה כל הדבר אשר תשמע מבית המלך תגיד לצדוק ולאביתר הכהנים׃

  3. 2 שְׁמוּאֵל ט״ו:ל״ובערך 1021 לפנה״ס

    הנה שם עמם שני בניהם אחימעץ לצדוק ויהונתן לאביתר ושלחתם בידם אלי כל דבר אשר תשמעו׃

  4. 2 שְׁמוּאֵל ט״ו:ל״זבערך 1021 לפנה״ס

    ויבא חושי רעה דוד העיר ואבשלם יבא ירושלם׃

  5. 2 שְׁמוּאֵל ט״ז:א׳בערך 1023 לפנה״ס

    ¶ ודוד עבר מעט מהראש והנה ציבא נער מפי בשת לקראתו וצמד חמרים חבשים ועליהם מאתים לחם ומאה צמוקים ומאה קיץ ונבל יין׃

  6. 2 שְׁמוּאֵל ט״ז:ב׳בערך 1023 לפנה״ס

    ויאמר המלך אל ציבא מה אלה לך ויאמר ציבא החמורים לבית המלך לרכב ולהלחם והקיץ לאכול הנערים והיין לשתות היעף במדבר׃

  7. 2 שְׁמוּאֵל ט״ז:ג׳בערך 1023 לפנה״ס

    ויאמר המלך ואיה בן אדניך ויאמר ציבא אל המלך הנה יושב בירושלם כי אמר היום ישיבו לי בית ישראל את ממלכות אבי׃

  8. 2 שְׁמוּאֵל ט״ז:ד׳בערך 1023 לפנה״ס

    ויאמר המלך לצבא הנה לך כל אשר למפי בשת ויאמר ציבא השתחויתי אמצא חן בעיניך אדני המלך׃

  9. 2 שְׁמוּאֵל ט״ז:ה׳בערך 1023 לפנה״ס

    ובא המלך דוד עד בחורים והנה משם איש יוצא ממשפחת בית שאול ושמו שמעי בן גרא יצא יצוא ומקלל׃

  10. 2 שְׁמוּאֵל ט״ז:ו׳בערך 1023 לפנה״ס

    ויסקל באבנים את דוד ואת כל עבדי המלך דוד וכל העם וכל הגברים מימינו ומשמאלו׃

  11. 2 שְׁמוּאֵל ט״ז:ז׳בערך 1023 לפנה״ס

    וכה אמר שמעי בקללו צא צא איש הדמים ואיש הבליעל׃

  12. 2 שְׁמוּאֵל ט״ז:ח׳בערך 1023 לפנה״ס

    השיב עליך יהוה כל דמי בית שאול אשר מלכת תחתו ויתן יהוה את המלוכה ביד אבשלום בנך והנך ברעתך כי איש דמים אתה׃

  13. 2 שְׁמוּאֵל ט״ז:ט׳בערך 1023 לפנה״ס

    ויאמר אבישי בן צרויה אל המלך למה יקלל הכלב המת הזה את אדני המלך אעברה נא ואסירה את ראשו׃

  14. 2 שְׁמוּאֵל ט״ז:י׳בערך 1023 לפנה״ס

    ויאמר המלך מה לי ולכם בני צריה כי יקלל וכי יהוה אמר לו קלל את דוד ומי יאמר מדוע עשיתה כן׃

  15. 2 שְׁמוּאֵל ט״ז:י״אבערך 1023 לפנה״ס

    ויאמר דוד אל אבישי ואל כל עבדיו הנה בני אשר יצא ממעי מבקש את נפשי ואף כי עתה בן הימיני הנחו לו ויקלל כי אמר לו יהוה׃

  16. 2 שְׁמוּאֵל ט״ז:י״בבערך 1023 לפנה״ס

    אולי יראה יהוה בעוני והשיב יהוה לי טובה תחת קללתו היום הזה׃

  17. 2 שְׁמוּאֵל ט״ז:י״גבערך 1023 לפנה״ס

    וילך דוד ואנשיו בדרך ושמעי הלך בצלע ההר לעמתו הלוך ויקלל ויסקל באבנים לעמתו ועפר בעפר׃

  18. 2 שְׁמוּאֵל ט״ז:י״דבערך 1023 לפנה״ס

    ויבא המלך וכל העם אשר אתו עיפים וינפש שם׃

  19. 2 שְׁמוּאֵל ט״ז:ט״ובערך 1023 לפנה״ס

    ואבשלום וכל העם איש ישראל באו ירושלם ואחיתפל אתו׃

  20. 2 שְׁמוּאֵל ט״ז:ט״זבערך 1023 לפנה״ס

    ויהי כאשר בא חושי הארכי רעה דוד אל אבשלום ויאמר חושי אל אבשלם יחי המלך יחי המלך׃

  21. 2 שְׁמוּאֵל ט״ז:י״זבערך 1023 לפנה״ס

    ויאמר אבשלום אל חושי זה חסדך את רעך למה לא הלכת את רעך׃

  22. 2 שְׁמוּאֵל ט״ז:י״חבערך 1023 לפנה״ס

    ויאמר חושי אל אבשלם לא כי אשר בחר יהוה והעם הזה וכל איש ישראל לא אהיה ואתו אשב׃

  23. 2 שְׁמוּאֵל ט״ז:י״טבערך 1023 לפנה״ס

    והשנית למי אני אעבד הלוא לפני בנו כאשר עבדתי לפני אביך כן אהיה לפניך׃

  24. 2 שְׁמוּאֵל ט״ז:כ׳בערך 1023 לפנה״ס

    ויאמר אבשלום אל אחיתפל הבו לכם עצה מה נעשה׃

  25. 2 שְׁמוּאֵל ט״ז:כ״אבערך 1023 לפנה״ס

    ויאמר אחיתפל אל אבשלם בוא אל פלגשי אביך אשר הניח לשמור הבית ושמע כל ישראל כי נבאשת את אביך וחזקו ידי כל אשר אתך׃