circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל י״ד:י״זבערך 1027 לפנה״ס

    ותאמר שפחתך יהיה נא דבר אדני המלך למנוחה כי כמלאך האלהים כן אדני המלך לשמע הטוב והרע ויהוה אלהיך יהי עמך׃

  2. 2 שְׁמוּאֵל י״ד:י״חבערך 1027 לפנה״ס

    ויען המלך ויאמר אל האשה אל נא תכחדי ממני דבר אשר אנכי שאל אתך ותאמר האשה ידבר נא אדני המלך׃

  3. 2 שְׁמוּאֵל י״ד:י״טבערך 1027 לפנה״ס

    ויאמר המלך היד יואב אתך בכל זאת ותען האשה ותאמר חי נפשך אדני המלך אם אש להמין ולהשמיל מכל אשר דבר אדני המלך כי עבדך יואב הוא צוני והוא שם בפי שפחתך את כל הדברים האלה׃

  4. 2 שְׁמוּאֵל י״ד:כ׳בערך 1027 לפנה״ס

    לבעבור סבב את פני הדבר עשה עבדך יואב את הדבר הזה ואדני חכם כחכמת מלאך האלהים לדעת את כל אשר בארץ׃

  5. 2 שְׁמוּאֵל י״ד:כ״אבערך 1027 לפנה״ס

    ויאמר המלך אל יואב הנה נא עשיתי את הדבר הזה ולך השב את הנער את אבשלום׃

  6. 2 שְׁמוּאֵל י״ד:כ״בבערך 1027 לפנה״ס

    ויפל יואב אל פניו ארצה וישתחו ויברך את המלך ויאמר יואב היום ידע עבדך כי מצאתי חן בעיניך אדני המלך אשר עשה המלך את דבר עבדו׃

  7. 2 שְׁמוּאֵל י״ד:כ״גבערך 1027 לפנה״ס

    ויקם יואב וילך גשורה ויבא את אבשלום ירושלם׃

  8. 2 שְׁמוּאֵל י״ד:כ״דבערך 1027 לפנה״ס

    ויאמר המלך יסב אל ביתו ופני לא יראה ויסב אבשלום אל ביתו ופני המלך לא ראה׃

  9. 2 שְׁמוּאֵל י״ד:כ״הבערך 1027 לפנה״ס

    וכאבשלום לא היה איש יפה בכל ישראל להלל מאד מכף רגלו ועד קדקדו לא היה בו מום׃

  10. 2 שְׁמוּאֵל י״ד:כ״ובערך 1027 לפנה״ס

    ובגלחו את ראשו והיה מקץ ימים לימים אשר יגלח כי כבד עליו וגלחו ושקל את שער ראשו מאתים שקלים באבן המלך׃

  11. 2 שְׁמוּאֵל י״ד:כ״זבערך 1027 לפנה״ס

    ויולדו לאבשלום שלושה בנים ובת אחת ושמה תמר היא היתה אשה יפת מראה׃

  12. 2 שְׁמוּאֵל י״ד:כ״חבערך 1027 לפנה״ס

    וישב אבשלום בירושלם שנתים ימים ופני המלך לא ראה׃

  13. 2 שְׁמוּאֵל י״ד:כ״טבערך 1027 לפנה״ס

    וישלח אבשלום אל יואב לשלח אתו אל המלך ולא אבה לבוא אליו וישלח עוד שנית ולא אבה לבוא׃

  14. 2 שְׁמוּאֵל י״ד:ל׳בערך 1027 לפנה״ס

    ויאמר אל עבדיו ראו חלקת יואב אל ידי ולו שם שערים לכו והוצתיה באש ויצתו עבדי אבשלום את החלקה באש׃

  15. 2 שְׁמוּאֵל י״ד:ל״אבערך 1027 לפנה״ס

    ויקם יואב ויבא אל אבשלום הביתה ויאמר אליו למה הציתו עבדך את החלקה אשר לי באש׃

  16. 2 שְׁמוּאֵל י״ד:ל״בבערך 1027 לפנה״ס

    ויאמר אבשלום אל יואב הנה שלחתי אליך לאמר בא הנה ואשלחה אתך אל המלך לאמר למה באתי מגשור טוב לי עד אני שם ועתה אראה פני המלך ואם יש בי עון והמתני׃

  17. 2 שְׁמוּאֵל י״ד:ל״גבערך 1025 לפנה״ס

    ויבא יואב אל המלך ויגד לו ויקרא אל אבשלום ויבא אל המלך וישתחו לו על אפיו ארצה לפני המלך וישק המלך לאבשלום׃

  18. 2 שְׁמוּאֵל ט״ו:א׳בערך 1024 לפנה״ס

    ¶ ויהי מאחרי כן ויעש לו אבשלום מרכבה וססים וחמשים איש רצים לפניו׃

  19. 2 שְׁמוּאֵל ט״ו:ב׳בערך 1024 לפנה״ס

    והשכים אבשלום ועמד על יד דרך השער ויהי כל האיש אשר יהיה לו ריב לבוא אל המלך למשפט ויקרא אבשלום אליו ויאמר אי מזה עיר אתה ויאמר מאחד שבטי ישראל עבדך׃

  20. 2 שְׁמוּאֵל ט״ו:ג׳בערך 1024 לפנה״ס

    ויאמר אליו אבשלום ראה דברך טובים ונכחים ושמע אין לך מאת המלך׃

  21. 2 שְׁמוּאֵל ט״ו:ד׳בערך 1024 לפנה״ס

    ויאמר אבשלום מי ישמני שפט בארץ ועלי יבוא כל איש אשר יהיה לו ריב ומשפט והצדקתיו׃

  22. 2 שְׁמוּאֵל ט״ו:ה׳בערך 1024 לפנה״ס

    והיה בקרב איש להשתחות לו ושלח את ידו והחזיק לו ונשק לו׃

  23. 2 שְׁמוּאֵל ט״ו:ו׳בערך 1024 לפנה״ס

    ויעש אבשלום כדבר הזה לכל ישראל אשר יבאו למשפט אל המלך ויגנב אבשלום את לב אנשי ישראל׃

  24. 2 שְׁמוּאֵל ט״ו:ז׳בערך 1021 לפנה״ס

    ויהי מקץ ארבעים שנה ויאמר אבשלום אל המלך אלכה נא ואשלם את נדרי אשר נדרתי ליהוה בחברון׃

  25. 2 שְׁמוּאֵל ט״ו:ח׳בערך 1021 לפנה״ס

    כי נדר נדר עבדך בשבתי בגשור בארם לאמר אם ישיב ישיבני יהוה ירושלם ועבדתי את יהוה׃