Mistari ya Biblia kuhusu The Providence of God

Pumzi ya Mungu hutoa barafu, eneo kubwa la maji huganda.

Huyasheheneza mawingu kwa maji, naye husambaza umeme wake wa radi kupitia hayo.

Nayo mawingu huzungukazunguka pande zote kwa amri yake, juu ya uso wa dunia yote, kufanya lolote ayaamuruyo.

Huleta mawingu ili kuadhibu wanadamu, au kuinyeshea dunia yake na kuonyesha upendo wake.

Nimemweka Bwana mbele yangu daima. Kwa sababu yuko mkono wangu wa kuume, sitatikisika.

Siku za maisha yangu ziko mikononi mwako, uniokoe mikononi mwa adui zangu na wale wanifuatiao.

Bwana huzuia mipango ya mataifa, hupinga makusudi ya mataifa.

Haki yako ni kama milima mikubwa, hukumu zako ni kama kilindi kikuu. Ee Bwana, wewe huwahifadhi mwanadamu na mnyama.

Kwa kuwa Bwana huwapenda wenye haki naye hatawaacha waaminifu wake. Watalindwa milele, lakini uzao wa waovu utakatiliwa mbali.

Umefanya maisha yangu mafupi kama pumzi; muda wangu wa kuishi ni kama hauna thamani kwako. Maisha ya kila mwanadamu ni kama pumzi.

Nilipojaribu kuelewa haya yote, yalikuwa magumu kwangu kuelewa.

Hakuna yeyote atokaye mashariki wala magharibi au kutoka jangwani awezaye kumkweza mwanadamu.

Bali Mungu ndiye ahukumuye: Humshusha huyu na kumkweza mwingine.

Njia yako ilipita baharini, mapito yako kwenye maji makuu, ingawa nyayo zako hazikuonekana.

Hakika yeye ataniokoa na mtego wa mwindaji, na maradhi ya kuambukiza ya kuua.

Atakufunika kwa manyoya yake, chini ya mbawa zake utapata kimbilio, uaminifu wake utakuwa ngao na kinga yako.

Kwa kuwa atawaagiza malaika zake kwa ajili yako, wakulinde katika njia zako zote.

Ameiweka dunia kwenye misingi yake, haiwezi kamwe kuondoshwa.

Uliifunika kwa kilindi kama kwa vazi, maji yalisimama juu ya milima.

Lakini kwa kukemea kwako maji yalikimbia, kwa sauti ya radi yako yakatoroka,

yakapanda milima, yakateremka mabondeni, hadi mahali pale ulipoyakusudia.

Uliyawekea mpaka ambao hayawezi kuuvuka, kamwe hayataifunika dunia tena.

Hawa wote wanakutazamia wewe, uwape chakula chao kwa wakati wake.

Wakati unapowapa, wanakikusanya, unapofumbua mkono wako, wao wanashibishwa mema.

Ninatafakari maagizo yako na kuziangalia njia zako.