circa 800–400 BC

The Hebrew Prophets

God speaks through Isaiah, Jeremiah, and the minor prophets—calling Israel to repentance and foretelling the coming Messiah.

3,706 פסוקים · 14 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְשַׁעְיָהוּ ל״א:ה׳בערך תשי״ג לפנה״ס

    כצפרים עפות כן יגן יהוה צבאות על ירושלם גנון והציל פסח והמליט׃

  2. יְשַׁעְיָהוּ ל״א:ו׳בערך תשי״ג לפנה״ס

    שובו לאשר העמיקו סרה בני ישראל׃

  3. יְשַׁעְיָהוּ ל״א:ז׳בערך תשי״ג לפנה״ס

    כי ביום ההוא ימאסון איש אלילי כספו ואלילי זהבו אשר עשו לכם ידיכם חטא׃

  4. יְשַׁעְיָהוּ ל״א:ח׳בערך תשי״ג לפנה״ס

    ונפל אשור בחרב לא איש וחרב לא אדם תאכלנו ונס לו מפני חרב ובחוריו למס יהיו׃

  5. יְשַׁעְיָהוּ ל״א:ט׳בערך תשי״ג לפנה״ס

    וסלעו ממגור יעבור וחתו מנס שריו נאם יהוה אשר אור לו בציון ותנור לו בירושלם׃

  6. יְשַׁעְיָהוּ ל״ב:א׳בערך תשי״ג לפנה״ס

    ¶ הן לצדק ימלך מלך ולשרים למשפט ישרו׃

  7. יְשַׁעְיָהוּ ל״ב:ב׳בערך תשי״ג לפנה״ס

    והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

  8. יְשַׁעְיָהוּ ל״ב:ג׳בערך תשי״ג לפנה״ס

    ולא תשעינה עיני ראים ואזני שמעים תקשבנה׃

  9. יְשַׁעְיָהוּ ל״ב:ד׳בערך תשי״ג לפנה״ס

    ולבב נמהרים יבין לדעת ולשון עלגים תמהר לדבר צחות׃

  10. יְשַׁעְיָהוּ ל״ב:ה׳בערך תשי״ג לפנה״ס

    לא יקרא עוד לנבל נדיב ולכילי לא יאמר שוע׃

  11. יְשַׁעְיָהוּ ל״ב:ו׳בערך תשי״ג לפנה״ס

    כי נבל נבלה ידבר ולבו יעשה און לעשות חנף ולדבר אל יהוה תועה להריק נפש רעב ומשקה צמא יחסיר׃

  12. יְשַׁעְיָהוּ ל״ב:ז׳בערך תשי״ג לפנה״ס

    וכלי כליו רעים הוא זמות יעץ לחבל ענוים באמרי שקר ובדבר אביון משפט׃

  13. יְשַׁעְיָהוּ ל״ב:ח׳בערך תשי״ג לפנה״ס

    ונדיב נדיבות יעץ והוא על נדיבות יקום׃

  14. יְשַׁעְיָהוּ ל״ב:ט׳בערך תשי״ג לפנה״ס

    נשים שאננות קמנה שמענה קולי בנות בטחות האזנה אמרתי׃

  15. יְשַׁעְיָהוּ ל״ב:י׳בערך תשי״ג לפנה״ס

    ימים על שנה תרגזנה בטחות כי כלה בציר אסף בלי יבוא׃

  16. יְשַׁעְיָהוּ ל״ב:י״אבערך תשי״ג לפנה״ס

    חרדו שאננות רגזה בטחות פשטה וערה וחגורה על חלצים׃

  17. יְשַׁעְיָהוּ ל״ב:י״בבערך תשי״ג לפנה״ס

    על שדים ספדים על שדי חמד על גפן פריה׃

  18. יְשַׁעְיָהוּ ל״ב:י״גבערך תשי״ג לפנה״ס

    על אדמת עמי קוץ שמיר תעלה כי על כל בתי משוש קריה עליזה׃

  19. יְשַׁעְיָהוּ ל״ב:י״דבערך תשי״ג לפנה״ס

    כי ארמון נטש המון עיר עזב עפל ובחן היה בעד מערות עד עולם משוש פראים מרעה עדרים׃

  20. יְשַׁעְיָהוּ ל״ב:ט״ובערך תשי״ג לפנה״ס

    עד יערה עלינו רוח ממרום והיה מדבר לכרמל וכרמל ליער יחשב׃

  21. יְשַׁעְיָהוּ ל״ב:ט״זבערך תשי״ג לפנה״ס

    ושכן במדבר משפט וצדקה בכרמל תשב׃

  22. יְשַׁעְיָהוּ ל״ב:י״זבערך תשי״ג לפנה״ס

    והיה מעשה הצדקה שלום ועבדת הצדקה השקט ובטח עד עולם׃

  23. יְשַׁעְיָהוּ ל״ב:י״חבערך תשי״ג לפנה״ס

    וישב עמי בנוה שלום ובמשכנות מבטחים ובמנוחת שאננות׃

  24. יְשַׁעְיָהוּ ל״ב:י״טבערך תשי״ג לפנה״ס

    וברד ברדת היער ובשפלה תשפל העיר׃

  25. יְשַׁעְיָהוּ ל״ב:כ׳בערך תשי״ג לפנה״ס

    אשריכם זרעי על כל מים משלחי רגל השור והחמור׃