circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל ט״ז:כ״בבערך 1023 לפנה״ס

    ויטו לאבשלום האהל על הגג ויבא אבשלום אל פלגשי אביו לעיני כל ישראל׃

  2. 2 שְׁמוּאֵל ט״ז:כ״גבערך 1023 לפנה״ס

    ועצת אחיתפל אשר יעץ בימים ההם כאשר ישאל בדבר האלהים כן כל עצת אחיתפל גם לדוד גם לאבשלם׃

  3. 2 שְׁמוּאֵל י״ז:א׳בערך 1023 לפנה״ס

    ¶ ויאמר אחיתפל אל אבשלם אבחרה נא שנים עשר אלף איש ואקומה וארדפה אחרי דוד הלילה׃

  4. 2 שְׁמוּאֵל י״ז:ב׳בערך 1023 לפנה״ס

    ואבוא עליו והוא יגע ורפה ידים והחרדתי אתו ונס כל העם אשר אתו והכיתי את המלך לבדו׃

  5. 2 שְׁמוּאֵל י״ז:ג׳בערך 1023 לפנה״ס

    ואשיבה כל העם אליך כשוב הכל האיש אשר אתה מבקש כל העם יהיה שלום׃

  6. 2 שְׁמוּאֵל י״ז:ד׳בערך 1023 לפנה״ס

    ויישר הדבר בעיני אבשלם ובעיני כל זקני ישראל׃

  7. 2 שְׁמוּאֵל י״ז:ה׳בערך 1023 לפנה״ס

    ויאמר אבשלום קרא נא גם לחושי הארכי ונשמעה מה בפיו גם הוא׃

  8. 2 שְׁמוּאֵל י״ז:ו׳בערך 1023 לפנה״ס

    ויבא חושי אל אבשלום ויאמר אבשלום אליו לאמר כדבר הזה דבר אחיתפל הנעשה את דברו אם אין אתה דבר׃

  9. 2 שְׁמוּאֵל י״ז:ז׳בערך 1023 לפנה״ס

    ויאמר חושי אל אבשלום לא טובה העצה אשר יעץ אחיתפל בפעם הזאת׃

  10. 2 שְׁמוּאֵל י״ז:ח׳בערך 1023 לפנה״ס

    ויאמר חושי אתה ידעת את אביך ואת אנשיו כי גברים המה ומרי נפש המה כדב שכול בשדה ואביך איש מלחמה ולא ילין את העם׃

  11. 2 שְׁמוּאֵל י״ז:ט׳בערך 1023 לפנה״ס

    הנה עתה הוא נחבא באחת הפחתים או באחד המקומת והיה כנפל בהם בתחלה ושמע השמע ואמר היתה מגפה בעם אשר אחרי אבשלם׃

  12. 2 שְׁמוּאֵל י״ז:י׳בערך 1023 לפנה״ס

    והוא גם בן חיל אשר לבו כלב האריה המס ימס כי ידע כל ישראל כי גבור אביך ובני חיל אשר אתו׃

  13. 2 שְׁמוּאֵל י״ז:י״אבערך 1023 לפנה״ס

    כי יעצתי האסף יאסף עליך כל ישראל מדן ועד באר שבע כחול אשר על הים לרב ופניך הלכים בקרב׃

  14. 2 שְׁמוּאֵל י״ז:י״בבערך 1023 לפנה״ס

    ובאנו אליו באחת המקומת אשר נמצא שם ונחנו עליו כאשר יפל הטל על האדמה ולא נותר בו ובכל האנשים אשר אתו גם אחד׃

  15. 2 שְׁמוּאֵל י״ז:י״גבערך 1023 לפנה״ס

    ואם אל עיר יאסף והשיאו כל ישראל אל העיר ההיא חבלים וסחבנו אתו עד הנחל עד אשר לא נמצא שם גם צרור׃

  16. 2 שְׁמוּאֵל י״ז:י״דבערך 1023 לפנה״ס

    ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃

  17. 2 שְׁמוּאֵל י״ז:ט״ובערך 1023 לפנה״ס

    ויאמר חושי אל צדוק ואל אביתר הכהנים כזאת וכזאת יעץ אחיתפל את אבשלם ואת זקני ישראל וכזאת וכזאת יעצתי אני׃

  18. 2 שְׁמוּאֵל י״ז:ט״זבערך 1023 לפנה״ס

    ועתה שלחו מהרה והגידו לדוד לאמר אל תלן הלילה בערבות המדבר וגם עבור תעבור פן יבלע למלך ולכל העם אשר אתו׃

  19. 2 שְׁמוּאֵל י״ז:י״זבערך 1023 לפנה״ס

    ויהונתן ואחימעץ עמדים בעין רגל והלכה השפחה והגידה להם והם ילכו והגידו למלך דוד כי לא יוכלו להראות לבוא העירה׃

  20. 2 שְׁמוּאֵל י״ז:י״חבערך 1023 לפנה״ס

    וירא אתם נער ויגד לאבשלם וילכו שניהם מהרה ויבאו אל בית איש בבחורים ולו באר בחצרו וירדו שם׃

  21. 2 שְׁמוּאֵל י״ז:י״טבערך 1023 לפנה״ס

    ותקח האשה ותפרש את המסך על פני הבאר ותשטח עליו הרפות ולא נודע דבר׃

  22. 2 שְׁמוּאֵל י״ז:כ׳בערך 1023 לפנה״ס

    ויבאו עבדי אבשלום אל האשה הביתה ויאמרו איה אחימעץ ויהונתן ותאמר להם האשה עברו מיכל המים ויבקשו ולא מצאו וישבו ירושלם׃

  23. 2 שְׁמוּאֵל י״ז:כ״אבערך 1023 לפנה״ס

    ויהי אחרי לכתם ויעלו מהבאר וילכו ויגדו למלך דוד ויאמרו אל דוד קומו ועברו מהרה את המים כי ככה יעץ עליכם אחיתפל׃

  24. 2 שְׁמוּאֵל י״ז:כ״בבערך 1023 לפנה״ס

    ויקם דוד וכל העם אשר אתו ויעברו את הירדן עד אור הבקר עד אחד לא נעדר אשר לא עבר את הירדן׃

  25. 2 שְׁמוּאֵל י״ז:כ״גבערך 1023 לפנה״ס

    ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃