Shiloh

30 verses

32.0500, 35.2800 הצג במפות גוגל

פסוקים המזכירים את Shiloh

סינון לפי ספר
  1. יְהוֹשֻעַ י״ח:א׳

    ¶ ויקהלו כל עדת בני ישראל שלה וישכינו שם את אהל מועד והארץ נכבשה לפניהם׃

  2. יְהוֹשֻעַ י״ח:ח׳

    ויקמו האנשים וילכו ויצו יהושע את ההלכים לכתב את הארץ לאמר לכו והתהלכו בארץ וכתבו אותה ושובו אלי ופה אשליך לכם גורל לפני יהוה בשלה׃

  3. יְהוֹשֻעַ י״ח:ט׳

    וילכו האנשים ויעברו בארץ ויכתבוה לערים לשבעה חלקים על ספר ויבאו אל יהושע אל המחנה שלה׃

  4. יְהוֹשֻעַ י״ח:י׳

    וישלך להם יהושע גורל בשלה לפני יהוה ויחלק שם יהושע את הארץ לבני ישראל כמחלקתם׃

  5. יְהוֹשֻעַ י״ט:נ״א

    אלה הנחלת אשר נחלו אלעזר הכהן ויהושע בן נון וראשי האבות למטות בני ישראל בגורל בשלה לפני יהוה פתח אהל מועד ויכלו מחלק את הארץ׃

  6. יְהוֹשֻעַ כ״א:ב׳

    וידברו אליהם בשלה בארץ כנען לאמר יהוה צוה ביד משה לתת לנו ערים לשבת ומגרשיהן לבהמתנו׃

  7. יְהוֹשֻעַ כ״ב:ט׳

    וישבו וילכו בני ראובן ובני גד וחצי שבט המנשה מאת בני ישראל משלה אשר בארץ כנען ללכת אל ארץ הגלעד אל ארץ אחזתם אשר נאחזו בה על פי יהוה ביד משה׃

  8. יְהוֹשֻעַ כ״ב:י״ב

    וישמעו בני ישראל ויקהלו כל עדת בני ישראל שלה לעלות עליהם לצבא׃

  9. שֹׁפְטִים י״ח:ל״א

    וישימו להם את פסל מיכה אשר עשה כל ימי היות בית האלהים בשלה׃

  10. שֹׁפְטִים כ״א:י״ב

    וימצאו מיושבי יביש גלעד ארבע מאות נערה בתולה אשר לא ידעה איש למשכב זכר ויביאו אותם אל המחנה שלה אשר בארץ כנען׃

  11. שֹׁפְטִים כ״א:י״ט

    ויאמרו הנה חג יהוה בשלו מימים ימימה אשר מצפונה לבית אל מזרחה השמש למסלה העלה מבית אל שכמה ומנגב ללבונה׃

  12. שֹׁפְטִים כ״א:כ״א

    וראיתם והנה אם יצאו בנות שילו לחול במחלות ויצאתם מן הכרמים וחטפתם לכם איש אשתו מבנות שילו והלכתם ארץ בנימן׃

  13. 1 שְׁמוּאֵל א׳:ג׳

    ועלה האיש ההוא מעירו מימים ימימה להשתחות ולזבח ליהוה צבאות בשלה ושם שני בני עלי חפני ופנחס כהנים ליהוה׃

  14. 1 שְׁמוּאֵל א׳:ט׳

    ותקם חנה אחרי אכלה בשלה ואחרי שתה ועלי הכהן ישב על הכסא על מזוזת היכל יהוה׃

  15. 1 שְׁמוּאֵל א׳:כ״ד

    ותעלהו עמה כאשר גמלתו בפרים שלשה ואיפה אחת קמח ונבל יין ותבאהו בית יהוה שלו והנער נער׃

  16. 1 שְׁמוּאֵל ב׳:י״ד

    והכה בכיור או בדוד או בקלחת או בפרור כל אשר יעלה המזלג יקח הכהן בו ככה יעשו לכל ישראל הבאים שם בשלה׃

  17. 1 שְׁמוּאֵל ג׳:כ״א

    ויסף יהוה להראה בשלה כי נגלה יהוה אל שמואל בשלו בדבר יהוה׃

  18. 1 שְׁמוּאֵל ד׳:ג׳

    ויבא העם אל המחנה ויאמרו זקני ישראל למה נגפנו יהוה היום לפני פלשתים נקחה אלינו משלה את ארון ברית יהוה ויבא בקרבנו וישענו מכף איבינו׃

  19. 1 שְׁמוּאֵל ד׳:ד׳

    וישלח העם שלה וישאו משם את ארון ברית יהוה צבאות ישב הכרבים ושם שני בני עלי עם ארון ברית האלהים חפני ופינחס׃

  20. 1 שְׁמוּאֵל ד׳:י״ב

    וירץ איש בנימן מהמערכה ויבא שלה ביום ההוא ומדיו קרעים ואדמה על ראשו׃

  21. 1 שְׁמוּאֵל י״ד:ג׳

    ואחיה בן אחטוב אחי איכבוד בן פינחס בן עלי כהן יהוה בשלו נשא אפוד והעם לא ידע כי הלך יונתן׃

  22. 1 מְלָכִים ב׳:כ״ז

    ויגרש שלמה את אביתר מהיות כהן ליהוה למלא את דבר יהוה אשר דבר על בית עלי בשלה׃

  23. 1 מְלָכִים י״ד:ב׳

    ויאמר ירבעם לאשתו קומי נא והשתנית ולא ידעו כי אתי אשת ירבעם והלכת שלה הנה שם אחיה הנביא הוא דבר עלי למלך על העם הזה׃

  24. 1 מְלָכִים י״ד:ד׳

    ותעש כן אשת ירבעם ותקם ותלך שלה ותבא בית אחיה ואחיהו לא יכל לראות כי קמו עיניו משיבו׃

  25. תְהִלִּים ע״ח:ס׳

    ויטש משכן שלו אהל שכן באדם׃