פסוקים על Impenitence

וידבר יהוה אל משה לאמר׃

אך בעשור לחדש השביעי הזה יום הכפרים הוא מקרא קדש יהיה לכם ועניתם את נפשתיכם והקרבתם אשה ליהוה׃

וכל מלאכה לא תעשו בעצם היום הזה כי יום כפרים הוא לכפר עליכם לפני יהוה אלהיכם׃

כי כל הנפש אשר לא תענה בעצם היום הזה ונכרתה מעמיה׃

ואם תלכו עמי קרי ולא תאבו לשמע לי ויספתי עליכם מכה שבע כחטאתיכם׃

והשלחתי בכם את חית השדה ושכלה אתכם והכריתה את בהמתכם והמעיטה אתכם ונשמו דרכיכם׃

ואם באלה לא תוסרו לי והלכתם עמי קרי׃

והלכתי אף אני עמכם בקרי והכיתי אתכם גם אני שבע על חטאתיכם׃

והיה בשמעו את דברי האלה הזאת והתברך בלבבו לאמר שלום יהיה לי כי בשררות לבי אלך למען ספות הרוה את הצמאה׃

לא יאבה יהוה סלח לו כי אז יעשן אף יהוה וקנאתו באיש ההוא ורבצה בו כל האלה הכתובה בספר הזה ומחה יהוה את שמו מתחת השמים׃

והבדילו יהוה לרעה מכל שבטי ישראל ככל אלות הברית הכתובה בספר התורה הזה׃

אלהים שופט צדיק ואל זעם בכל יום׃

אם לא ישוב חרבו ילטוש קשתו דרך ויכוננה׃

ולו הכין כלי מות חציו לדלקים יפעל׃

זרו רשעים מרחם תעו מבטן דברי כזב׃

חמת למו כדמות חמת נחש כמו פתן חרש יאטם אזנו׃

אשר לא ישמע לקול מלחשים חובר חברים מחכם׃

ולא שמע עמי לקולי וישראל לא אבה לי׃

ואשלחהו בשרירות לבם ילכו במועצותיהם׃

וימאסו בארץ חמדה לא האמינו לדברו׃

וירגנו באהליהם לא שמעו בקול יהוה׃

כי המרו אמרי אל ועצת עליון נאצו׃

ויכנע בעמל לבם כשלו ואין עזר׃

יען קראתי ותמאנו נטיתי ידי ואין מקשיב׃

ותפרעו כל עצתי ותוכחתי לא אביתם׃