circa 1446 BC

Sinai & The Law

God meets Israel at Mount Sinai, reveals the Ten Commandments, and establishes the Tabernacle and the priestly covenant.

1,657 ayoyi · 2 littattafai da aka rufe

Ayoyi daga wannan lokacin

Tsarin Nassi Bisa kwanan wata
Tace bisa littafi
  1. Fitowa 37:19kusan 1491 K.H.

    A reshe guda na wurin ajiye fitilan, akwai kwaf uku masu kama da tohon almon, akwai kuma uku a reshe na biye, haka kuma suke a dukan rassa shida da suke daga wurin ajiye fitilan.

  2. Fitowa 37:20kusan 1491 K.H.

    A bisa wurin ajiye fitilan kuma akwai kwaf huɗu da aka yi su kamar furannin almon da toho da kuma mahaɗai.

  3. Fitowa 37:21kusan 1491 K.H.

    Toho ɗaya yana a ƙarƙashin rassa biyu waɗanda suke daga wurin ajiye fitilan, toho na biyu yana a ƙarƙashin rassa biyu na biye, toho na uku kuma yana a ƙarƙashin rassa biyu na uku, duka-duka rassa shida ne.

  4. Fitowa 37:22kusan 1491 K.H.

    An ƙera mahaɗai da rassa wurin ajiye fitila a haɗe. Da ƙerarriyar zinariya aka yi wurin ajiye fitilar da dukan komensa a haɗe.

  5. Fitowa 37:23kusan 1491 K.H.

    Da zinariya zalla suka yi fitilu bakwai, da hantsuka da farantansa.

  6. Fitowa 37:24kusan 1491 K.H.

    Daga talenti ɗaya na zinariya zalla suka yi wurin ajiye fitila da dukan kayayyakinsa.

  7. Fitowa 37:25kusan 1491 K.H.

    Suka yi bagaden ƙona turare da itacen ƙirya. Shi bagaden, murabba’i ne, tsawonsa kamu ɗaya, fāɗinsa kamu ɗaya, tsayinsa kuma kamu biyu, ƙahoninsa kuwa a haɗe suke da shi.

  8. Fitowa 37:26kusan 1491 K.H.

    Suka dalaye saman da dukan gefe-gefen da kuma ƙahonin da zinariya zalla, suka kuma yi zubin zinariya kewaye da shi.

  9. Fitowa 37:27kusan 1491 K.H.

    Suka yi zobai biyu na zinariya a ƙarƙashin zubin, biyu-biyu ɗaura da juna, don su riƙe sandunan da za a ɗauka shi.

  10. Fitowa 37:28kusan 1491 K.H.

    Suka yi sandunan da itacen ƙirya, suka kuma dalaye su da zinariya.

  11. Fitowa 37:29kusan 1491 K.H.

    Suka kuma yi tsattsarkan mai na shafewa da kuma zalla turare mai ƙanshi, yadda mai yin turare yakan yi.

  12. Fitowa 38:1kusan 1491 K.H.

    Suka gina bagaden ƙona hadaya da itacen ƙirya, tsawonsa kamu biyar, fāɗinsa kamu biyar, murabba’i ke nan, tsayinsa kuwa kamu uku.

  13. Fitowa 38:2kusan 1491 K.H.

    Suka yi ƙahoni a kusurwansa huɗu, ƙahonin da bagade a haɗe suke, suka kuma dalaye bagaden da tagulla.

  14. Fitowa 38:3kusan 1491 K.H.

    Da tagulla kuma ya yi duk kayayyakin bagaden, da kwanoni, da babban cokali, da daruna, da cokula masu yatsotsi, da farantan wuta.

  15. Fitowa 38:4kusan 1491 K.H.

    Suka yi wa bagaden raga, tagulla kuma don yă sa shi a tsakiya.

  16. Fitowa 38:5kusan 1491 K.H.

    Suka yi zubin zoban tagulla don riƙe sanduna a kusurwoyi huɗu na ragar tagullar.

  17. Fitowa 38:6kusan 1491 K.H.

    Suka yi sanduna da itacen ƙirya, suka kuma dalaye su da tagulla.

  18. Fitowa 38:7kusan 1491 K.H.

    Suka sa sandunan a cikin zoban saboda su kasance a gefen bagade don ɗaukarsa, suka yi rami cikinsa.

  19. Fitowa 38:8kusan 1491 K.H.

    Suka yi daro da gammonsa da tagulla daga madubai na mata masu yin aiki a ƙofar Tentin Sujada.

  20. Fitowa 38:9kusan 1491 K.H.

    Suka kuma yi filin Tentin Sujada. Suka yi labulanta na gefen kudu da lallausan lilin, tsawonsu kamu ɗari,

  21. Fitowa 38:10kusan 1491 K.H.

    da sanduna ashirin da rammukan sandunan tagulla ashirin, da kuma ƙugiyoyin azurfa da maɗauri a kan sandunan.

  22. Fitowa 38:11kusan 1491 K.H.

    Tsawon labule na wajen gefen arewa kamu ɗari ne, yana kuma da sanduna guda ashirin da rammuka ashirin na tagulla, da ƙugiyoyin azurfa da maɗaurai a kan sandunan.

  23. Fitowa 38:12kusan 1491 K.H.

    Labule na gefen yamma kamu hamsin, da sanduna guda goma, da rammuka guda goma, da ƙugiyoyin azurfa da maɗaurai a kan sandunan.

  24. Fitowa 38:13kusan 1491 K.H.

    A ƙarshen gefen gabas, wajen fitowar rana, shi ma fāɗinsa kamu hamsin ne.

  25. Fitowa 38:14kusan 1491 K.H.

    Labule na gefe ɗaya na ƙofar, kamu goma sha biyar ne, da sanduna guda uku da rammukansu,