circa 800–400 BC

The Hebrew Prophets

God speaks through Isaiah, Jeremiah, and the minor prophets—calling Israel to repentance and foretelling the coming Messiah.

3,706 פסוקים · 14 ספרים נכללים

פסוקים מתקופה זו

סדר הכתובים לפי תאריך
סינון לפי ספר
  1. יְשַׁעְיָהוּ ל׳:י״גבערך תשי״ג לפנה״ס

    לכן יהיה לכם העון הזה כפרץ נפל נבעה בחומה נשגבה אשר פתאם לפתע יבוא שברה׃

  2. יְשַׁעְיָהוּ ל׳:י״דבערך תשי״ג לפנה״ס

    ושברה כשבר נבל יוצרים כתות לא יחמל ולא ימצא במכתתו חרש לחתות אש מיקוד ולחשף מים מגבא׃

  3. יְשַׁעְיָהוּ ל׳:ט״ובערך תשי״ג לפנה״ס

    כי כה אמר אדני יהוה קדוש ישראל בשובה ונחת תושעון בהשקט ובבטחה תהיה גבורתכם ולא אביתם׃

  4. יְשַׁעְיָהוּ ל׳:ט״זבערך תשי״ג לפנה״ס

    ותאמרו לא כי על סוס ננוס על כן תנוסון ועל קל נרכב על כן יקלו רדפיכם׃

  5. יְשַׁעְיָהוּ ל׳:י״זבערך תשי״ג לפנה״ס

    אלף אחד מפני גערת אחד מפני גערת חמשה תנסו עד אם נותרתם כתרן על ראש ההר וכנס על הגבעה׃

  6. יְשַׁעְיָהוּ ל׳:י״חבערך תשי״ג לפנה״ס

    ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו׃

  7. יְשַׁעְיָהוּ ל׳:י״טבערך תשי״ג לפנה״ס

    כי עם בציון ישב בירושלם בכו לא תבכה חנון יחנך לקול זעקך כשמעתו ענך׃

  8. יְשַׁעְיָהוּ ל׳:כ׳בערך תשי״ג לפנה״ס

    ונתן לכם אדני לחם צר ומים לחץ ולא יכנף עוד מוריך והיו עיניך ראות את מוריך׃

  9. יְשַׁעְיָהוּ ל׳:כ״אבערך תשי״ג לפנה״ס

    ואזניך תשמענה דבר מאחריך לאמר זה הדרך לכו בו כי תאמינו וכי תשמאילו׃

  10. יְשַׁעְיָהוּ ל׳:כ״בבערך תשי״ג לפנה״ס

    וטמאתם את צפוי פסילי כספך ואת אפדת מסכת זהבך תזרם כמו דוה צא תאמר לו׃

  11. יְשַׁעְיָהוּ ל׳:כ״גבערך תשי״ג לפנה״ס

    ונתן מטר זרעך אשר תזרע את האדמה ולחם תבואת האדמה והיה דשן ושמן ירעה מקניך ביום ההוא כר נרחב׃

  12. יְשַׁעְיָהוּ ל׳:כ״דבערך תשי״ג לפנה״ס

    והאלפים והעירים עבדי האדמה בליל חמיץ יאכלו אשר זרה ברחת ובמזרה׃

  13. יְשַׁעְיָהוּ ל׳:כ״הבערך תשי״ג לפנה״ס

    והיה על כל הר גבה ועל כל גבעה נשאה פלגים יבלי מים ביום הרג רב בנפל מגדלים׃

  14. יְשַׁעְיָהוּ ל׳:כ״ובערך תשי״ג לפנה״ס

    והיה אור הלבנה כאור החמה ואור החמה יהיה שבעתים כאור שבעת הימים ביום חבש יהוה את שבר עמו ומחץ מכתו ירפא׃

  15. יְשַׁעְיָהוּ ל׳:כ״זבערך תשי״ג לפנה״ס

    הנה שם יהוה בא ממרחק בער אפו וכבד משאה שפתיו מלאו זעם ולשונו כאש אכלת׃

  16. יְשַׁעְיָהוּ ל׳:כ״חבערך תשי״ג לפנה״ס

    ורוחו כנחל שוטף עד צואר יחצה להנפה גוים בנפת שוא ורסן מתעה על לחיי עמים׃

  17. יְשַׁעְיָהוּ ל׳:כ״טבערך תשי״ג לפנה״ס

    השיר יהיה לכם כליל התקדש חג ושמחת לבב כהולך בחליל לבוא בהר יהוה אל צור ישראל׃

  18. יְשַׁעְיָהוּ ל׳:ל׳בערך תשי״ג לפנה״ס

    והשמיע יהוה את הוד קולו ונחת זרועו יראה בזעף אף ולהב אש אוכלה נפץ וזרם ואבן ברד׃

  19. יְשַׁעְיָהוּ ל׳:ל״אבערך תשי״ג לפנה״ס

    כי מקול יהוה יחת אשור בשבט יכה׃

  20. יְשַׁעְיָהוּ ל׳:ל״בבערך תשי״ג לפנה״ס

    והיה כל מעבר מטה מוסדה אשר יניח יהוה עליו בתפים ובכנרות ובמלחמות תנופה נלחם בה׃

  21. יְשַׁעְיָהוּ ל׳:ל״גבערך תשי״ג לפנה״ס

    כי ערוך מאתמול תפתה גם הוא למלך הוכן העמיק הרחב מדרתה אש ועצים הרבה נשמת יהוה כנחל גפרית בערה בה׃

  22. יְשַׁעְיָהוּ ל״א:א׳בערך תשי״ג לפנה״ס

    ¶ הוי הירדים מצרים לעזרה על סוסים ישענו ויבטחו על רכב כי רב ועל פרשים כי עצמו מאד ולא שעו על קדוש ישראל ואת יהוה לא דרשו׃

  23. יְשַׁעְיָהוּ ל״א:ב׳בערך תשי״ג לפנה״ס

    וגם הוא חכם ויבא רע ואת דבריו לא הסיר וקם על בית מרעים ועל עזרת פעלי און׃

  24. יְשַׁעְיָהוּ ל״א:ג׳בערך תשי״ג לפנה״ס

    ומצרים אדם ולא אל וסוסיהם בשר ולא רוח ויהוה יטה ידו וכשל עוזר ונפל עזר ויחדו כלם יכליון׃

  25. יְשַׁעְיָהוּ ל״א:ד׳בערך תשי״ג לפנה״ס

    כי כה אמר יהוה אלי כאשר יהגה האריה והכפיר על טרפו אשר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃