circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל י״ג:ו׳בערך 1032 לפנה״ס

    וישכב אמנון ויתחל ויבא המלך לראתו ויאמר אמנון אל המלך תבוא נא תמר אחתי ותלבב לעיני שתי לבבות ואברה מידה׃

  2. 2 שְׁמוּאֵל י״ג:ז׳בערך 1032 לפנה״ס

    וישלח דוד אל תמר הביתה לאמר לכי נא בית אמנון אחיך ועשי לו הבריה׃

  3. 2 שְׁמוּאֵל י״ג:ח׳בערך 1032 לפנה״ס

    ותלך תמר בית אמנון אחיה והוא שכב ותקח את הבצק ותלוש ותלבב לעיניו ותבשל את הלבבות׃

  4. 2 שְׁמוּאֵל י״ג:ט׳בערך 1032 לפנה״ס

    ותקח את המשרת ותצק לפניו וימאן לאכול ויאמר אמנון הוציאו כל איש מעלי ויצאו כל איש מעליו׃

  5. 2 שְׁמוּאֵל י״ג:י׳בערך 1032 לפנה״ס

    ויאמר אמנון אל תמר הביאי הבריה החדר ואברה מידך ותקח תמר את הלבבות אשר עשתה ותבא לאמנון אחיה החדרה׃

  6. 2 שְׁמוּאֵל י״ג:י״אבערך 1032 לפנה״ס

    ותגש אליו לאכל ויחזק בה ויאמר לה בואי שכבי עמי אחותי׃

  7. 2 שְׁמוּאֵל י״ג:י״בבערך 1032 לפנה״ס

    ותאמר לו אל אחי אל תענני כי לא יעשה כן בישראל אל תעשה את הנבלה הזאת׃

  8. 2 שְׁמוּאֵל י״ג:י״גבערך 1032 לפנה״ס

    ואני אנה אוליך את חרפתי ואתה תהיה כאחד הנבלים בישראל ועתה דבר נא אל המלך כי לא ימנעני ממך׃

  9. 2 שְׁמוּאֵל י״ג:י״דבערך 1032 לפנה״ס

    ולא אבה לשמע בקולה ויחזק ממנה ויענה וישכב אתה׃

  10. 2 שְׁמוּאֵל י״ג:ט״ובערך 1032 לפנה״ס

    וישנאה אמנון שנאה גדולה מאד כי גדולה השנאה אשר שנאה מאהבה אשר אהבה ויאמר לה אמנון קומי לכי׃

  11. 2 שְׁמוּאֵל י״ג:ט״זבערך 1032 לפנה״ס

    ותאמר לו אל אודת הרעה הגדולה הזאת מאחרת אשר עשית עמי לשלחני ולא אבה לשמע לה׃

  12. 2 שְׁמוּאֵל י״ג:י״זבערך 1032 לפנה״ס

    ויקרא את נערו משרתו ויאמר שלחו נא את זאת מעלי החוצה ונעל הדלת אחריה׃

  13. 2 שְׁמוּאֵל י״ג:י״חבערך 1032 לפנה״ס

    ועליה כתנת פסים כי כן תלבשן בנות המלך הבתולת מעילים ויצא אותה משרתו החוץ ונעל הדלת אחריה׃

  14. 2 שְׁמוּאֵל י״ג:י״טבערך 1032 לפנה״ס

    ותקח תמר אפר על ראשה וכתנת הפסים אשר עליה קרעה ותשם ידה על ראשה ותלך הלוך וזעקה׃

  15. 2 שְׁמוּאֵל י״ג:כ׳בערך 1032 לפנה״ס

    ויאמר אליה אבשלום אחיה האמינון אחיך היה עמך ועתה אחותי החרישי אחיך הוא אל תשיתי את לבך לדבר הזה ותשב תמר ושממה בית אבשלום אחיה׃

  16. 2 שְׁמוּאֵל י״ג:כ״אבערך 1032 לפנה״ס

    והמלך דוד שמע את כל הדברים האלה ויחר לו מאד׃

  17. 2 שְׁמוּאֵל י״ג:כ״בבערך 1032 לפנה״ס

    ולא דבר אבשלום עם אמנון למרע ועד טוב כי שנא אבשלום את אמנון על דבר אשר ענה את תמר אחתו׃

  18. 2 שְׁמוּאֵל י״ג:כ״גבערך 1030 לפנה״ס

    ויהי לשנתים ימים ויהיו גזזים לאבשלום בבעל חצור אשר עם אפרים ויקרא אבשלום לכל בני המלך׃

  19. 2 שְׁמוּאֵל י״ג:כ״דבערך 1030 לפנה״ס

    ויבא אבשלום אל המלך ויאמר הנה נא גזזים לעבדך ילך נא המלך ועבדיו עם עבדך׃

  20. 2 שְׁמוּאֵל י״ג:כ״הבערך 1030 לפנה״ס

    ויאמר המלך אל אבשלום אל בני אל נא נלך כלנו ולא נכבד עליך ויפרץ בו ולא אבה ללכת ויברכהו׃

  21. 2 שְׁמוּאֵל י״ג:כ״ובערך 1030 לפנה״ס

    ויאמר אבשלום ולא ילך נא אתנו אמנון אחי ויאמר לו המלך למה ילך עמך׃

  22. 2 שְׁמוּאֵל י״ג:כ״זבערך 1030 לפנה״ס

    ויפרץ בו אבשלום וישלח אתו את אמנון ואת כל בני המלך׃

  23. 2 שְׁמוּאֵל י״ג:כ״חבערך 1030 לפנה״ס

    ויצו אבשלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃

  24. 2 שְׁמוּאֵל י״ג:כ״טבערך 1030 לפנה״ס

    ויעשו נערי אבשלום לאמנון כאשר צוה אבשלום ויקמו כל בני המלך וירכבו איש על פרדו וינסו׃

  25. 2 שְׁמוּאֵל י״ג:ל׳בערך 1030 לפנה״ס

    ויהי המה בדרך והשמעה באה אל דוד לאמר הכה אבשלום את כל בני המלך ולא נותר מהם אחד׃