circa 1010–970 BC

The Reign of David

David unites the tribes, conquers Jerusalem, and establishes Israel's golden age—even through deep personal failure.

1,230 פסוקים · 2 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. 2 שְׁמוּאֵל כ׳:י״טבערך 1022 לפנה״ס

    אנכי שלמי אמוני ישראל אתה מבקש להמית עיר ואם בישראל למה תבלע נחלת יהוה׃

  2. 2 שְׁמוּאֵל כ׳:כ׳בערך 1022 לפנה״ס

    ויען יואב ויאמר חלילה חלילה לי אם אבלע ואם אשחית׃

  3. 2 שְׁמוּאֵל כ׳:כ״אבערך 1022 לפנה״ס

    לא כן הדבר כי איש מהר אפרים שבע בן בכרי שמו נשא ידו במלך בדוד תנו אתו לבדו ואלכה מעל העיר ותאמר האשה אל יואב הנה ראשו משלך אליך בעד החומה׃

  4. 2 שְׁמוּאֵל כ׳:כ״בבערך 1022 לפנה״ס

    ותבוא האשה אל כל העם בחכמתה ויכרתו את ראש שבע בן בכרי וישלכו אל יואב ויתקע בשופר ויפצו מעל העיר איש לאהליו ויואב שב ירושלם אל המלך׃

  5. 2 שְׁמוּאֵל כ׳:כ״גבערך 1022 לפנה״ס

    ויואב אל כל הצבא ישראל ובניה בן יהוידע על הכרי ועל הפלתי׃

  6. 2 שְׁמוּאֵל כ׳:כ״דבערך 1022 לפנה״ס

    ואדרם על המס ויהושפט בן אחילוד המזכיר׃

  7. 2 שְׁמוּאֵל כ׳:כ״הבערך 1022 לפנה״ס

    ושיא ספר וצדוק ואביתר כהנים׃

  8. 2 שְׁמוּאֵל כ׳:כ״ובערך 1022 לפנה״ס

    וגם עירא היארי היה כהן לדוד׃

  9. 2 שְׁמוּאֵל כ״א:א׳בערך 1018 לפנה״ס

    ¶ ויהי רעב בימי דוד שלש שנים שנה אחרי שנה ויבקש דוד את פני יהוה ויאמר יהוה אל שאול ואל בית הדמים על אשר המית את הגבענים׃

  10. 2 שְׁמוּאֵל כ״א:ב׳בערך 1018 לפנה״ס

    ויקרא המלך לגבענים ויאמר אליהם והגבענים לא מבני ישראל המה כי אם מיתר האמרי ובני ישראל נשבעו להם ויבקש שאול להכתם בקנאתו לבני ישראל ויהודה׃

  11. 2 שְׁמוּאֵל כ״א:ג׳בערך 1018 לפנה״ס

    ויאמר דוד אל הגבענים מה אעשה לכם ובמה אכפר וברכו את נחלת יהוה׃

  12. 2 שְׁמוּאֵל כ״א:ד׳בערך 1018 לפנה״ס

    ויאמרו לו הגבענים אין לי כסף וזהב עם שאול ועם ביתו ואין לנו איש להמית בישראל ויאמר מה אתם אמרים אעשה לכם׃

  13. 2 שְׁמוּאֵל כ״א:ה׳בערך 1018 לפנה״ס

    ויאמרו אל המלך האיש אשר כלנו ואשר דמה לנו נשמדנו מהתיצב בכל גבל ישראל׃

  14. 2 שְׁמוּאֵל כ״א:ו׳בערך 1018 לפנה״ס

    ינתן לנו שבעה אנשים מבניו והוקענום ליהוה בגבעת שאול בחיר יהוה ויאמר המלך אני אתן׃

  15. 2 שְׁמוּאֵל כ״א:ז׳בערך 1018 לפנה״ס

    ויחמל המלך על מפיבשת בן יהונתן בן שאול על שבעת יהוה אשר בינתם בין דוד ובין יהונתן בן שאול׃

  16. 2 שְׁמוּאֵל כ״א:ח׳בערך 1018 לפנה״ס

    ויקח המלך את שני בני רצפה בת איה אשר ילדה לשאול את ארמני ואת מפבשת ואת חמשת בני מיכל בת שאול אשר ילדה לעדריאל בן ברזלי המחלתי׃

  17. 2 שְׁמוּאֵל כ״א:ט׳בערך 1018 לפנה״ס

    ויתנם ביד הגבענים ויקיעם בהר לפני יהוה ויפלו שבעתים יחד והם המתו בימי קציר בראשנים תחלת קציר שערים׃

  18. 2 שְׁמוּאֵל כ״א:י׳בערך 1018 לפנה״ס

    ותקח רצפה בת איה את השק ותטהו לה אל הצור מתחלת קציר עד נתך מים עליהם מן השמים ולא נתנה עוף השמים לנוח עליהם יומם ואת חית השדה לילה׃

  19. 2 שְׁמוּאֵל כ״א:י״אבערך 1018 לפנה״ס

    ויגד לדוד את אשר עשתה רצפה בת איה פלגש שאול׃

  20. 2 שְׁמוּאֵל כ״א:י״בבערך 1018 לפנה״ס

    וילך דוד ויקח את עצמות שאול ואת עצמות יהונתן בנו מאת בעלי יביש גלעד אשר גנבו אתם מרחב בית שן אשר תלום שם הפלשתים ביום הכות פלשתים את שאול בגלבע׃

  21. 2 שְׁמוּאֵל כ״א:י״גבערך 1018 לפנה״ס

    ויעל משם את עצמות שאול ואת עצמות יהונתן בנו ויאספו את עצמות המוקעים׃

  22. 2 שְׁמוּאֵל כ״א:י״דבערך 1018 לפנה״ס

    ויקברו את עצמות שאול ויהונתן בנו בארץ בנימן בצלע בקבר קיש אביו ויעשו כל אשר צוה המלך ויעתר אלהים לארץ אחרי כן׃

  23. 2 שְׁמוּאֵל כ״א:ט״ובערך 1018 לפנה״ס

    ותהי עוד מלחמה לפלשתים את ישראל וירד דוד ועבדיו עמו וילחמו את פלשתים ויעף דוד׃

  24. 2 שְׁמוּאֵל כ״א:ט״זבערך 1018 לפנה״ס

    וישבו בנב אשר בילידי הרפה ומשקל קינו שלש מאות משקל נחשת והוא חגור חדשה ויאמר להכות את דוד׃

  25. 2 שְׁמוּאֵל כ״א:י״זבערך 1018 לפנה״ס

    ויעזר לו אבישי בן צרויה ויך את הפלשתי וימיתהו אז נשבעו אנשי דוד לו לאמר לא תצא עוד אתנו למלחמה ולא תכבה את נר ישראל׃